بدتمیز

آجکل ٹیکس سیزن ہے۔ ہر سال جنوری سے لے کر 14 اپریل تک ٹیکس سیزن ہوتا ہے۔ سیزن کا سٹارٹ مصروف ہوتا ہے یا پھر اختتام۔ عام طور پر بڑی کمپنیاں بلو کالر جاب والوں کو دسمبر کے اختتام میں ہی w2 پکڑا دیتی ہیں۔ جبکہ وائیٹ کالر جاب والوں کو جنوری تک ملتا ہے۔  بہت سے لوگ اس چکر میں کہ شروع میں کوئی بھی نہیں ٹیکس بھروا رہا ہوگا اکاؤنٹنٹس کے پاس پہنچ جاتے ہیں نتیجتہ بہت سے لوگ اس سوچ کے ساتھ جنوری میں ٹیکس بھر دیتے ہیں۔ باقی ہمارے جیسے مڈل میں اور لبرا آخری تاریخ کا انتظار کرتے ہیں۔

ٹیکس جمع کروانے کے لئے فارمز ہر لائبریری میں ملتے ہیں۔ اگر سٹیٹ ٹیکس فارم لائبریری میں نہ ہوں تو نوٹس لگا دیا جاتا ہے کہ سٹی ہال سے مل سکتے ہیں۔ اگر آپ نے پہلے بھی ٹیکس بھرا تھا تو آئی آر ایس آپ کو خود ہی ٹیکس فارم میل کر دیتا ہے جس کو آپ فل کر کے بھیج دیں۔ اور اس میں ایک ٹیب ہوتی ہے جس پر آپ کا نام پتہ Onfile سے لکھا ہوا ہوتا ہے اس کو اٹیچ کر کے بھیج دیں۔ یہ تمام فارمز بالکل مفت ہوتے ہیں لہذا دیسی لوگوں نے اگر دو ٹیکس فائل کرنے ہیں تو دس فارم اٹھا لاتے ہیں۔

فیڈرل ٹیکس کے فارمز کے ساتھ ساتھ ان کی تشریح کی چھوٹی چھوٹی بکس بھی پڑی ہوتی ہیں۔ جیسے آپ نے فارم 1040 بھرنا ہے تو اس کی ٹیکس preparation booklet بھی پڑی ہونگی۔ احتیاطا ایک وہ بھی لے لیں۔ یہ کتابچہ بہت کام آتے ہیں اگر کوئی شق آپ کے حق میں جاتی ہے تو سٹیپ بائی سٹیپ جا کر آپ دیکھ سکتے ہیں کہ آپ اس کے حقدار ہیں یا نہیں۔

چونکہ افریقن امریکن پڑھنے سے کچھ خاص شغف نہیں رکھتے لہذا یہ سب کے سب h&r block یا پھر liberty tax service کے پاس پہنچ جاتے ہیں۔ یہ ٹیکس سروسز برساتی طور پر ہر سال جنوری میں جگہ جگہ اگ آتی ہیں اور پھر اپریل میں ختم ہو جاتی ہیں۔ ایک بات شائد میرا وہم ہو لیکن افریقن امریکن neighborhood میں اکاونٹینٹس سارے کالے تھے لیکن white neighborhoods میں گورے تھے۔

دیسی لوگ ٹیکس خود فائل کرتے ہیں۔ کم از کم میرے علم میں ایسا کوئی نہیں جو خود فائل نہ کرتا ہو۔ باقی کچھ لوگ جیسے پیلی رنگت والی اقوام کے لوگ ایسے اکاؤنٹنٹ کو پکڑتے ہیں جو ان کا ٹیکس تو بھر دیتا ہے لیکن بھر کر یہ لوگ آئی آر ایس کو ڈائریکٹ بھیجتے ہیں۔ لیکن اس اکاؤنٹنٹ کی فیس 70 سے 90 ڈالر تک ہوتی ہے۔

افریکن امریکن شہزادے ہوتے ہیں۔ یہ ٹیکس فائل خود نہیں کرتے۔ یہ ان مذکورہ کمپنیوں کو اپنے behalf پر ٹیکس فائل کرنے اور ریٹرن وصول کرنے کا اختیار دے دیتے ہیں۔ یاد رہے کہ فائل کرنے کے ایک سے دو ہفتہ کے اندر اندر آپ کا چیک آپ کو مل جاتا ہے۔ لیکن یہ لوگ جا کر کمپنی سے اسی دن پیسے لے لیتے ہیں اور نتیجتا کمپنی ان کو 20 فیصد تک کی ظالمانہ فیس چارج کرتی ہے جس کو یہ لوگ ہنسی خوشی ادا کرتے ہیں۔

کمپنی ان کو تین چار قسم کی فیس چارج کرتی ہے مجھے اس وقت صرف تین یاد ہیں۔ سب سے پہلے اکاؤنٹنٹ کے تیس ڈالر چارج ہوتے ہیں۔ پھر بینک جو کہ لبرٹی والوں کا bank of suntrust ہے جبکہ h&r کا اپنا اکاؤنٹ ہے۔ کے تیس ڈالر وصول کئے جاتے ہیں۔ پھر ٹیکس ریٹرن جو بھی بنتا ہے وہ کیونکہ ان لوگوں نے اسی وقت لینا ہوتا ہے لہذا اس کی کم از کم فیس سے لے کر  20 فیصد تک چارج کرتے ہیں۔ یعنی اگر کسی کا ٹیکس ریٹرن ان کی کم از کم فیس سے کم ہے تو اس کو کچھ نہیں ملتا سوائے اس کہ کے اس کا ٹیکس فائل ہو گیا۔

لبرٹی ٹیکس والے عام طور پر minimum wage پر بندہ  یا بندی hire کرتے ہیں۔ یہ بیچارا یا بیچاری سارا دن دھوپ گرمی سردی میں چچا سام یا آزادی کی دیوی بن کر کھڑے رہتے ہیں۔ کبھی کبھار اکٹھے بھی ہوتے ہیں ایک سڑک کے اس طرف تو دوسرا دوسری طرف۔ آتی جاتی گاڑیوں کو ہاتھ ہلا ہلا کر متوجہ کرتے ہیں اور اگر ڈاؤن ٹاؤن میں ہیں تو فلائر اور 20 ڈالر آف کے کوپن بانٹتے ہیں۔ minimum wage پر بیچاروں کو ہلکان ہوتے دیکھ کر مجھے بہت ترس آتا ہے اور غصہ بھی کہ کمبختو میری گاڑی کے  نیچے نہ آ جانا کہ ڈاؤن ٹاؤں میں تو یہ اچانک کسی ٹرک یا suv کے پیچھے سے برآمد ہو جاتے ہیں۔ افسوس استحصال کرنے والے ان کا بھی استحصال کرنے سے باز نہیں آتے۔

میں نے ایک گورے بلو کالر والے کا ٹیکس ریٹرن پیپر دیکھا اس کا ٹیکس ریٹرن 6800 ڈالر بنتا تھا لیکن اس کو کمپنی نے 5300 کا چیک دیا تھا۔ عام طور پر غریب لوگ کریڈٹ ہسٹری خراب کر بیٹھتے ہیں اور بینک اکاؤنٹ بھی پھر نہیں کھل سکتے لہذا یہ لوگ اپنے چیک check cashing places پر کیش کرواتے ہیں۔ ان جگہوں پر عام چیک 2 فیصد رقم لے کر کیش ہوتا ہے۔ لیکن ٹیکس ریٹرن چیک 5 فیصد پر کیش کیا جاتا ہے۔ اگر کسی دیسی کے اسٹور پر چیک کیشنگ کی جاتی ہو تو وہ تو زیادہ سے زیادہ کھال اتارنے کی کوشش کرتا ہے۔ ابھی جنوری میں میں نے ایک انڈین کو 4400 ڈالر کے چیک پر 400 ڈالر مانگتے دیکھا۔ اس لئے امریکی معاشرہ نچلی سطح پر شدید استحصال کا شکار ہے۔ سب سے بری بات اس استحصال میں زور و شور سے ملوث دیسی لوگ ہیں جو دن بدن امریکہ کے convenient store بزنس پر قبضہ کرتے جا رہے ہیں جیسے والمارٹ چیک کیش کرنے کے چاہے جتنی مرضی بڑی رقم ہو 3 سے 5 ڈالر چارج کرتا ہے لیکن دیسی اسٹورز پر 1000 ڈالر کے چیک پر 20 ڈالر وصول کئے جاتے ہیں لہذا جلد ہی امریکی ہم سے نفرت کرنے لگے گیں۔

اب اگر کسی کا ٹیکس ریٹرن وہ خود فائل کرے تو 1000 ڈالر بنتا تھا کمپنی اس سے 260 ڈالر لے کر 740 ڈالر کا چیک پکڑا دے گی۔ اب یہ اس کو لے کر نکلے گا اور نزدیکی چیک کیشنگ سٹور پر جا کر مزید 70 80 ڈالر دے کر کیش کرواتا ہے اور پھر بھی free money free money کے خواب سے  نہیں جاگتا۔

ٹیکس ریٹرن کوئی مفت رقم نہیں۔ میں صرف ایک ہی مفت رقم سے واقف ہوں جو اس سال کم از کم 300 ڈالر سے  600 اور ٹوٹل 900 ڈالر مالیت کے مختلف چیکوں کی مد میں ان لوگوں کو ملیں گیں۔ جبکہ usual ٹیکس ریٹرن وہ رقم ہے جو سارا سال ان سے لی جاتی رہی ہے اور سال کے آخر پر چونکہ ان پر ٹیکس نہیں بنتا تھا یا جتنا بنتا تھا اس سے زیادہ انہوں نے پے کر دیا تو وہ ان کو واپس مل جاتا ہے۔

یہ فری رقم بھی کرسمس کے موقع پر کئے جانے والے ایکسٹرا خرچے یا پھر عیاشی میں خرچ کر دی جاتی ہے اور پھر وہی محنت مزدوری۔ یہ لوگ رقم فوری طور پر حاصل کر کے سائیڈ پر ہو جاتے ہیں جبکہ اگر خود فائل کریں تو دیر تو لگے گی لیکن رقم ساری کی ساری مل جاتی ہے۔

h&r block تو اب ایک قدم اور آگے بڑھ چکا ہے اور ان لوگوں کو کارڈ کی آفر کر دیتا ہے۔ یعنی اگر یہ چاہیں تو چیک لے لیں اور چاہیں تو اس رقم کا اکاؤنٹ بنوا کر کارڈ لے لیں۔ اب جیسے مثال میں کہا کہ 740 ڈالر کا چیک تھا اور اس کو کیش کروائے گا تو ہر کیش کرنے والا ان کی کھال اتارنے کی کوشش کرے گا لہذا کمپنی ان کو آفر کرتی ہے کہ تم نے باہر جو 70٫80 ڈالر مزید دینے ہیں تم ہم کو 10 ڈالر اور دو ہم تمکو کارڈ بنا دیتے ہیں۔ یہ کارڈ debit card کی طرز پر ہوتا ہے۔ کارڈ بنانے کا خرچہ بھی صارف کے سر اور کمپنی کی مشہوری بھی مفت میں۔ عام طور پر personalized کارڈ تین سے چار دن تک مل جاتا ہے۔ نہیں تو عام کارڈ تو فوری مل جاتا ہے لیکن اس پر آپکا نام نہیں ہوتا اور اس میں دو قباحتیں ہوتیں ہیں اول بہت سی جگہوں پر آپ سے کارڈ کے استعمال پر آئی ڈی مانگ لی جاتی ہے کارڈ پر نام نہ ہونے کی صورت میں آپ کو اس کو debit کے طور پر استعمال کرنا پڑے گا اور نتیجتا ایک ڈالر ٹرانزیکشن فیس آپ کے سر ڈالی جائے گی۔ دوسرا کارڈ گم ہونے کی صورت میں جس کو بھی ملے وہ بھی اس کو استعمال کر سکے گا۔

Popularity: 42%