o_O بدتمیز

خواتین سے میری کچھ خاص نہیں بنتی۔ بلاشبہ اس میں قصور خواتین کا ہے۔ بزرگ فرما گئے ہیں کہ چونکہ خاتون پسلی کی ہڈی سے بنی ہیں اور یہ ہڈی کچھ زیادہ ہی ٹیڑھی ہوتی ہے لہذا ۔ ۔ ۔ ۔ آہم آہم۔ ایسے بزرگوں کے بارے میں میرا تو خیال نہایت نیک ہے آپ کا علم نہیں۔

مارکیٹنگ بڑا اہم شعبہ ہے۔ امریکہ میں ٹیلی مارکیٹنگ بہت عام ہے۔ فون بج رہا ہے اٹھائے اور آگے سے ٹیپ شروع۔ شروع شروع میں تو آپ اس شوق میں کہ فون انگلش میں سننا آئے کی وجہ سے بہت شوق سے ایسے تمام فون سنتے ہیں لیکن کچھ ہی دنوں میں سارا شوق ختم ہو جاتا ہے پھر فون پر غصہ آنے لگتا ہے۔ ہوتے ہوتے آپ پہلا لفظ سنتے ہی فون بند کر دیتے ہیں۔ اس کا بڑا دلچسپ علاج انہوں نے نکالا۔ اب یہ آپ کی اپنی قوم کا بندہ ہائر کرتے ہیں۔ اردو میں بات کرتے سن کر آپ ذرا غور سے سنتے ہیں اور پوری بات سنے بغیر فون بند کرنا ذرا مشکل ہوتا ہے لہذا یہ لوگ اپنے مقصد میں قریب قریب کامیاب ہو جاتے ہیں۔ آپ لاکھ نہ نہ کہیں یہ چپک ہی جاتے ہیں۔

مثال کے طور پر ڈش نیٹورک کی طرف سے فون آئے گا۔ یہ کمیشن پر ڈش نیٹورک کے لئے کام کرتے ہیں اور ان کو کسٹمر پکے کر کر کے دیتے ہیں۔ یہاں آجکل کیبل (جیسے کام کاسٹ اور ٹائم وارنر) اور سیٹلائٹ پروائڈر (جیسے ڈش نیٹورک اور ڈائریکٹ ٹی وی) کی جنگ جاری ہے لہذا ان کی کوشش ہوتی ہے کہ کسٹمر اپنا کانٹریکٹ ری نیو کرواتا رہے۔ کانٹریکٹ 18 ماہ کا ہوتا ہے اس کے بعد آپ ماہ بہ ماہ چلتے ہیں۔ کانٹریکٹ میں رہتے ہوئے آپ اگر کینسل کریں تو فیس پڑتی ہے ماہ بہ ماہ ہو تو جب مرضی کینسل کر کے دوسرے پروائڈر کے پاس چلے جائیں۔ تو اس طرح کسٹمرز کو خود سے باندھنے کے لئے پیکج دیتے ہیں اور حد یہ کہ ابھی سال بھی مشکل سے پورا نہیں ہوتا کہ یہ پھر ری نیو کے لئۓ فون کرنا شروع کر دیتے ہیں۔

میں نے اس کو تین دن تو ایسے ہی ٹالا۔ چوتھے دن کہتا میں آپ کو رجسٹر کروا دیتا ہوں جب ری نیو کا وقت آئے گا ہم کانٹیکٹ کریں گیں۔ میں نے کہا نہیں اتنی دیر میں خاتون لائن پر تشریف لا چکی تھیں۔ مکالمہ ملاحظہ کریں۔،

خاتون: سر آپ ری نیو کروا لیں۔

میں: مجھے ابھی نہیں کروانا جب کروانا ہو گا میں آپ کو کانٹیکٹ کر لونگا۔

خاتون: لیکن آپ نے ری نیو کیوں نہیں کروانا۔

میں: میں نے کہا نہ ابھی نہیں کروانا۔

خاتون: لیکن کیوں نہیں کروانا۔

میرا تو ایسا دماغ گھوما کہ میں نے اس کو کہا کہ I don’t freaking want to renew now. کہ کر میں نے فون بند کر دیا۔ خاتون کا ابھی تین چار ماہ بعد کل پرسوں پھر فون آیا تھا۔ اور حرف بہ حرف اس مکالمے میں صرف آخری جواب کی جگہ میں نے فون بند کر دیا۔

صرف ان خاتون کو ہی میری بات کی سمجھ نہیں آتی۔ اور بھی کافی ہیں۔ مثال کے طور پر ایک محترمہ۔ ان کو Quixtar یا IBO کے جال میں پھنسنے کا شوق چرایا ہے۔ میں تو سمجھا سمجھا کر تھک گیا لیکن یہ خاتون تو مجھ سے بھی زیادہ ڈھیٹ ہیں۔ میں نے کہا یار یہ pyramid shape ہوتا ہے۔ فورا جواب ملا نہیں tree shape میرا تو دل کیا سر کے بال نوچوں۔ ان کے یا اپنے یہ آپ کے تخیل پر چھوڑتا ہوں۔ میں نے سیمز کلب اور والمارٹ کے فرق سے سمجھایا پر خاتون ادھر کی ادھر۔ میں نے پوچھا ہزاروں لوگ غلط ہیں حتی کہ ٹی وی تک پر ایسے scams کے بارے میں پروگرام آ چکے ہیں پر خاتون مصر کہ یہ ایسا نہیں۔ میں نے پوچھا کہ یہ جو پاکستانی آنٹی تم سے چپک رہی ہیں ان کو تمہارے سائن اپ اور سیلز پر کمیشن ملنی ہے خاتون سمجھنے سے قاصر اور یہی فرمان میں پیسے بناؤں گی تو وہ بھی بنا لیں۔

مجھے اس کے بارے میں مزید معلومات نہیں۔ مجھے صرف اتنا کافی تھا کہ اس سے دور رہنا ہے اور پھر جب میں نے پیرامڈ والے کو دیکھا تو بس عقل نے اس سے دور ہی رکھا۔ اگر کسی کو مزید معلومات ہو تو ضرور بتائے اور ان کے ٹرک بھی کہ کیا کیا نسخے آزماتے ہیں۔ اگر آپ امریکہ نووارد ہیں تو فون پر سر سر کرتی خاتون اور Quixtar دونوں سے دور رہیں۔