بدتمیز

آج امریکہ کی تاریخ کا تاریخ ساز دن تھا۔ براک اوبامہ نے ڈیموکریٹک نامزدگی جیت لی ہے۔ ڈیموکریٹک امیدوار بننے کے لئے ان کو 2117 ووٹ درکار تھے جو آج کی پرائمریز میں اور سپر ڈیلیگیٹس کی طرف سے اوبامہ کو سپورٹ کی صورت میں حاصل ہوئے۔

obama claiming nomination

ہیلری کلنٹن نے ابھی بھی پیچھے ہٹنے پر آمادگی ظاہر کی اور کسی بھی قیمت پر جنرل الیکشن میں اہم رول ادا کرنے کے لئے عندیہ دیا ہے کہ وہ اپنی سپورٹ جو کہ لوگوں کی طرف سے انکو حاصل ہوئی اور اپنے تمام ورکرز کو اس مہم پر لگائیں گی کہ وائٹ ہاؤس اس نومبر میں ڈیموکریٹس کو مل سکے۔ انہوں نے وائس پریزیڈینسی کے لئے اپنے اوپن ہونے کا کہا ہے۔

hillary clinton no decesion tonight

اس سے قبل کچھ ماہ پہلے انہوں نے ایک تقریر میں براک کو وائس پریزیڈینٹ بنانے کا کہا تھا جس کا جواب براک نے اپنی تقریر میں اپنے پاس زیادہ ڈیلیگیٹس ہونے کا کہہ کر دیا تھا۔ ابھی ایک دو ہفتہ قبل جان ایڈورڈ نے جو کہ اس دوڑ کے شروع میں شامل تھے نے براک کو اینڈورس کیا تھا اور آج صبح ہی سابق صدر جمی کارٹر نے براک کو اینڈورس کرنے کا کہا تھا۔ کیا براک ہیلری کو ٹکٹ آفر کریں گیں؟ خاص طور پر سابق صدر بل کلنٹن کے چند متنازع بیانات جو ان دنوں انہوں نے دئے تھے اور ہیلری سے باقاعدہ ڈیبیٹ کے دوران پوچھا گیا تھا کہ اس تناظر میں اگر وہ صدر بنتی ہیں تو ان کے شوہر کا کیا کردار ہو گا؟

ہیلری، جان ایڈورڈ سے تو ہر صورت عوام میں زیادہ مقبول ہیں لیکن کیا براک کے پاس اور کوئی آپشن نہیں ہو گی؟ جان کیری اور الگور آپشن ہو سکتے ہیں لیکن یہ دونوں پٹے ہوئے گھوڑے ہیں جو کہ ایک دفعہ ہار چکے ہیں اور ہارنا امریکی مزاج کو منظور نہیں۔ الگور کافی بڑی شخصیت ہیں لیکن ہیلری کلنٹن کی مصیبت اس دفعہ ہر حال میں وائٹ ہاؤس تک رسائی ہے۔

افریقن امریکن میں ایک عام خیال ہے کہ براک اوبامہ کسی بھی صورت جیت نہیں سکتے وہ جیت گئے۔ افریقن امریکن اب سوچتے ہیں کہ وہ جنرل الیکشن نہیں جیت سکتیں گیں۔ میرا خیال ہے کہ ایسا بھی شائد ہو ہی جائے جیسے تیل کی قیمت جا رہی ہے ری پبلیکن کے پاس چانس نہیں ہے۔ پھر افریقن امریکن کا خیال ہے کہ براک دوران صدارت قتل کر دئے جائیں گیں۔ اگر ہیلری ان کے ساتھ وائس پریزیڈنٹ بنتی ہیں تو شائد ایسا ہو جائے کیونکہ اس وقت ہیلری کے پاس صدارت کا راستہ یہی ہے۔

ایسی کسی بھی حالت میں جب صدر نہ ہو وائس پریزیڈینٹ خود بخود صدر بن جاتا ہے۔ مزے کی بات ہے کہ اس دوڑ کے شروع ہونے پر ایف بی آئی کو براک اور ہیلری دونوں کو دھمکیوں کے پیش نظر سیکیورٹی فراہم کرنی پڑی تھی۔

براک کا کیمپ کہتا ہے کہ اس کو وائس پریزیڈینٹ چننے کی کوئی جلدی نہیں جبکہ ہیلری کی کوشش ہے کہ وہ جلد سے جلد دباؤ ڈال کر نائب صدارت حاصل کر لیں۔

جان مکین حسب معمول عوام کے سامنے بش کی پالیسیوں کی مخالفت کرنے کا اور براک اوبامہ کے ناتجربہ کار ہونے کا رونا روتے رہے ہیں لیکن بھاگ بھاگ کر صدر بش کے ساتھ ان کی مدد بھی حاصل کرنے کی کوشش کر رہے ہیں۔

john mccain breaking from president bush

Popularity: 4%