o_O بدتمیز

یہ ہوتا ہے سب وے میپ۔ اگر یہ پڑھنا نہیں آتا تو آپ رل گئے ہیں۔ اس کے علاوہ اگر آپ کے خیال میں ایک سب وے سٹیشن پر ایک ہی پلیٹ فارم ہوتا ہے تو بھی آپ رل گئے ہیں۔

سب وے میپ سیکھتے اتنی دیر نہیں لگتی۔ پر پلیٹ فارم ڈھونڈتے ڈھونڈتے آپ بآسانی رل سکتے ہیں۔ میں آج ایک گھنٹہ رلا ہوں تو بتا رہا ہوں۔

کنال سٹریٹ پر میں 6 نمبر ٹرین کا انتظار کر رہا تھا۔ پہلے تو مجھے اپ ٹاؤن اور ڈاؤن ٹاؤن نہیں پتہ تھا۔ پھر یہ نہیں پتہ تھا کہ ایک ٹرین نیچے تو دوسری اس کی چھت پر چلتی ہے۔ لہذا میں سٹیشن میں داخل ہوا اور لگا انتظار کرنے۔ ایک کے بعد ایک این اور کیو ٹرین آتی جائے پر 6 کا نام و نشان نہیں۔ واپس اوپر گیا پر سب سے باہر نکلنے کی غلطی نہیں کی۔ کسی سے پوچھا فرمایا یہاں سے 6 ڈاؤن ٹاؤن جائے گی۔ تمکو دوسری سائیڈ پر جانا ہے۔

پاکستان ہوتا تو بندہ پٹری پر چھلانگ لگاتا اور وہ جا۔ پر یہ سپ وے تھی۔ یہاں پٹری پر ہر دوسرے منٹ نہ صرف ٹرین آتی ہے بلکہ اچھے خاصے موٹے تازے چوہے بھی مٹر گشت کرتے ہیں۔ پھر یہ پٹری پلیٹ فارم سے پانچ فٹ سے بھی زیادہ نیچے ہے۔

خیر واپس نیچے گیا۔ اب گھنٹے بعد سخت سردی میں پسینے کے ساتھ ساتھ عقل بھی آ گئی تھی۔ (جی ہاں کل رستے میں نیو جرسی کی پہلی برف باری تھی) کیوں کہ پتہ لگ گیا تھا 6 کو نہیں اس کے ساتھ اپ ٹاؤن کو بھی فالو کرنا ہے۔ لہذا نیچے جا کر پھر سیڑھیوں سے ہو ہو کر دوسری طرف گیا اور اپ ٹاؤن کی ٹرین لی۔

لہذا سبق یہ نکلا کہ گوریوں اور کالویوں سے زیادہ بندے کو دھیان سائن بورڈز پر دینا چاہئے اور سب وے ایک کے اوپر ایک بھی چلتی ہوتی ہے۔

ویسے تو میرا موڈ نہیں سب وے کا کاغذی میپ لینے کا پر سب کا اتنا اصرار ہے تو کیا پتہ اگلی دفعہ راستہ بھٹکنے پر ضرور لے لوں۔

اگر میں یہ پوسٹ لکھ رہا ہوں تو اتنا تو پتہ چل ہی گیا کہ اس مقابلہ کا فاتح میں ہی نکلا

Popularity: 3% [?]