o_O بدتمیز

اگر آپ نے چوکیدار رکھنا ہے تو آپ کو پہلے معاشرے کی اتنی بری حالت کرنی ہو گی کہ باڈی گارڈ یا چوکیدار رکھے جائیں۔ ماشاللہ سے ہم نے حالات اتنے کو خراب 15 سال پیشتر کر دیئے تھے کہ 10 سال قبل سے لوگوں کو پرائیوٹ باڈی گارڈ رکھنے کی ضرورت محسوس ہوئی۔
چوکیدار کی تنخواہ اور اس کی مراعات کس دم پر قائم ہیں؟ کہ اس کی ضرورت رہے۔ اگر اس کی ضرورت نہیں تو اس کو کون رکھے گا؟ چونکہ چوکیدار آپ کی جان مال کا تحفظ کرتا ہے لہذا باوجود اس کے کہ آپ اس کو تںخواہ دیتے ہیں اور آپ کے ٹکڑوں سے اس کا پیٹ پلتا ہے وہ پھر بھی آپ کا باس لگتا ہے۔ ذرا ارد گرد نظر دوڑائیں کہیں آپ کو ڈھیروں ڈھیر چوکیدار نظر آتے ہیں؟
میرے بچپن سے ہر خبر تبدیل ہوئی۔ کشمیری مجاہدین پہلے شہید ہوتے تھے آجکل حریت پسند ہلاک ہوتے ہیں۔ پہلے ہر ہفتے بھارتی فائرنگ اور گولہ باری ہوتی تھی اور ہمیشہ جوابی گولہ باری سے ان کی توپیں خاموش ہو جاتی تھیں۔ یہ معلوم نہیں وہاں کے اخبارات میں کن کی طرف سے پہل اور کن کی توپیں جوابی کاروائی سے خاموش ہوتی تھیں۔ آجکل گولہ باری سرحد کے اندر سرحد میں ہوتی ہے اور جوابی گولہ باری کسی چوک کسی ہوٹل یا کسی بازار میں ہوتے ہیں۔ پہلے صدور مر جاتے تھے آجکل لیچکر دیتے پھرتے ہیں۔
تو اس طرح بہت سی چیزیں ہیں لیکن صرف ایک چیز وہی کی وہیں ہے اور وہ ہے بھارت کا دریاؤں میں پانی چھوڑنا۔ بھارت نے ادھر پانی چھوڑ دیا۔ اگلے ہفتہ بھارت نے ادھر بھی پانی چھوڑ دیا۔ پہلے تو رو لیا جائے کہ اوہو پانی آ گیا فصلیں تباہ ڈھور ڈنگر مویشی ہلاک۔ مکان ڈھے گئے۔ اب سوچیں کہ بھارت اس پانی کو کیا کرے؟ کدھر لے جائے؟ پھر بتائیں کہ بھارت نے سرحد پر تو نہیں ڈیم بنایا ہوا؟ جدھر بھی بنایا ہے ادھر سے آتے آتے بھارت میں کتنی تباہی مچا کر پانی پاکستان داخل ہوتا ہے؟ اور سارا سال آپ لوگ کیا کرتے ہیں؟ خالی بات بھارت پر ڈال دینا تو مسئلہ کا حل نہیں ہے۔
ہمارا جو بھی حکمران ہے وہ اے سی کمرے میں بیٹھا حکم ہی دے سکتا ہے نہ؟ اس تک تو رپورٹ پہنچ گئی کہ سب کام اچھا ہے۔ اب اس تک یہ رپورٹ کس نے پہچانی ہے کہ غلط بیانی ہوئی ہے؟ آپ کہیں کہ جی اس کا خود کام ہے۔ وہ تو آیا دورہ کیا اور اس کو سب درست نظر آیا اس کے پاس تو کوئی ڈگری نہیں کہ وہ جان سکے کہ یہ درست ہے کہ نہیں۔
میں نے بی آر بی لاہور کے باہر دیکھی ہوئی ہے۔ گاؤں والے سب ڈنگروں کو پانی پلانے لے جاتے ہیں تو جو اونچا بند ہے وہ کمزور ہوتا جاتا ہے اور پھر بیٹھ بھی جاتا ہے۔ بس پانی ایسی ہی جگہوں سے شگاف بناتا ہے۔ اب اس میں حکومت کیا کرے؟ اور گاؤں والوں کو علم ہے کہ ان کا نقصان ہے وہ اپنے بند کی حفاظت نہیں کر سکتے؟ ضرور اس کو تباہ کر کے راستہ دینا ہوتا ہے؟
ہمارے اخبارات خبر لگاتے ہیں کہ صفحہ بھرا نظر آئے۔ وہ رپورٹ تیار کرنے پر غور نہیں کرتے۔ فیچر رپورٹس بھی دفتر میں بیٹھے بیٹھے بن جاتی ہیں۔ میں کم از کم بھی 20 سال کے اخبارات اٹھاؤ ان میں مجھے ایک سے علاقوں کے تفصیلی نام سیلاب سے متاثرہ اور وزیر اعلی کا ہیلی کاپٹر ہی نظر آتا ہے یا پاک فوج کی وہی کشتی بندوں کو ڈھوتے نظر آتی ہے۔
امریکہ میں صرف ایک کیٹرینا ہوا ہے۔ ابھی تک اس کی تفصیلی خبریں آتی ہیں جس میں اخبار نے خود تحقیق کی ہوتی ہے کہ جی دیوار بن گئی تو کیا یہ worth ہے کہ نہیں۔ اسی طرح levee system کام کرے گا یا نہیں۔ وہ جو کنٹینر لئے تھے ان سے لوگوں کو کیا کیا ہو گیا۔ لوگ کیا کہتے ہیں اور کیا لوگوں کو مکمل معلومات ہیں یا پھر کسی سانحہ سے سب کے سب مریں گیں۔ یعنی لوگوں کو educate کرتے ہیں۔ جتنی بھی کوشش کر سکتے ہیں کرتے ہیں۔ اور ہمارے ہاں؟
اخبارات ہم چلاتے ہیں۔ حکومت وقت کے خلاف تو نہیں لکھنے کی اجازت لیکن کیا فیچرز میں بھی لوگوں کو ایجوکیٹ نہیں کیا جا سکتا؟ تو پھر ہم عوام ہی درست نہیں نہ۔ خیر کیا آپ کے خیال سے غنڈے بدمعاش چوکیدار رکھتے ہیں؟ ہر وقت تو آپس میں لڑتے رہتے ہیں۔ تو کیا آپکو چوکیدار کی ضرورت ہے؟

Popularity: 3% [?]