o_O بدتمیز

بالآخر آج صبح اوبامہ نے اپنے وائس پریزیڈینٹ کا اعلان کر ہی دیا۔ اپنی ریاست الی نوائے میں انہوں نے ایک مجمع کے سامنے ڈیلاوئیر کے سینیٹر جو بائیدن کو اپنا وائس پریزیڈینٹ منتخب کیا ہے۔ بائیڈن کا شمار امریکہ کے سینیٹ میں خدمات کے لحاظ سے سینئر ترین سینیٹر میں شمار ہوتا ہے اور ان سے زیادہ عرصہ سینٹ میں گزارنے والے صرف 4 مزید ممبران ہیں۔ بائیڈن گزشتہ تیس سالوں سے سینٹ کے لئے منتخب ہوتے رہے ہیں۔
اس سے قبل سابق سینیٹر جان ایڈورڈ ایک معاشقہ کے سکینڈل میں پھنس کر وائس پریزیڈنٹ بننے سے محروم رہے۔ ہیلری کلنٹن بھی “میرا 18 ملین” کرتی رہیں۔ ان کا خیال تھا کہ ووٹ بینک اوبامہ کو مجبور کر دے گا۔ لیکن اوبامہ شائد پر امید ہیں۔ بل کلنٹن کے ڈیموکریٹک پارٹی کے کنونشن میں خطاب کرنے کی خبر کے بعد یہ لگ رہا تھا کہ ہیلری ہی نائب صدر ہونگی۔ لیکن چونکہ پرائمریز میں دونوں کے مابین بہت زیادہ تلخی پیدا ہو گئی تھی لہذا ان کے 18 ملین undecided voters بھی کام دکھا سکتے ہیں۔
ہماری ریاست کے گورنر ٹم کین اور سینیٹر جم ویب بھی اس عہدے کے لئے پر امید تھے۔ ورجینیا کو کیپیٹل کے ساتھ ہونے کی وجہ سے بڑی اہمیت ہے۔ پھر یہ فوجی گڑھ ہے۔ امریکی بحری بیڑی یہی سے روانہ ہوتے ہیں۔ یہ ریاست صدارتی انتخابات میں 40 سالوں سے ری پبلکن رہی ہے۔ دو سال قبل مڈ ٹرم الیکشن میں ڈیموکریٹ جیتے تھے اور اس لئے امید تھی اور کین نے بیان بھی دیا کہ ورجینیا جیتنا اہم کردار ادا کر سکتا ہے۔ لیکن اوبامہ پہلے کہہ چکے تھے کہ وہ نائب صدر کو صرف غیر ملکی سربراہان کی مرنے پر بھیجنے کے لئے استعمال کرنے کا ارادہ نہیں رکھتے۔
اس کے علاوہ ایریزونا کی گورنر اور انڈیانا کے سینیٹر کے علاوہ اس دوڑ میں شروع میں شریک گورنر بل رچرڈسن بھی شامل تھے جنہوں نے اوبامہ کو اینڈورس کر دیا تھا۔ جو بائیڈن ڈیلاوئیر سے ہیں جو کہ چھوٹی سی ریاست ہے ان کی کوالیفیکشن نہ تو ووٹ بینک ہے نہ سوئنگ سٹیٹ۔ وہ اوبامہ پر لگائے جانے والے الزام کے ان کو فارن افئیرز کا کچھ علم نہیں کا مداوا کریں گیں۔
جان مکین پر ایک الزام بڑی شد و مد سے لگایا گیا ہے کہ وہ ایسے ایکٹ کر رہے ہیں جسکی رو سے وہ پہلے 4 سال تو صدر بش کی پالیسیوں کا تسلسل جاری رکھیں گیں اور پھر دوسری مدت کے لئے قوم کے سامنے حاظر ہو کر کہیں گیں کہ میں کئے گئے وعدے اسی صورت پورا کر سکتا ہوں اگر مجھے دوسری مدت کے لئے بھی صدر منتخب کیا جائے۔ جبکہ اوبامہ کوئی ایسا وعدہ نہیں کر رہے جس سے ایسا لگے کہ وہ دوسری مدت کے انتخابات کے بعد عملی اقدام کریں گیں۔ ہیلری کو نہ لے کر بھی انہوں نے پیغام دیا کہ صرف جیتنا ان کے لئے ضروری نہیں۔
Yes we can
Welcome Mr. Biden