o_O بدتمیز

کہا جاتا ہے کہ چوہے کی یاداشت بہت کمزور ہوتی ہے۔ لہذا یہ جیسے ہی بلی سے ڈر کر بھاگ کر اپنے بل میں چھپتا ہے کچھ دیر بعد ہی بھول کر دوبارہ باہر نکلتا ہے اور تاک میں بیٹھی بلی کا شکار بن جاتا ہے۔ ایسے ہی کچھ لوگوں کی یاداشت بہت کمزور ہوتی ہے۔ یہ ظالم ہو کر مظلوم بن جاتے ہیں۔ ظلم کر کے معافی مانگنے کے بجائے مظلوم بن کر معافیاں دیتے پھرتے ہیں۔ یہ پھر اپنے فرائض کو احسانات میں شمار کرتے ہیں اور حقوق میں اتنی دلچسپی رکھتے ہیں کہ دوسروں کے حقوق بھی اپنے خود کے شمار کر لیتے ہیں۔

بدقسمتی سے ہمارا جو معاشرہ ہے وہ ایسے لوگوں سے بھرا پڑا ہے۔ اگر آپ آرام سے بات کریں تو سر پر چڑھتے ہیں اگر چپ ہو جائیں تو سمجھتے ہیں کہ لاجواب ہو گیا ہے۔ اگر کچھ کہہ دیں تو ناراض ہو جاتے ہیں۔ میں جب کسی کو لڑائی جھگڑے میں اللہ کو ڈالتے دیکھتا ہوں تو ہنسی آ جاتی ہے کہ اگر اللہ نے سچ مچ انصاف کر دیا تو؟ اللہ سے انصاف نہیں رحم مانگتے ہیں۔ اللہ کا انصاف پھر انصاف ہی ہوتا ہے اس میں کسی کی سائیڈ نہیں لی جاتی۔

جیسے شیطان حضرت عمر سے ڈرتا تھا ویسے کچھ لوگ میری آواز سے ڈرتے ہیں۔ (جنہوں نے میری آواز سن رکھی ہے وہ تصدیق کریں گیں کہ بہت ہی بھدی آواز ہے۔) تو یہ لوگ میری آواز سنتے ہی فون بند کر دیتے ہیں۔ میں بھی ان کی آواز سنتے ہی فون بند کر دیتا ہوں۔ میرا خیال ہے یہ میری گرم دماغی ہے۔ ان کا خیال ہے کہ یہ میری بد دماغی ہے۔

اس طرح کچھ لوگ فون کرتے ہیں میں چونکہ فون آپریٹر لگا ہوا ہوں لہذا میں فٹ سے پہلے متعلقہ بندے کو فون پکڑانے کی کرتا ہوں تو سرٹیفیکیٹ مل جاتا ہے کہ ابھی تک rude ہے۔ مجھے تو سمھ نہیں لگتی کہ میرے سے اتنی کیا خاص بات چیت کرنی ہے۔ آپ کے ہاں بچہ ہوا یا آپ کے سسر پرلوک سدھارے مجھے ایسی کوئی خبر نہیں، ملے گی تو بات کرنا۔

اسی طرح کچھ لوگوں کو ناراض ہونے کی بڑی عادت ہوتی ہے۔ ہر دو دن بعد یہ ناراض ہو جاتے ہیں۔ آپ چاہے جتنی مرضی احتیاط کریں یہ نازک مزاج لوگ ناراض ہونے کی کوئی نہ کوئی ترکیب ایجاد کر لیتے ہیں۔ فلاں کام نہیں کیا تھا فلاں بات نہیں مانی تھی۔ اگر میرا موڈ اچھا ہو تو میں آپ کے خراب موڈ کی پرواہ نہیں کرتا اور منا لیتا ہوں اتنی کوئی بڑی بات نہیں دوستوں کو برداشت کرنا۔ لیکن اگر میرا موڈ آپ نے خراب کر دیا ہے تو پھر میرا ناراضگی ختم کرنا مشکل ہے۔ کیونکہ میں کافی دیر سے ناراض ہوتا ہوں پر جب بھی ہوتا ہوں تو پھر میرا موڈ خراب ہی رہتا ہے۔

تو ایسے لوگوں کو توقع ہوتی ہے کہ اگر یہ ناراض ہیں تو فون کرو میل کرو میسج کرو کسی کامن دوست سے ذکر کرو۔ ناراضگی ختم کر کے تشریف لاتے ہیں تو امید رکھتے ہیں کہ میں خوشگوار موڈ میں استقبال کروں (ایسا میں کسی خاتون کے لئے نہ کروں آپ تو پھر انکل ہیں) اگر میرا موڈ ٹھیک ہے تو تو میں ایسا کر لوں اگر میرا موڈ خراب ہو گیا ہے تو پھر طعنے شروع ہو جاتے ہیں کہ بڑا مغرور ہے اور اپنے آپ کو کچھ سمجھتا ہے یعنی آپ جو خود کرتے ہیں وہ میرے کرنے پر اعتراض ہیں اور ایسا میرے دوستوں میں ہی نہیں میرے خاندان میں ابھی ایسے نازک مزاج پائے جاتے ہیں۔

اکثر ایسے ہیں جو مجھے ضدی کہہ کر اپنی ضد منوانا چاہتے ہیں۔ اگر میری ضد غلط ہے تو آپ کی کیسے درست۔ جو لوگ سمجھ نہیں سکتے وہ یہ کہ جب آپ کی نااہلی ثابت ہو جائے تب آپ چاہے احساس بھی کر لیں آپ کو موقع نہیں دیا جاتا کیونکہ آپ موقع چاہتے ہیں کہ خود کو اہل ثابت کر سکیں لیکن موقع دینے والا اس لئے نہیں دیتا کہ وہ کہتا ہے کہ آپ پھر کوئی گل نہ کھلا دیں۔ اس کو سمجھ لیں کہ آپ کی حرکات اور باتیں آپ کو زندگی میں اہل یا نااہل ثابت کرتی ہیں۔

یہ ایسے لوگ ہیں جو خود کو بار بار نا اہل ثابت کر کے سوچتے ہیں کہ میں ان کے ہاتھ میں معاملات رہنے دوں۔ یہ لوگ دوسروں کے خطوط کھول کر دیکھتے ہیں اور سوچتے ہیں کہ میں ان سے باتیں شئیر کروں۔ یہ لوگ امانت میں خیانت کرتے ہیں اور سمجھتے ہیں کہ میں ان پر اعتماد کروں۔ ایک دفعہ میرے ساتھ ایسے کریں اور اس کے بعد ہمیشہ کے لئے دور رہیں۔

میں انتہائی گرم مزاج ہوں۔ مجھے پہلے پہل کوئی بات بری لگے تو میں نرمی سے بتاتا ہوں۔ اگر آپ سنجیدہ نہیں تو ٹالتا جاتا ہوں۔ پھر بھی جاری رکھیں تو میں سمجھاتا ہوں۔ اگر سمجھنے کا موڈ نہیں تو میں آپ کو آپ کے حال پر چھوڑ دیتا ہوں اور کنارہ کش ہو جاتا ہوں اگر آپ سمجھیں کہ میں کم بات چیت سے نخرے دیکھا رہا ہوں اور طعنے دیں تو میں بالکل خاموش ہو جاتا ہوں۔ بس خاموشی آخری اشارہ ہے۔ اس کے بعد بھی اگر آپ نہیں سمجھتے اور خاموشی کو بزدلی یا لاجواب ہونے سے تعبیر کرتے ہیں تو ذرا دور رہیں کیونکہ اس کے بعد میں آپ کی اچھی خاصی عزت افزائی کر کے ہی پرسکوں ہونگا اس سے پہلے میں بے چین رہونگا اور آپ کے کورٹ میں گیند ہوتی ہے کہ مجھے موقع نہ دیں۔

ہو سکتا ہے آپ کو یہ پوسٹ بالکل فضول لگے لیکن consider your self warned, never know when one charges.

Popularity: 4% [?]