o_O بدتمیز

میں نے کچھ عرصہ سے تنقید بند کی ہوئی ہے کیونکہ عام طور پر یہ سخت درشت اور کئی معنی رکھتی ہے جس سے جس پر تنقید نہ بھی کی جا رہی ہو وہ بھی offend ہو جاتا ہے۔ میں ایسا ہی رہتا اگر جہانزیب اور خاص طور پر شعیب صفدر سے بات چیت نہ ہوتی۔ شعیب کا انداز تو واقعی اچھا ہے۔ اب میں ایک دفعہ پھر مجبور ہوں کہ تبصرہ کر ڈالوں چونکہ میں کھری کھری ہی لکھونگا لہذا معذرت۔

نئے لکھنے والے جب اردو بلاگنگ کی طرف آتے ہیں تو میں کافی ایکسائیٹڈ ہو جاتا ہوں لیکن ان کا عمومی روئیہ مجھے بالکل پسند نہیں آتا۔ جس کو میں عام طور پر درگزر کر دیتا ہوں۔ ابھی خرم نے لکھا کہ ان کے بلاگ پر تبصرہ نہیں تو وہ دلبرداشتہ ہیں یا پھر رضا نے لکھا کہ ان کو تھیم پسند نہیں تو وہ دلبرداشتہ ہیں یہ باتیں بچگانہ پن ظاہر کرتی ہیں۔ آپ لکھتے ہیں اس لئے کہ آپ اپنے خیالات کا اظہار کرنا چاہتے ہیں نہ کہ آپ واہ واہ سننا چاہتے ہیں۔ بلاگ لکھنا ایک طرح سے اپنی آنلائن presentation ہے۔ کچھ لوگوں کی آنلائن موجودگی چیٹ کی حد تک ہوتی ہے کچھ لوگ ایک قدم آگے بڑھ جاتے ہیں تو سوشل نیٹورکس پر اپنا صفحہ بنا لیتے ہیں بلاگ لکھنے والے میرے خیال سے باقی دو کی نسبت سب سے زیادہ بالغ نظر ہوتے ہیں جو اپنی آنلائن presense کو enhance کرتے ہیں اور اپنے خیالات کا اظہار کرتے ہیں۔

پہلے چونکہ رضا کی بات چھوٹی ہے تو کوئی بھی تھیم جیسی نظر آتی ہے وہ آپ کے بلاگ پر تب تک ویسی نظر نہیں آتی جب تک آپ اس کو ویسا ڈیزائن نہ کر لیں۔ آپ نے تھیم لگائی لیکن بلاگ کو بنے دو دن ہوئے ہیں تو لنکس اور پیجز کہاں سے نمودار ہوں؟ بلاگ کو کم از کم چھ ماہ دیں کہ وہ ٹریفک اور صورت build کر سکے۔ نہیں تو کچھ پیسے خرچ کر کے بھی جو تھیم لیں گے وہ بھی آپ کو ادھوری ادھوری سی لگے گی۔ اگر کسی کا بلاگ بہت اچھا لگ رہا ہے تو اس سے فورا پوچھ لیں کہ یہ کیسے کیا؟ وہ آپ کو بخوشی بتا دے گا۔ خاص طور پر تھیم کو جب اردو ٹرانسلیٹ کرتے ہیں تب اس کو جو بیڑہ غرق کرتے ہیں اس کے بعد تھیم بہت بھدی لگتی ہے لہذا تھیم کو انگلش میں ہی رہنے دیں کھا نہیں جائے گی۔

نئے بلاگر کو بلاگ کی تشہیر کے مشورے مل چکے ہیں لہذا اس پر لکھنا ممکن نہیں۔ سب سے پہلے کسی بھی نئے بلاگر چاہے اردو یا انگلش کو چاہئے کہ وہ جس گروپ میں شامل ہونا چاہتا ہے اس کے تمام بلاگز کو گھنگھالے۔ ایک ایک کر کے تمام بلاگ پڑھ ڈالے۔ اس سے نہ صرف مختلف بلاگرز کے بارے میں معلومات ملتی ہے بلکہ اگر کبھی انہوں نے اردو بلاگنگ سے متعلقہ کوئی ایشو ایڈریس کیا ہوتا ہے تو اس سے بھی واقفیت بڑھتی ہے۔

بلاگ ایک ایسی جگہ ہے جہاں آپ اپنی ساری شخصیت انڈیلتے ہیں۔ کوئی بھی کبھی کسی اجنبی سے فری نہیں ہوتا تو آنلائن کیسے ہو سکتا ہے؟ جان پہچان میں کچھ وقت لگتا ہے اس عرصہ اپنی تحاریر پر اڑیں مت۔ چاہے اختلاف رائے رکھنے والا کتنی مرضی فضول زبان استعمال کرے اس کو عزت اور احترام سے پیش آئیں۔ ہرگز ہرگز اپنے بلاگ پر کسی سے بدتمیزی مت کریں۔ یہ نہ صرف اس شخص کو بھگا دے گا بلکہ مزید پڑھنے والوں کو بھی آپ سے متنفر کر دے گا۔

باقیوں کا علم نہیں لیکن تبصروں کے جواب کی بہترین جگہ جوابی تبصرہ ہی ہے۔ کسی بھی صورت تبصرے اکٹھے کر کے ان پر پوسٹ لکھنے کی غلطی مت کریں۔ اس سے نہ صرف ایسا محسوس ہو سکتا ہے کہ آپ نے ان لوگوں کی باتوں کو سنجیدگی سے نہیں لیا بلکہ آپ اس عادت میں بھی مبتلا ہو سکتے ہیں کہ کسی کی زیادہ ہنسی اڑانی ہو تو پوسٹ لکھ دو۔ کسی بات پر تبصرہ کا حوالہ دے سکتے ہیں کہ اس تبصرہ پر یہ پوسٹ سوجھی لیکن تبصرہ کے جواب میں پوسٹ غیر مناسب بات ہے۔

کوشش کریں تبصرے کرنے والوں کو ضرور مخاطب کریں۔ جیسے پوسٹ پر تین تبصرہ ہوئے ایک نے سوال کیا باقی دو نے پسندیدگی دیکھائی تو صرف سوال کا جواب دے کر بڑے بننے کی کوشش مت کریں۔ خوش اخلاقی دیکھائیں جو پسندیدگی کا اظہار کر گیا ہے اور ایک دفعہ دوبارہ چکر لگائے گا وہ توقع بھی رکھتا ہے کہ کم از کم اس کا شکریہ ادا کیا گیا ہو یہ خامی پرانے بلاگرز میں زیادہ ہے لہذا بڑے بننے کی بالکل بالکل کوشش مت کریں کیونکہ نئے بلاگرز آپ کی نظر کرم کے منتظر ہوتے ہیں۔

بلاگ پر پہلی دفعہ آنے والوں کو خوش آمدید کہیں۔ میں نے یہ اچھی عادت حجاب سے لی ہے انہوں نے اپنے بلاگ پر یہ سلسلہ شروع کیا تھا جو مجھے بہت پسند آیا۔ اس کے ساتھ ہی ماڈریشن کے لئے منتخب تبصروں پر نظر ڈالنے کی زحمت بھی کیا کریں ہو سکتا ہے کسی پوسٹ پر چار تبصرے ہوئے ہوں اور وہ ماڈریشن میں پھنسے ہوئے ہوں اور آپ سمجھ رہے ہوں کہ تبصرے ہوئے ہی نہیں۔

بلاگ پر روٹھنے اور منانے کے سلسلے مت شروع کریں کہ میں اب نہیں لکھونگا ایسی حماقتیں ہمارے پہلے ایک بلاگر صاحب کرتے رہتے ہیں اور جو ان کی عزت کا فالودہ بن چکا ہے وہ اس پر بھی دھمکیاں لگاتے رہتے ہیں۔ لہذا آپ laughin stock بننے کے خواہشمند نہیں تو سر نیہوڑے چپ چاپ اپنے خیالات کا اظہار کرتے رہیں۔ اور دوسروں کو پڑھتے رہیں آپ وقت کے ساتھ ساتھ آہستہ آہستہ اپنے انداز اور تحاریر میں نکھار لانے میں کامیاب ہو جائیں گیں۔

لنک کرنا زکریا نے بہت کوشش کی کہ اردو بلاگر سیکھ لیں لیکن نہیں سیکھا سکے۔ نئے بلاگر پرانے جیسے نہیں لہذا ہر چیز کو لنک کرنا سیکھ لیں چاہے ایک کمنٹ ہی کیوں نہ ہو۔ پوسٹ جتنی معلومات سے پر ہو گی لوگ اتنا متاثر ہونگے اگر اس پوسٹ میں سب متعلقہ جگہوں کا لنک نکال دوں تو آج ہی اس پوسٹ کو پڑھنے والے نئے بندے کے لئے سمجھنا ناممکن ہوگا کہ پوری کیا بات ہے۔ ساتھ ہی پرانے اردو بلاگر بھی باتیں کم اور اصل کام زیادہ کریں۔ کسی بھی نئے بلاگر کو پسند کرتے ہیں تو اس کا ذکر کر دیں۔ آپ کے بلاگ سے ایک لنک اس کے بلاگ پر کافی ٹریفک پہنچا سکتا ہے۔ جیسے مجھے شعیب بلوچ کی معصوم معصوم سی باتیں پسند ہیں لیکن میں تبصرہ نہیں کرتا لیکن اس کا یہ مطلب بھی نہیں کہ میں اس کو پڑھتا نہیں۔ سب سے بڑی بات اس کی سادہ تھیم بھی مجھے بہت attractive لگتی ہے۔

اکثر پرانے بلاگر مزاج کے اعتبار سے بڑے بنتے ہیں اور اپنی سائیٹ سے تب تک لنک نہیں دیتے جب تک آپ پہلے نہ دیں لہذا اگر کسی نئے بلاگر کو کوئی پرانا بلاگر پسند ہے اور اس نے اس کی سائیٹ کا لنک اپنے بلاگ رول میں ڈال رکھا ہے تو اس کی خدمت میں حاظر ہو کر اس پر احسان جتائیں۔ امید ہے وہ احسان کا بدلہ احسان سے دے گا۔ ہو سکتا ہے اس کو علم ہی نہ ہو کہ آپ نے اسکو لنک کر رکھا ہے۔

بلاگ لکھنا دراصل اپنے خیالات کا اظہار کرنا اور ultimately کیتھارسس کا ایک ذریعہ ہے۔ اگر آپ کا بلاگنگ کا مقصد کچھ اور ہے تو آپ اس ک باقی بہلوؤں پر بھی نظر ڈالیں کہ کیا اس کے باقی مطلوبہ کام آپ کر رہے ہیں یا نہیں؟ حتی کہ صرف بلاگرز میں مقام اور ٹریفک build کرنے کے لئے کم از کم بھی چند ماہ چاہئے جس میں آپ نے اچھے خاصے موضوعات کا احاطہ کیا ہو۔

میں کوشش کر رہا ہوں کہ اردو بلاگنگ سے متعقلہ تمام صفحات کے روابط ایک صفحہ پر رکھ سکوں تب تک نئے لوگ پرانے بلاگرز کے بلاگ چھان ماریں۔ بہت شکریہ۔

Popularity: 18% [?]