o_O بدتمیز

مجھے ہمیشہ سے عادت ہے کہ میں اپنے کمپیوٹر میں دو تین براؤزر انسٹال رکھتا ہوں۔ پہلے پہل اوپر مجھے بہت پسند تھا لیکن فائر فاکس آنے کے بعد اوپر بالکل ہی استعمال کرنا بند کر دیا۔ بیٹا سافٹ وئیر بے دھڑک استعمال کرنے کی وجہ سے میں اکثر ٹیسٹنگ کرتا رہتا ہوں۔ ابھی دو تین ماہ سے فائر فاکس کا بیٹا ۳ استعمال کر رہا ہوں۔ کیا کمال اپگریڈ ہے۔ اس کی سب سے اچھی بات تو ان سائیٹس کو ایڈریس بار میں اوپر رکھنا ہے جن پر زیادہ کام ہوتا ہے جیسے آپ ایک ہی سائیٹ پر کسی مخصوص صفحہ پر زیادہ جاتے ہیں تو اس سائیٹ پر جاتے ساتھ سب سے پہلے لنک ان پر وزٹ کی تعداد سے ترتیب دئیے ہونگے۔

فائر فاکس ۳ جون میں ریلیز کیا جا رہا ہے جس کے لئے فائر فاکس ریلیز والے دن اس کو کسی بھی سافٹ وئیر کی تاریخ میں ایک ہی دن ڈاؤنلوڈ ہونے کا ریکارڈ بنانے کا ارادہ رکھتا ہے۔ اس سائیٹ پر لوگوں کو رجسٹر کیا جا رہا ہے جہاں وہ عہد کرتے ہیں کہ وہ ریلیز والے دن اس کو ڈاؤنلوڈ کریں گیں۔ پاکستان سے بدقسمتی سے صرف 184 لوگوں نے رجسٹر ہونے کی غلطی کی ہے۔ اگر کسی کا موڈ ہو کہ وہ فائر فاکس کو ایک اور چانس دینا چاہے گا تو اس سائیٹ پر جائیں اور رجسٹر ہوں۔

Popularity: 10% [?]