o_O بدتمیز

جس طرح پاکستانیوں کو بکرے سے پیار ہے ویسے امریکیوں کو سور سے پیار ہے۔ یہودی خدا کی رحمتوں میں سے ایک ہیں یہ سور نہیں کھاتے اور شراب نہیں پیتے۔ اگر یہودی نہ ہوتے تو امریکہ میں رہنا کچھ دشوار ہوتا۔ یہودی امریکہ کا صرف 2 سے 3 فیصد ہیں لیکن بے حد منظم ہیں۔ چونکہ یہاں ہر چیز میں سور سے کچھ نہ کچھ شامل کیا جا سکتا ہے لہذا ان کے لئے بنائی گئی پراڈکٹس پر کوشر کا نشان ہوتا ہے۔ کوشر یہودیوں کا "حلال قانون" ہے اور ان کو کھانے میں کوئی حرج نہیں۔

pic from  here

جیسے عام طور پر بیکری پراڈکٹس پر گول دائرے میں u یا پھر ud لکھا ہوتا ہے۔ گوشت پر عموما k کا نشان ہوتا ہے۔ کوک کی بڑی بوتل پر u اور پیپسی کے کین پر اوپر دی گئی تصویر کی دوسری لائن کا بالکل درمیاں والا سائن ہوتا ہے۔ یہ تمام سائن رٹ لیں۔ یہ تمام کے تمام کوشر کے نشانات ہیں اور جہاں بھی ملیں کھل کر کھائیں۔

اس لنک پر اس ٹیکسٹ کے مطابق کہ

If a kosher symbol such as U or UD, Circler K, Triangle K, CRC, COR, V, kuf K appears on the food product containing FD&C Yellow No. 5 or FD & C Red NO. 40 or any synthetic color. This kosher symbol on the package indicates no pork glycerin was used as carrier in the synthetic colors.

میری یہ تحریر غلطی پر مشتمل ہے جس پر میں معذرت خواہ ہوں لہذا ingredients پڑھ کر بھی کوشر کا نشان ضرور دیکھیں۔

امریکی بچوں کو بتایا جاتا ہے کہ یہودی خود کو علیحدہ حیثیت دینا چاہتے تھے لہذا انہوں نے ان دو چیزوں سے اجتناب برتا۔ یہودیوں کا اکثریتی ٹاؤن "خشک ٹاؤن" کہلاتا ہے۔ جہاں نہ شراب خانہ ہوتا ہے نہ پورک شاپ۔ ( بدتہذیب امریکن اپنی موٹی داشتہ کو بھی پورک شاپ کہتےہیں۔)

بات تھی سور کی اور کہاں سے کہاں ہو آئی۔ خیر سور کئی ہزار قبل مسیح سے انسانوں کا دوست رہا ہے۔ جنگلوں میں پھرنے والے تو اس قدر جسیم ہوتے ہیں کہ گینڈے اور دریائی گھوڑے کو بھی شرمائیں۔ ان کو hog  اور swine بھی کہا جاتا ہے۔ ہسٹری چینل کی ایک ڈاکیومینٹری کے مطابق پہلے پہل انسانوں نے اس کو پالتو بنایا تھا کہ ان دنوں جمعدار نہیں ہوا کرتے تھے۔ حضرت انسان یہ تو جان چکا تھا کہ اس کا فضلہ نہ صرف بیماریاں پھیلاتا ہے بلکہ بدبو کا طوفان مچاتا ہے۔ ذرا اندازہ کریں پورا قبیلہ کب تک زمین کھود کھود کر فضلہ دفن کرتا رہتا جبکہ خانہ بدوشی وطیرہ تھا۔

ایسے میں سوروں کو پالنا شروع کیا گیا۔ اس سے پہلے ان کے دانت نکال دئیے گئے تھے اور نکالے جاتے ہیں۔ سور پودے اور گوشت دونوں چیزیں کھا جاتے ہیں۔ کھانے کے اس قدر شوقین ہوتے ہیں کہ گلا سڑہ گندا گوشت، مردار اور فضلہ تک چٹ کر جاتے ہیں اور یہی وہ وجہ تھی کہ سور کو پالنا شروع کیا گیا کہ ان کی افزائش ہی فضلہ ٹھکانے کے لئے کی گئی تھی۔ ابھی بھی سوروں کے فارمز پر ان کی کڑی نگرانی کی جاتی ہے کہ مادہ سور اپنے پچاس فیصد تک بچے ہضم کرنے میں شیر ہے۔

میں نے یہ ڈاکیومینٹری پوری نہیں دیکھی لہذا میرا خیال ہے کہ انسان نے پہلے پہل اس کو تب کھایا ہو گا جب سردی کے موسم میں کھانے کو اور کچھ نہ بچا ہو گا۔ کہا جاتا ہے کہ سور وہ واحد جانور ہے جس کا گوشت انسانی گوشت کے ذائقہ کا ہوتا ہے۔ عیسائی حضرات کو حضرت عیسی علیہ اسلام نے منع کیا تھا کہ وہ پورک نہ کھائیں۔ ان کے مرنے کے تقریبا 50 برس بعد عیسائیوں نے فیصلہ کیا کہ یہ حکم ان کے لئے نہیں بلکہ "جدید دور کے تقاضوں سے ہم آہنگ ہونے کے لئے" ضروری ہے کہ پورک کا استعمال شروع کیا جائے۔ اور تب سے زور و شور سے کھایا جا رہا ہے۔

یورپین جہازوں میں سور بھر بھر کر سولہویں صدی میں امریکہ لائے اور تب سے یہ یہاں ہے۔ محبت کا یہ عالم ہے کہ اس کی کوئی بھی چیز چھوڑی نہیں جاتی۔ جیسے ہم بکرے کی اوجھڑی سے لے کر سری پائے تک چٹ کر جاتے ہیں بالکل ویسے ہی امریکی اس کی ایک ایک چیز چٹ کر جاتے ہیں۔ میں جب نیا نیا آیا تھا تب ایک دن ایسے ہی چپس سمجھ کر ایک پیکٹ دیکھنے لگا۔ غور سے دیکھا تو یہ پورک کی فرائیڈ سکن نکلی۔ بہت شوق سے کھاتے ہیں یہ لوگ۔ اور کتنی قسمیں ہیں اس کی سادہ سے لے کر سپائسی اور فلیورڈ۔ اسی پر کیا موقوف یہ تو اس کے پائے تک نہیں چھوڑتے اور جاروں میں pig feet بھرے پڑے ہوتے ہیں۔ گوشت کا سیکشن سارا تو اسی سے بھرا پڑا ہوتا ہے۔

سور امریکیوں کو اتنا معصوم اور cute  لگتا ہے کہ اس کے صدقہ واری جاتے ہیں۔ پاکستانیوں کو جب کسی پر بہت پیار آتا ہے تو اس کو پیار سے سور ہی کہا کر بلایا جاتا ہے۔ اسقدر پیار کے باوجود امریکیوں کو بھی جب کسی پر اس قسم کا پیار آتا ہے تو اس کو بھی سور ہی کہتے ہیں۔ ہمارے ہاں گلک ہوتے ہیں امریکی بچوں کے piggy bank ہوتے ہیں۔ کسی نے بہت زبردست بات کہی تھی کہ سور کھا کھا کر سوروں جیسے کام کرتے ہیں۔

امریکیوں کے لئے یہ جواب بہت حیران کن ہے کہ ہم صرف اس لئے پورک نہیں کھاتے کہ ہمارے مذہب میں منع ہے۔ (ہندو بھی پورک نہیں کھاتے لیکن سکھ شوق سے کھاتے ہیں) قدرت اللہ شہاب کی بیگم عفت نے ایسے سوال کے جواب میں پوچھا تھا کہ تم کتا کیوں نہیں کھاتے؟ میرا بھی دل کر رہا ہے کہ کسی سے پوچھ لوں کہ تم کیوں نہیں کتا کھاتے۔

 Ps: حیران کن بات یہ ہے کہ دنیا میں سب سے زیادہ سور چائنا میں کھایا جاتا ہے تقریبا 52.5 میٹرک ٹن جبکہ امریکہ میں تقریبا 9 میٹرک ٹن استعمال ہوتا ہے۔

Popularity: 8% [?]