o_O بدتمیز

ایک بچہ نے مضمون لکھا  ہمارے بزرگ ہمیں اس وقت ملتے ہیں جب ان کی عادتیں اس قدر پختہ ہو چکی ہوتی ہیں کہ ان کو بدلنا ناممکن ہوتا ہے۔ میں اس بچے کا دکھ سمجھ سکتا ہوں

پچھلے سال ستمبر میں سوچا کہ امریکہ سے باہر جا کر امریکہ کی طرف منہ کر کے اس کو دیکھیں کہ کیسا لگتا ہے۔ چونکہ میکسیکو میں سوائن فلو تھا لہذا باوجود ٹھنڈ کے کینیڈا کی راہ لی۔ اس سے قبل چونکہ چند ہمدرد اپنی نیک خواہشات کا اظہار ببانگ دہل کر چکے تھے جن کا لب لباب یہی تھا کا دھوبی کا کتا نہ گھر کا رہے گا نہ گھاٹ کا۔ جس میں دھوبی ڈیفائن نہیں کیا گیا۔

خیر چونکہ ہر بدتمیز کی اضافی خوبی خر دماغ ہونا ہوتی ہے لہذا ہم نے حسب معمول ہر نصیحت کو طاق پر سجا کر رکھا جس میں ہمیں شہ مندرجہ ذیل اداروں نے فراہم کی۔

western hemisphere travel initiative

US Custom and Border Protection

Canadian Embassy

جس طرح صدر مشرف انٹرویوز میں بائے دا بک کہہ دیا کرتے تھے ویسے مغربی ممالک میں تمام معلومات آنلائن سائٹس پر ہوتی ہے۔ اخبار رسالے میں نہیں چھپتی اور اگر چھپتی بھی ہیں تو کون سمجھائے کہ اپڈیٹ کدھر جلد اور درست ہو گی؟ کینیڈا کی ایمبیسی کی سائٹ کہتی کہ اگر آپ کے پاس گرین کارڈ ہے تو آپ کو پاسپورٹ دیکھانے کی ضرورت نہیں۔ امریکہ کہتا کہ اگر گرین کارڈ ہے تو پاسپورٹ کی ضرورت نہٰں۔ اس میں مشکل کیا ہے؟

یہی کہ جی سائٹ پر لکھا ہے کسی اخبار رسالے میں نہیں چھپا۔ لہذا فون کیا گیا۔ کینڈین ایمبیسی کی خاتون نے کہا ہماری سائٹ پڑھیں۔ ان کو کہا کہ جی سمجھ نہیں آتی انگلش میں لکھا ہے تو انہوں نے آسان انگلش میں وہی پھر سمجھا دیا جو ہمیں پہلے سمجھ آ چکی تھی پر ہمارے منہ سے کسی اور کو سمجھ نہیں آ رہی تھی۔

پھر امریکہ کی باری آئی۔ ہم نے سیدھا ہوم لینڈ سیکیورٹی کو فون کر دینا تھا کہ جی بزرگ نہٰں مانتے ہمیں ایک اسٹامپ لکھ کر دیا جائے مگر پھر  united states citizenship and immigration services کو فون کیا وہاں موجود نیک بخت نے تسلی دی اور ساتھ کہا کہ بارڈ پروٹیکشن کو فون کرو کہ وہی تمہاے مشکوک چال چلن کی جانچ کریں گے۔

اب ان کا فون نہیں ملتا ملتا ہے تو عجیب ہی طریقے سے لہذا ان کی سائٹ سے استفادہ کیا پر نتیجہ وہی ڈھاک کے تین پات ہماری معلومات میں کوئی نیا اضافہ نہیں ہوا نتیجتہ ہم نے مانگے کی گاڑی پکڑی اور نکل کھڑے ہوئے۔

بفلو جا کر میرے چچا کہیں یار تو اس طرف ٹھیراور میں کہو نہ جی اینی کول آ کے تے اینج نئیں نہ۔ خیر ہم بارڈر کراس فرما گئے۔ خاتون نے گرین کارڈ مانگا۔ کمپیوٹر پر سکین کیا اور پوچھا کتھے؟ میں نے کہا سنا ہے یہاں ایک چھوٹی سی آبشار بہتی ہے۔ بس اوتھے۔ فرمایا جا عیش کر۔

بارڈر سے صبح سویرے منہ نہار دوڑ لگائی تو سیدھی ٹورنٹو میں گریٹ لیک، لیک اونٹاریو پر بریک لگائی۔ کیا شاندار جھیل ہے۔ اس جھیل کے کنارے بندے کا گھر ہو پر امریکہ والی سائیڈ پر۔ کینیڈا تو جنگل بیابان ہے۔ اگر میرے جیسے بندے کو سزا دینی ہو تو اس کو کینیڈا میں کچھ وقت گزارنے کی سزا دے دی جائے نہ بندے کا پتر بنے تو مجھے کہیں۔

امریکہ میں تین سو ملین لوگ ہیں کینیڈا میں صرف تیس ملین۔ شام پانچ بجے gta یعنی greater toronoto area میں موت پڑ جاتی ہے اور نو بجے تک ٹورنٹو ڈاون ٹاون تک میں الو بولتے ہیں۔ اگر آپ نیویارک سے ادھر جائیں تو بہت زیادہ شاک لگتا ہے۔ میں شام سات سے نو بجے تک ڈاون ٹاون میں پھرتا رہا اور لوگ ندارد بالکل ہو کا عالم۔

کینیڈا میں بہت بڑے بڑے مال ہیں۔ کم از کم میٹروپولیٹن ایریا کے حساب سے نیویارک سے موازنہ کریں تو بہت ہی بڑے بڑے مال ہیں اتنی کھلی پارکنگ اور لوگ غائب۔ اسٹورز کے اسٹورز سامان سے بھرے پڑے ہیں اور گاہک نام کو نہیں۔ کسی اسٹور میں گھس جائیں اور اس میں موجود تمام ایمپلائی آپ کو دیکھنے لگ جائے گے۔ ٹٰکس بہت زیادہ ہے۔ ہاں امریکی کرنسی عام وصول کی جاتی ہے۔ آپ کو کینیڈین ڈالر لینے کی ضرورت نہیں۔ چھوٹی سے چھوٹی جگہ تک پر بھی امریکی ڈالر لے لیا جاتا ہے۔ بڑی جگہوں پر عام طور پر بقایا امریکی کرنسی ہی میں ادا کیا جاتا ہے۔ نہیں تو کہہ کر کینیڈین ڈالر لے لیں۔

ٹورنٹو میں بھی پاکستانی اپنا علاقہ بنا کر بیٹھے ہیں۔ اس اسٹریٹ کا نام بھول گیا۔ جیراڈ اسٹریٹ تھا شائد۔ یہاں دیسی کھانے پینے کی بہت دکانیں ہیں جہاں امریکہ میں آپ کو دیسی اصلی والے بھی مل جاتے ہیں۔ کینیڈا مٰں صرف abcd ہی نظر آتے ہیں۔ صرف پرانی نسل ہی اصلی دیسی رہی ہے۔

سوچا اب واپس جا کر ٹیسٹ کریں کہ امریکہ گھسنے دیتا ہے کہ نہیں۔ اب تجربہ کیا تھا تو پورا تو کرنا تھا نہ۔ مگر اس سے پہلے ذرا وہ چھوٹی سی آبشار دیکھ لیں۔ تین دن سورج ٹکا کر چمکا مگر آخری دن بادل آ گئے۔ بڑی دوڑ لگائی مگر کم نکلی۔ نیاگرا پہنچتے پہنچتے رم جھم شروع ہو چکی تھی۔

گاڑٰی پارک کی اور نیاگرا کی طرف منہ گیا۔ ہمیں تو زبردستی ڈبل نہانا پڑا۔ اوپر سے بارش اور سامنے سے آبشار کا پانی۔ اتنی بلندی سے آبشار گرتی ہے تو  پانی کے مہین قطروں کی برسات شروع ہو جاتی ہے۔ نیچے موٹر بوٹ چلتی ہے اور اوپر ڈیک سے دیکھیں اور ساتھ ساتھ نائیا نائیا۔

بارش نے سارا مزہ خراب کر دیا۔ لیکن بارش نے کسی حد تک کیمرہ نہ ہونے کا غم بھلا دیا۔ آپ کیا کریں گے اگر آپ کو کیمرہ تو مل جائے مگر چارجر اور ڈیٹا کیبل نہ لائٰ جائے صرف اس لئے کہ پیچھے ہم کیا استعمال کریں گے؟ وہ بھی ایسے میں جب آپ کو معلوم پڑے کہ یہ کیمرہ تو bridge camera تھا اور اس پر آپ dslr کی تمام basics سیکھ سکتے تھے؟ میں بتاوں آپ بارہ سو ڈالر کا nikon d90 لے لیں۔ ٹھنڈ پڑ جائے گی سب کو۔

اب میرا ارادہ ملکانی کو ملنے جانے کا ہے۔ مگر برٹش ایمبیسی کو فون کرنے پر چارج پڑتے ہیں جو کہ یقینی طور پر ہم دیسیوں کی وجہ سے ہیں جو انگلش نہیں پڑھتے اور فٹ فون کھڑکا دیتے ہیں۔ لہذا میرا خیال ہے میں حسب معمول عمل کروں۔ آپ کا کیا خیال ہے؟