o_O بدتمیز

نیویارک جا کر میرا بہت سے امریکیوں سے واسطہ بڑھ گیا۔ کچھ لوگ چھوٹتے ہی مجھ سے پوچھتے ہیں کہ میں کہاں سے ہوں۔ میڈیا امریکیوں کی رائے بنانے میں اہم اور شائد واحد کردار ادا کرتا ہے۔ میڈیا کی اہمیت اس قدر ہے کہ بظاہر لاتعلق چینی، چھوٹے افریقی ممالک اور انڈونیشیا کے لوگ بھی ہمارے بارے بہت معلومات رکھتے ہیں۔ ایسے تمام لوگوں خصوصا گورے امریکیوں میں تجسس کی وجہ سے یہ مختلف سوالات کرتے ہیں۔ ان کی اچھی بات یہ ہے کہ یہ کبھی مجھے کٹہرے میں کھڑا نہیں کرتے بلکہ سوالات سے مزید جاننے کی کوشش کرتے ہیں جبکہ میں نے عربوں اور دیسیوں میں بات نوٹ کی ہے کہ ان کے سوالات دراصل طنزیہ لہجہ اختیار کئے ہوتے ہیں۔ کم از کم امریکیوں کا رویہ میرے سے مفاہمانہ ہوتا ہے جس میں جیسے ہی ان کو پتہ چلے کہ پاکستانی ہے یعنی مسلمان تو بہت سے لوگ اپنے بہترین دوست کا بتاتے ہیں کہ ان کا ایک اچھا دوست فلاں مسلم ملک سے تعلق رکھتا ہے۔

ایسے تمام لوگوں کو ہماری تمام حرکات کا علم ہوتا ہے جس میں سر فہرست امریکی جھنڈا جلانا یا اس پر کھڑا ہونا ہے۔ ایسے تمام لوگوں سے میں ایک جملہ ضرور کہتا ہوں کہ صدیوں سے اس علاقے کے لوگ ناانصافی اور تعلیم کی کمی کا شکار رہے ہیں لہذا یہ لوگ بہت سے کام اشتعال میں کرتے ہیں۔ اور یہی وجہ ہے کہ ہمارے کچھ پڑھے لکھے لوگ بھی تمام برائیوں کو حکمرانوں میں جائز قرار دیتے ہیں۔ ایسے میں مجھے پہلے ہنسی پھر غصہ اور پھر افسوس ہوتا ہے۔

باراک اوبامہ نے کیلیفورنیا میں اس ہفتہ ایک ٹاؤن میٹنگ کی۔ ٹاؤن میٹنگ انتخابی مہمات کا ایک اہم حصہ ہوتی ہے لیکن تاریخ میں پہلی دفعہ ایک sitting president نے یہ کام کیا۔ اسی پر موقوف نہیں وہ jay leno کے ٹاک شو میں بھی شرکت کرنے پہنچ گئے۔ ناقدین کا کہنا تھا کہ وہ اب انتخابی مہم سے باہر نکل آئیں کیوں؟ کیوں کہ وہ صدر ہیں اور جا کر اپنا کام کریں یعنی صدر بننے کے بعد انکو یہ زیبا نہیں دیتا۔

میشل اوبامہ نے وائٹ ہاؤس کا لان کھود ڈالا۔ ان کی کوئی جیولری نہیں گم ہوئی وہ چاہتی ہیں کہ وائٹ ہاؤس کے لئے سبزیاں خود اگائیں۔ اس مقصد کے لئے انہوں نے لوکل کمیونٹی سے بچوں کو بلایا ان کو تازہ سبزیوں کے فوائد بتائے اور پھر سب نے مل کر سبزیوں کی کیاریاں تیار کی۔ اس سے پہلے شائد روزویلٹ کی اہلیہ نے جنگ عظیم کے دوران سبزیوں کا باغ لگایا تھا۔ اس کا نام وکٹری گارڈن تھا۔ اس وقت جنگ کی وجہ سے اقتصادی حالت تنگ تھی اور فوج تک کے لئے سبزیاں اگائی گئی تھیں۔ میشل اوبامہ کو ایلس واٹرز نے خط لکھ کر اس کام پر اکسایا ہے۔ اس سے پہلے انہوں نے ہیلری کلنٹن کو بھی ترغیب دی تھی پر مگر کامیاب نہ ہو سکیں۔

میرے بچپن میں چینی کہانیوں کا ترجمہ شدہ کتابوں کا ایک ڈھیر آیا تھا۔ اس میں ایک کہانی جاپان کی تھی کہ کیسے ہاتھ کے پنکھے کا رواج پڑا۔ ہوا صرف اتنا تھا کہ پہلے شاہی خاندان نے کیا ان کی دیکھا دیکھی وزرا اور امرا نے اور پھر عوام تک  یہ رواج پھیل گیا۔ یہ کہانی بتاتی ہے کہ تبدیلی کے لئے اوپر کی سطح پر کوشش ضروری ہے۔ اور ہمارے ہاںؒ؟

ہم صدیوں کے دبائے گئے عوام آج حکمرانوں اور ان کی اولادوں کو ہر برائی میں مبتلا ہونا ان کا حق سمجھتے ہیں۔

مغل بادشاہوں کے حرم تھے۔ جس عورت کو دیکھتے فریفتہ ہوتے اور ان کو اپنے محل میں لاتے ان سے خواہش پوری کرتے ان پر خواجہ سرا ناظم مقرر کرتے اور بس۔ ان کی ایسی ہی ناجائز اولادیں مزید بادشاہ مسلمان مگر ناجائز، ان کو یہ حق کس نے دیا اور وہ کیسے مسلمان ہو گئے؟ ہم اسی میں کنفیوز کے وہ مسلمان تھے کہ ان کی ایسی ناجائز حرکات درست کہ غلط؟

بالی وڈ کے کنگ خانز، جب میں پڑھتا ہوں کہ فلاں مسلمان خان اداکار اوراس کو ہندو جاتی سے تعصب کا سامنا تو مجھے سمجھ نہیں لگتی کیسے مسلمان؟ شاہ رخ خان کی بیوی ہندو۔ سلمان خان کی بہن کی شادی ایک ہندو سے ہوئی۔ وہ اکثر شراب میں دھت ہوتا ہے۔ عام خان کی بہن کی شادی ایک ہندو سے ہوئی لیکن اس کا بیٹا پھر بھی خان ہے۔ یہ سب خان مسلمان ہیں یہی حرکت ہم اورآپ کریں تو ہم غیر مسلم اور اگر ہم میں سے کوئی اونچا بندہ کرے تو مناسب۔

ہم اصل میں انہتاہی بزدل لوگ ہیں اور اپنے سے طاقتور سے دبتے ہیں اور دوسروں کو بھی ایسی ہی تلقین کرتے ہیں۔ اور ہم خود کو اس قدر کم اہل جانتے ہیں کہ کارنامہ انجام دے کر بھی سوچ میں پڑے رہتے ہیں کہ ہمارا ہی ہے کہ غیبی ہاتھ ہے۔ اور جہاں کارنامہ کسی کا ہوتا ہے وہاں کبوتر کی طرح آنکھیں بند کر لیتے ہیں۔

پاکستان اس وقت تک ترقی نہیں کر سکتا جب تک شعور نہ آجائے اور شعور پہلے پڑھے لکھوں میں آنا ابھی باقی ہے۔ اگر ہمارا پڑھا لکھا طبقہ ہی یہ بات نہیں سمجھے گا تو جاہل اجڈ تو کسی جماعت کے پیچھے لگ سکتے ہیں۔