o_O بدتمیز

پاکستان میں لاری اڈوں پر آپکو اکثر ایسے جوڑے ملتے ہیں جن کی ایک سی کہانی ہوتی ہے۔ کسی قصبہ کا نام لیتے ہیں کہ وہاں سے آئے ہیں لٹ گئے ہیں۔ گھر جانے کے پیسے  نہیں مدد کر دیں۔ ساتھ میں خاتون نے ایک بچہ اٹھایا ہوتا ہے اور صاحب نے بھی ایک بچی کندھے سے لگائی ہوتی ہے۔

امریکہ میں بھی ایسے کیس ہوتے ہیں یہ مجھے اسی ہفتہ پتہ چلا۔ میں ابھی سب وے سے نکل کر greyhound پر غور کر ہی رہا تھا کہ اتنا رش کیونکر کہ شہر خالی اور بس دفتر بھرا ہوا کہ ایک خاتون ٹپک پڑیں۔ کہانی سنانے سے پہلے بولیں اے ہمدرد (بےوقوف) میرے پر ہنسنا نہ۔ اس کے بعد میں پولیس سے ہو آئی، میرا سامان گم ہو گیا ہے پولیس مدد کرتی نہیں۔ پچھلے سات گھنٹوں سے ادھر ہوں۔ آخری بس مس کر دی ہے۔ اگلے بارہ گھنٹے ادھر رہنا پڑے گا لہذا میں لوگوں سے پیسے اکٹھے کر کے ٹکٹ لینا ہے۔ عجیب بات یہ تھی کہ شام کے پانچ بجے کیسے آخری بس مس کر دی؟

خیر چونکہ میری شکل پر بےوقوف تو لکھا ہی ہے لیکن اگر کوئی وہ مس کر دے تو پھر میرے ارد گرد سائن اور نیون بورڈز بھی نکل اور جل پڑتے ہیں کہ یہی ہیں صدی کے سب سے بڑے بےوقوف۔ خاتون کو چلتا کر کے میں اسی مقام کا طواف خوشی خوشی کر رہا تھا جہاں ایک حسینہ نے پورے ایک منٹ مجھے برداشت کیا تھا کہ ایک سپینش نازل ہوا۔ بولا کہاں کے ارادے ہیں جناب۔ خاتون کے خیال میں مگن میں نے کہہ دیا “مرجینا” ان کو سمجھ لگی ورجینیا اور بولے میرے آقا میرے پیچھے پیچھے آؤ۔ اب یہ گرے ہاؤنڈ کے دوسرے چھوٹے دفتر میں میرے آگے لگ گیا۔ wtf, thats something fishy میں نے پوچھا اے میرے ہمدرد و غمگسار مرجینا کہاں ہے؟ بولے یہاں سے ٹکٹ لے کر پتہ کرونگا کہ کس گیٹ پر جانا ہے۔ میں نے فٹ اپنا فون نکالا۔ اپنے ہمدرد سے سائیڈ ہو کر اس کی سکرین دیکھنے کا بہانہ کیا اور اس سے بولا۔ اے میرے مشکل کشا وقت گھڑی آن پڑا ہے کہ تجھ سے الگ ہوں اور اپنی راہ لگوں۔ میرا دوست اوپر آگیا ہے اس کو لے آؤ تو ٹکٹ لوں۔ کہتا اوکے۔ پھر پیچھے پیچھے باہر آیا کہتا میں نے بوسٹن جانا ہے کیا تم کچھ مدد کر سکتے ہو؟ میں نے کہا کیوں نہیں دعا دیتا ہوں۔ اللہ تمہیں حفاظت سے پہنچائے۔

اب وہی میں تھا اور وہی elevators خیر اب کے جہاں پہنچا تو وہاں ایک کالے کو لگا کہ مجھ سے بڑا بےوقوف دنیا میں نہ ہو گا۔ لہذا پوچھا کہاں کو جانا ہے میاں؟ میں نے کہ کہیں نہیں ادھر پورٹ اتھارٹی کے کسی کونے کھدرے میں سو رہونگا۔ چھٹیاں اسی منحوس جگہ پر گزارونگا۔ خیر میرے بعد اس نے ایک انڈین جوڑے کو گھیرا۔ بالکل ینگ اور معصوم سے۔ میں نے آواز دے کر روکا اور کہا کے اس کے ساتھ مت جاؤ۔ کالے نے میری طرف یوں گھور کر دیکھا میں نے فٹ پوچھ لیا انڈین؟ جواب اثبات میں ملنے پر میں اردو میں شروع ہو گیا اور کالا مزید میری گلابی انگلش سننے سے محروم رہ گیا۔ ان کو نصیحت کی کہ دوست کو فون کرو اور اسی کے ساتھ جاؤ نہیں تو نیویارکر لوٹ کر نوچ کر کھا جائیں گے۔

امریکہ میں اس سال حالات حد سے زیادہ خراب ہیں۔ اس قدر کہ میں نے خود 80 فیصد آف پر چیزیں بکتی دیکھیں ہیں۔ کیا آپ یقین کریں گیں کہ 118 ڈالر کی چیز 29 ڈالر کی بک رہی ہو؟ پھر بھی لوگ کچھ خرید ہی نہیں رہے۔ جہاں کسی نے پانچ سو خرچ کرنا ہو وہاں وہ سو بھی مشکل سے خرچ کر رہے ہیں۔ ابھی اسی ہفتہ سی این این کی خبر تھی کہ صرف ایک ہی پیشہ بوم کر رہا ہے اور وہ ہے جسم فروشی۔ وجہ؟ جب جابز ہی نہیں تو یہ کیا کریں؟ جو نہیں بھی تھیں وہ بھی جاب نہ ہونے کی وجہ سے بن گئی ہیں۔ عارضی طور پر ہیں اور جاب ملتے ہی چھوڑ دیں گی۔ لہذا یہ سب لوگ جو مجھے ملے یہ بھی اسی ڈاؤن ہوتی اکانومی کا نتیجہ ہیں۔ کرسمس پر تو ویسے بھی expectation کے باعث بہت سے لوگ ایسے کام کرتے ہیں جو وہ عام طور پر نہ کریں۔ یہ وہ واحد تہوار ہے جس پر ہر کسی کو احساس ہوتا ہے کہ یہ اہم ہے اور اس سے جڑی expectations کو پورا کرنا لازمی ہے۔ جس کا نتیجہ جرائم میں اس سیزن کے دوران اضافہ نکلتا ہے۔

بس اسٹیشن پر یہ لوگ کیسے شکار تاڑتے ہیں؟ اول آپ کو نیا لگنا چاہئے جس کو اپنا راستہ علم نہ ہو۔ وہ ادھر ادھر دیکھ رہا ہو۔ یا پھر یہاں پر بڑی جگہوں میں ہر فلور پر میپ لگا ہوتا ہے کہ آپ کہاں کھڑے ہیں اور اس فلور پر کیا کیا موجود ہے۔ یہاں یہ آپ سے آ کر پوچھتے ہیں کہ مدد تو نہیں چاہئے۔ مدد کے لئے یا تو پولیس والے سے پوچھیں یا پھر ہڈسن نیوز پر انڈین ہی ہوتے ہیں لہذا اردو میں پوچھ سکتے ہیں یا پھر کسی شاپ سے۔ جو خود سے مدد کی آفر کرے اس کی بس اسٹیشن پر ہونے کی ایک ہی وجہ ہے کہ وہ وہاں پر فالتو ہے۔ یاد رہے کہ جس کو سچ مچ ایسی مشکل پیش ہو وہ فورا سے بیشتر آپ کا ایڈریس لے گا کہ آپ کو مطلوبہ رقم چاہے 2 ڈالر کیوں نہ ہو گھر پہنچ کر بھیج سکے۔ باقی رقم لیتے ہی رفو چکر ہونے کے منصوبے بنا کر آتے ہیں۔

جی ہاں کالا میرے پیچھے نہیں لگا کہ میرے کونے کھدرے کا پیچھا کرے۔ پورٹ اتھارٹی پر اچھی خاصی پولیس ہوتی ہے ان کو بتا کر ایسی چیزوں کو باہر نکلوایا جا سکتا ہے۔ بشرطیکہ اتنی دیر یہ وہاں رہیں۔ میں نے جا کر مین فلور ڈھونڈا۔ ٹکٹ لی اور پھر وہی elevators تھے۔ جا کر لائن میں لگ گیا۔ گھنٹہ بعد بس چلی اور رات 2 بجے گھر پہنچ ہی گیا۔