o_O بدتمیز

ہوا کچھ یوں تھا کہ جب یہ برف پڑی تھی۔ اس سے اگلے روز میں نے اپنا آئی فون گرا کر خراب کر لیا تھا۔ فون صاحب کو چاولوں میں دبا کر بھی دیکھ لیا مگر فون صاحب ہیں کہ مانے ہی نہ۔ حالانکہ 5 دن چاولوں میں دبانے کے بعد میرا تو خیال تھا کہ میرے گھر میں ایک پودا اگ جائے گا جس پر ننھے ننھے آئی فون لگے ہونگے۔ جی بھر کر توڑیں گے اور عزیز رشتہ داروں میں تقسیم کر کے واہ واہ سمیٹے گے لیکن نہ جی فون صاحب چلنے سے انکاری۔

فون صاحب اول تو میک آپریٹنگ سسٹم ہونے کے باوجود ری سٹارٹ کے دورے برداشت کر رہے تھے یعنی فون بند کیا اور یہ خود ہی ری سٹارٹ اور اس کو دیکھ دیکھ کر مجھے ونڈوز کی کرپٹ انسٹالیشن یاد آ رہی تھی۔ دوسرے فون صاحب جس پی پروگرام کو چلاؤ اسی پر ٹک جاتے تھے یعنی ہوم بٹن کام نہیں کرتا تھا۔ یعنی فون تقریبا کسی کام کا نہیں رہا تھا۔

زکریا نے جینئیس بار کا ایڈریس دیا کہ میاں جاؤ رابطہ کرو لیکن میں نے پہلے نیٹ پر اس پر پڑھ لیا تھا کہ جی فون اب گیا کام سے۔ دراصل اب الیکٹرونکس میں جگہ جگہ پی ایچ پیپر رکھا ہوتا ہے جو پانی لگنے سے رنگ تبدیل کر لیتا ہے۔ یہ دو جگہوں پر ہوتے ہیں ایک تو ہیڈ فون کے جیک کے اندر دوسرے چارجنگ میں نیچے خلا میں۔ بہت سے لوگ آئی فون ٹوائلٹ میں گرا کر ایپل سے انکار سن چکے تھے۔ خیر میں نے پہلے ایک دن اپوائنٹمنٹ لی اور مس کر دی۔

کل پھر آج کی اپوائنٹ منٹ لی اور شام ساڑھے سات کی اپوائنٹ منٹ تھی دوپہر دو بجے وہاں سے گزرا تو سوچا ٹرائی مار لوں پوچھا تو خاتون بولیں نہیں شام کو ہی آنا۔ خیر جب شام کو گیا اور بہت سے لوگوں کو اسی وقت سرو ہوتے دیکھا تو غصہ تو آیا لیکن اب رش کم تھا۔ اگر نیویارک میں ہیں تو اپیل سٹور پر جانے کا بہترین وقت شام 6 سے 9 کے درمیان ہے اس سے پہلے اور بعد کافی رش ہوتا ہے۔

خیر میں گیا جئنیس والوں نے چیک ان کر کے بٹھا دیا۔ پورے وقت پر مجھے بلایا اور اس نے میرے سے پوچھا مسئلہ کیا ہے۔ اس کے بعد اس نے واٹر سینسر چیک کئے اور مجھے کہا کہ فون پر زنگ کے آثار ہیں کیا تمہارے علم میں کبھی اس کو سیال نے چھوا ہے۔ جیسے کے انٹرنیٹ پر یہی کہا گیا تھا کہ جھوٹ بولا جائے یا لاعلمی کا اظہار کیا جائے کے برعکس میں نے اس کو سچ سچ بتا دیا۔ اور کہا کہ میں صرف اتنا چاہتا ہوں کہ اس کا بٹن کام کرنے لگ جائے۔

اس نے کہا  اگر تم کہو تو میں بیک لیب میں اس کو کھول کر دیکھ لیتا ہوں سکرین نئی ڈالنے سے شائد ٹھیک ہو جائے۔ میں نے کہا ضرور تھوڑی دیر بعد آیا اور کہا کہ فون پانی سے متاثر ہے کیونکہ زنگ کے آثار ہے لہذا میں اس کی اسکرین تبدیل کر کے دیکھ لیتا ہوں کہ شائد کام کرے لیکن بری خبر یہ ہے کہ ہم اس کو وارنٹی میں کور نہیں کرتے۔ تم کو نیا آئی فون لینا پڑے گا جو کہ شائد رعایتی قیمت کے بجائے 600 ڈالر کا پڑے یا پھر تم اے ٹی اینڈ ٹی سے ریفربشڈ آئی فون لے لو جو 100 200 کا ہو گا۔ یا کسی تھرڈ پارٹی سے مرمت کروانے کی کوشش کر لو، میں نے اس سے کہا کہ کیا اس کی اسکرین نئی ڈال کر دیکھ سکتے ہو کہ کچھ عرصہ کے لئے چل جائے۔ کیونکہ میں نیا لینے نہیں آیا صرف اگر اس کی مرمت ہو جائے۔ میں نہیں چاہتا کہ میری غلطی ایپل پے کرے اور اگر باہر سے میں مرمت کرواؤ تو وارنٹی وائڈ ہو جائے گی۔

اس نے کہا ضرور۔ دوبارہ بیک لیب میں گیا۔ اب ذرا زیادہ دیر لگا کے آیا اور بولا میں نے اسکرین نئی ڈالی ہے لیکن فون نہیں چل رہا۔ لیکن میں نے کچھ لوگوں سے بات کی ہے اور وہ تمکو نیا فون دینے پر راضی ہیں۔ مجھے تو یقین ہی نہ آئے میں نے کہا نیا کہ اسی کی ٹھیک کر دے گیں؟ بولا نہیں نیا۔ پھر بس کچھ ہی منٹوں میں ہم اپنے نئے نکور آئی فون کے ساتھ سب وے میں منحوس اے ٹرین کا انتطار کر رہے تھے جہاں ایک بابا جی ٹکرے جن کا تذکرہ کل صحیح۔

نہیں نہیں سچ مچ چھلانگیں نہیں مار رہا مجھے اپنے وزن اور زمین کی کشش ثقل اور پوٹینشل انرجی کا اچھی طرح اندازہ ہے۔ :d