بدتمیز

میں اپنے بھائی کے پیچھے اچھا خاصا پڑا ہوا تھا کہ پلے سٹیشن پورٹیبل نہیں لینا تھا۔ وجہ وہی کہ مجھے اتنی چھوٹی اسکرین پر گیم کھیلنا پسند نہیں۔ لہذا بچے نے پائی پائی جمع کر کے اپنا پلے اسٹیشن تھری خرید لیا۔(specs) یہ صاحب پچھلے سال دسمبر (2007) سے اس سپیشل ایڈیشن کا انتظار کر رہ تھے کہ جس نے جون (2008) میں ریلیز ہونا تھا۔ سپیشل ایڈیشن بھی ایک ٹرک ہے سیل بوسٹ کرنے کا۔ کسی بھی گیم کے ساتھ یا کسی نئے ہارڈ وئیر کے ساتھ اس کو ریلیز کیا جاتا ہے بنڈل پیکج میں۔ اس کی قیمت بھی اچھی خاصی ہوتی ہے لیکن سارے رسالوں اور ویب سائیٹس میں اس قدر اس کا ذکر ہوتا ہے کہ صبح 3 بجے ہی اسٹورز کے باہر لینے والوں کی قطار لگ جاتی ہے۔ کچھ لینے میں کامیاب ہو جاتے ہیں باقی گھروں کو۔

ہمارے اس بنڈل پیکج میں مین اٹریکشن تو گیمرز کو میٹل گئیر سولڈ 4 کی تھی۔ اس کی تھیم مڈل ایسٹ کی بےوقوف زمین اور نینو ٹیکنالوجی پر مشتمل ہے۔ نینو ٹیکنالوجی تو اچھی خاصی ہاٹ کیک ہے۔ این بی سی کی سیریز knight rider بھی اس پر ہے۔ اس کے علاوہ اس بنڈل پیکج میں دوئل شاک کنڑولر تھا۔ یہ وائرلیس کنٹرولر مجھے بہت پسند ہیں۔ جب ہمارے پاس صدیوں قبل سیگا میگا ڈرائیو ہوا کرتی تھی تب بڑی جھنجھٹ تھی۔ کہ پہلے ٹی وی پھر بیچ میں کونسول اور پھر تار کے کنٹرول، جگہ ملے تو بیٹھو نہیں تو زمین پر ڈھیر۔

اس نئے کنڑولر کا سب سے زیادہ مزہ اس کی تھرتھراہٹ ہے۔ آپ burnout paradise میں فل رفتار سے کسی دیوار کو ٹکر ماریں یا جمپ لگائیں ساتھ ساتھ نہ صرف اس کے طاقتور گرافکس سے ٹوٹ پھوٹ کے منظر دیکھ کر حیران ہوں بلکہ اس سب کو رئیل ٹائم میں اپنے کنٹرولر سے محسوس بھی کریں۔ dirt یا Need for speed pro street میں کسی گاڑی کو ہلکی ٹکر لگائیں یا پورا الٹ دیں آپ اس سب کو اسی مناسبت سے محسوس کریں گیں۔ اسی طرح metal gear solid 4 یا پھر star wars force unleashed یا پھر mercenaries 2 world in flames میں کسی کو hand to hand combat میں ماریں یا خود مار کھائیں آپ اس سب کو کنٹرولر سے محسوس کر سکتے ہیں۔

اس کے بلو رے پلئیر کے ہوئے ہوئے آپ کو کسی اور بلو رے پلئر کی ضرورت نہیں۔ ابھی یہ پلئیر 250 ڈالر سے اوپر اوپر ہی ہیں لہذا بس بلو رہے مووی لائیں اور چلائیں۔ hdmi کی بدولت 1080p تک کی پکچر لیں۔ یہ سب سے اچھی بات تھی اس کی۔ جب میں ڈی وی ڈی پلئر لے رہا تھا تو میرے کزن نے منع کیا تھا کہ پلے سٹیشن 2 لے لو، گیمنگ کونسول کا کونسول اور ڈی وی ڈی پلئر بھی لیکن میں نے پلے سٹیشن تھری پر ہی نظر رکھی ہوئی تھی لہذا وہ نہیں لیا تھا۔

ویسے تو سبھی بچوں میں infulencial factor بہت کام کرتا ہے کہ جہاں کسی نے چیز لی باقی سب بھی لینے کی کرتے ہیں۔ لیکن امریکہ میں یہ کچھ زیادہ ہے اس قدر زیادہ کہ اگر چند دوستوں نے سیل فون لینے ہیں تو ایک ہی کمپنی کے لیں گیں کہ کال ریٹس کم ہونگے چاہے سیل فون برے ہوں۔ اسی طرح اگر کسی کے پاس ایک گیمنگ کونسول ہے اور باقیوں کے پاس دوسرے تو وہ دوسرا بھی خریدے گا کہ باقی دوستوں سے کنیکٹ رہے۔

اسی طرح ایک نیا ٹرینڈ ہے unboxing video کا۔ یہ بھی بہت مزے کا ہے میں بہت سی چیزوں کی ان باکسنگ ویڈیو یو ٹیوب پر دیکھتا رہتا ہوں۔ اس میں چیز لینے والا کیمرے سے پیکنگ کھولتے وقت اس کی ویڈیو بنا کر اپلوڈ کر دیتا ہے۔ ایسے چیز کو حقیقی طور پر دیکھنے کا مزہ آتا ہے۔ اور پتہ چلتا ہے کہ چیز اصل میں کیسی نظر آتی ہے۔ بجائے یہ کہ آپ اس کو لے کر دیکھیں یا پھر اسٹور میں جا کر دیکھیں۔ ویسے بھی اسٹور میں ڈسپلے پر اتنی چکا چوند سے لگایا گیا ہوتا ہے کہ چیز اچھی ہی لگتی ہے۔ گھر لا کر ہی صحیح پتہ چلتا ہے۔ لہذا عثمان نے بھی اس کی ان باکسنگ ویڈیو بنائی تھی۔

پلے سیٹیشن پورٹیبل وائی فائی سے بھی کنیکٹ ہو جاتا ہے لہذا بہت سے بچے اسکولوں میں فارغ وقت میں سکول کے نیٹورک سے اپنے سسٹم کنیکٹ کر کے ایک دوسرے سے مقابلے کرتے ہیں۔ یا پھر گھروں میں ہائی اسپیڈ نیٹ کی مدد سے سارا دن آنلائن کنیکٹ رہ کر کھیلتے ہیں۔ سکول سے واپسی اور ویک اینڈ اپنے کمروں میں بند گزارتے ہیں اور کوئی کام نہیں۔ یہ چیز اس قدر بڑھی کہ امریکی ہیلتھ کے ادارے نے اس کا خود نوٹس لیا۔ جس کا نتیجہ get up and play an hour a day نامی کیمپین ہے۔

اگر آپ بھی اپنے بچے کو ایسی کوئی چیز لے کر دینے کا سوچ رہے ہوں تو اول تو اس پر نرمی سے کنٹرول رکھیں۔ سختی سے بچے باغی ہو جاتے ہیں۔ دوسرے اس کو کبھی علیحدہ ٹی وی نہ لے کر دیں۔ ورنہ وہ صاحب اپنے کمرے سے باہر نہیں نکلیں گیں۔ پلے اسٹیشن ایک بہت quite مشین ہے لیکن اس کو خاموش رکھنے کے لئے ضروری ہے کہ اس کو کھڑا رکھیں۔ نیچے تصویر کی طرح۔ ایسے یہ گرم نہیں ہوتا۔ دوسرا اگر زیادہ استعمال ہو یا روم ٹمپریچر گرم ہو تو اس کا اگر ایکسٹرنل فین لے لیں تو اچھا ہے۔