بدتمیز

آئے دن کوئی نہ کوئی بھوت سر پر سوار ہونا لازمی ہوتا ہے۔ ایک کے بعد ایک نئی چیز کے پیچھے پڑنے کی مجھے بیماری ہے۔ نیت کبھی سیر نہیں ہوتی۔ انسان ہونا بھی کیا عجیب بات ہے فل اسٹاپ لگنے کا نام ہی نہیں۔

زیادہ دن کی بات نہیں صرف دو ہفتہ قبل ہی مجھے ای میل موصول ہوئی۔ فرمایا گیا پچھلے سال آپ کو فون کا بھوت چڑھا تھا تو ہمارے پاس آئے تھے۔ آپ کے فون کا اگلا ورژن لانچ ہو گیا ہے صاحب مہربان قدر دان تشریف لائیے اور نیا فون مفت لے جائیے۔ قیمت بس اتنی جیسے مفت 500 ڈالر کا موبائل آپ اچھے کسٹمر ہونے کے  ناطے صرف 50 ڈالر دے کر حاصل کریں۔

فون مجھے پسند ہے اور بےوقوف بھی میں بہت رج کر ہوں لیکن اتنا بھی نہیں کہ کانٹریکٹ ایکسٹینڈ بھی کرواؤ اور نیا فون بھی مفت نہ ملے بلکے پیسے دینے پڑیں لہذا میں نے اس ای میل کو دروازے کی راہ دیکھائی۔

امریکہ میں نیشن وائیڈ یعنی پورے امریکہ میں کوریج کے ساتھ چار بڑی سیل فون کمپنیاں ہیں۔ سب سے پہلے at&t پھر Verizon wireless پھر تیسرے نمبر پر sprint اور چوتھے نمر پر t-mobile ہے۔ ویسے تو بہت سارے نیٹورکس ہیں لیکن زیادہ تر ریجنل ہیں یا چند ایک سٹیٹس تک محدود ہیں اور روومنگ پر گزارہ کرتے ہیں۔ جسکے الگ سے چارجز دینے ہوتے ہیں۔

یہاں زیادہ تر لوگ ہر سال نیا فون لے لیتے ہیں۔ اول فون استعمال بھی کرتے ہیں لہذا کانٹریکٹ یعنی پوسٹ پیڈ ہی بہترین آپشن ہے۔ دوسرے یہاں اگر دو سال کا کانٹریکٹ کریں تو بہت سے فون بالکل مفت ملتے ہیں۔ کچھ فون ہیں جن پر زیادہ سے زیادہ 100 ڈالر تک دینا ہوتا ہے جیسے اگر فون 700 ڈالر کا ہے تو کمپنی آپ کو کہے گی کانٹریکٹ سائین کریں تو ہم آپکو یہی فون 79 ڈالر کا دے دیں گے۔ کمپنی کو فائدہ ہوتا ہے کہ باوجود نمبر پورٹیبیلٹی کے آپ دو سال تک ان کے ہیں۔ اور کوئی بھی جب تک سروس کے ہاتھوں تنگ نہ ہو سروس تبدیل نہیں کرتا۔ آپ کو فائدہ کہ جونسا مرضی فون لیں اور استعمال کریں۔

بہت سے لوگ ہر سال نیا فون لیتے ہیں سارا سال اس کو استعمال کرتے  ہیں سال پورا ہونے پر کمپنی کے آفس پہنچ جاتے ہیں کانٹریکٹ ایکسٹینڈ کر لیتے ہیں اور ایک نیا فون مزید لے لیتے ہیں۔ پرانے والا unlock کرواتے ہیں اور اپنے ملک بھیج دیتے ہیں۔ آپ بھی خوش کمپنی بھی خوش اور اس نئی خوشی میں آپ کے دیس بیٹھا کوئی نہ کوئی عزیز بھی خوش کہ باہر سے فون بھیجا گیا ہے۔

اب اسی طرح مجھے ایک دن کسی نے کہا اگر تم کانٹریکٹ ایکسٹینڈ کروا رہے ہو تو بتانا۔ میں نے پوچھا کیوں؟ فرمایا وہ نیا فون میں لے کر اپنے ملک بھیج دونگا۔ میں نے کہا شاباش۔ خود جو ابھی لیا وہ؟ دانت نکال کر فرمایا وہ تو میں نے رکھا ہوا ہے میں نے کہا نہیں میں تو ابھی کانٹریکٹ ختم ہونے کا انتظار کر رہا ہوں ایکسٹینڈ نہیں کروانا چاہ رہا۔ لیکن نیا جنون جڑ پکڑ چکا تھا۔

میں کچھ عرصے سے gps بھی لینے کے چکروں میں ہوں۔ ان کے پیچھے reviews پڑھ پڑھ کر دماغ کا دہی بنا لیا کہ کونسا بہتر ہو گا۔ حتی کہ حالیہ دنوں جب نیویارک گیا تو لوگوں سے درجن جمع کر کے لے گیا کہ وہاں چیک کرونگا کونسا بہترین ہے۔ سمجھدار لوگ سمجھ چکے ہونگے کہ سیل فون کے ساتھ ساتھ gps  بھی چارج نہیں کئے تھے لہذا جیسے گئے تھے ویسے کے ویسے آ گئے۔

لہذا اب میں ایسے فون کو لینے کے چکر میں ہوں جس میں gps بھی ہو۔ یہ ایک نئی بیماری ہے جو مجھے اور سیل فون دونوں کو ساتھ ہی لگی ہے۔ اس کی جڑیں پچھلے سال nokia n95 تک جاتی ہیں۔ فیصل نے بالکل درست کہا تھا۔ مجھے nokia n95 نہیں پسند مجھے Nokia n95 8gb پسند ہے میں سچ میں بہت ڈھیٹ ہوں۔

تو بس ایسے ہی زکریا سے بات ہو رہی تھی ان کے فون کی پتہ نہیں کیا بات ہوئی اور میں نے نئی سرچ شروع کر دی۔ مجھے تین فون پسند آئے ہیں اور علم نہیں کونسا بہترین ہے۔ تینوں کی پسندیدگی کی دو بڑی وجوہات میں سے پہلی مفت ہونا ہے اگر 5 ڈالر بھی دینے ہوں تو میں کانٹریکٹ ایکسٹینڈ کے نام پر دینے کو تیار نہیں خاص طور پر اگر نئے کسٹمر کو وہ بالکل مفت دیا جا رہا ہو دوسرے qwert کی بورڈ کی وجہ سے کہ براؤزنگ اور میسیجنگ کے لئے یہ بہت مددگار ہے۔

BlackBerry 8310 Curve Titanium Smartphone

Palm Treo 750 Smartphone

BlackBerry 8820 Smartphone

Popularity: 11%