بدتمیز

میں نے کریڈٹ کارڈ کیسے لیا یہ ایک درد بھری کہانی ہے۔ سارے درد سہہ کر مرہم ملا تھا۔ اب سال ہو چلا ہے اور دل پھر سے کریڈٹ کارڈ اپلائی کرنے کے لئے مچل رہا ہے۔ اصل میں میرے سر پر جس چیز کا خناص سوار ہو جائے وہ ہر صورت پورا کرکے چھوڑنا میری فطرت ہے اور ویسے سکون آتا نہیں۔ لہذا زیادہ نہیں صرف تین رہ گئے ہیں جو لینے ہیں یعنی ماسٹر کارڈ، ڈسکور کارڈ اور امریکن ایکسپریس۔

میں نے ابھی مزید کچھ عرصہ انتظار کرنا تھا لیکن مجھے بینک آف امریکہ پر ذرا غصہ تھا۔ ان سے  میں نے سیکیور کریڈٹ کارڈ بنوا رکھا تھا۔ یعنی ان کو کچھ رقم بھیج دی تھی جو لمٹ تھی اور اس کے بعد خرچ کرتا تھا اور بل بھیج دیتا تھا۔ بل کی میں کوشش کرتا ہوں کہ جو بل آنلائن بغیر کسی اضافی فیس کے ادا کیا جا سکتا ہے وہ آنلائن ہی رکھوں جیسے ورائزن کا فون اور ڈش نیٹورک یعنی ٹی وی کا بل باقی چیک بھیج دیتا ہوں۔ بینک آف امریکہ میرے تجربے میں لوٹ مار کا بینک ہے اور اگر میں اس بینک کو ریٹ کر سکوں تو میں اس کو منفی میں ریٹ کرونگا۔

باقی جگہ آپشنز ہوتی ہیں کہ بل پے کرنے لگیں تو تین آپشنز ہونگی پہلی فل رقم کی، دوسری کم از کم رقم کی اور تیسری جو آپ کو سہولت ہو اتنی رقم ادا کرنے کی۔ بینک آف امریکہ میں ایسا کوئی چکر نہیں ان کی سائیٹ پر پے کرنے لگیں تو صرف کم از کم رقم خانے میں بھری ہو گی اور اگر آپ سو رہے ہیں تو کم سے کم رقم بھیج ڈالیں اور اگلی سٹیٹمنٹ میں باقی ادا نہ کی گئی رقم پر جرمانہ بھریں۔ دوسری خرابی ان کی سائیٹ میں پے کرتے وقت جس دن لاگ ان ہوئے ہیں اسی دن کا سیٹ ہونا نہیں ہے۔ اب due date کی بجائے اس سے بھی بعد کی کوئی ڈیٹ ہے لہذا آپ اس پر بھی آنکھیں کھول کر اس کو درست کریں نہیں تو جرمانہ بھریں۔

 یہ ہوشیاریاں صرف یہی پر ہیں باقی میں نے کتنی جگہوں پر آنلائن بل پے کئے کہیں ایسا نہیں اور ایک مزے کی بات اگر آپ ان کا سیکیور کارڈ لے کر اس کو استعمال نہیں کرتے تو یہ آپ کو annual fee کی رقم کا بل بھیج دیتے ہیں۔ لہذا مخلصانہ مشورہ ہے بینک آف امریکہ سے جتنی دور ہو سکے رہیں۔ Wachovia اور citi bank یہاں بہت پسند کئے جاتے ہیں۔ ایک اور bb&t ہے لیکن مجھے Wachovia کے فیچز اس سے بہتر لگتے ہیں۔ جیسے ایک بہت بڑا فرق اگر Wachovia کا debit card آپ کسی جگہ پر as debit or as credit استعمال کریں تو بینک آپ کو کوئی فیس نہیں چارج کرتا لیکن bb&t کے بینک کارڈ کو as a debit card استعمال کرنے پر بینک آپ کو فیس چارج کرتا ہے لہذا آپ اس کو as credit استعمال کرنے پر مجبور ہوتے ہیں لیکن بعض اوقات آپ بینک کارڈ کو کریڈٹ کارڈ کے طور پر نہیں استعمال کر سکتے جیسے جب میں نے لیپ ٹاپ خریدا تو میں نے اپنا بینک کارڈ سرکٹ سٹی پر کریڈٹ کارڈ کے طور پر استعمال کرنا چاہا لیکن ان کے سیسٹم نے گھر کا پتہ اور بلنگ ایڈریس میچ نہ ہونے پر اجازت نہ دی اور مجبورا مجھے اس کو debit card کے طور پر استعمال کرنا پڑا۔

بینک آف امریکہ کے اس کارڈ نے اور بھی بہت پریشان کیا۔ میری ہسٹری میں اس کی جگمگاہٹ نے ٹویوٹا والوں کو مجبور کر دیا کہ مجھے ہائی ریٹ پر گاڑی دیں یا میں کو سائن کرواؤ۔ ابھی میری آٹو انشورنس نے بھی وہی بات کی۔ میں نے کہا بس اس کو کینسل کرواؤ اور میں نے کارڈ کینسل کروا دیا۔ خاتون نے پوچھا وجہ؟ میں نے کہا بس دل کر رہا ہے۔ ہنس کر کہتی چلو unknown لکھ دیتی ہوں۔ لہذا اب میں صرف ایمیزون کے کارڈ کے ساتھ ہوں۔

میرے ساتھ ابو اور کزن نے کارڈ لئے۔ ان دونوں نے کارڈ پر ہمیشہ 50 ڈالر تک خرچہ کیا ان دونوں کی لمٹ 2000 ڈالر ہو چکی ہے میری 500 سے اٹھ کر صرف 800 اس کی مجھے جو وجہ سمجھ آئی وہ صرف اتنی کے کریڈٹ کارڈ کی فل لمٹ استعمال میں رہی اس لئے ایسا ہوا۔ میں نے دونوں کارڈ فل بھر رکھے ہوتے تھے لطیفہ تو یہ کہ اگر لمٹ فل ہو گئی اور پتہ ہے کہ پھر کچھ خرچہ کرنا ہے تو میں ایک ماہ میں دو دو دفعہ پے کرتا رہا ہوں۔ لہذا اگر آپ بھی میری طرح کے ہیں تو بےوقوفی مت کریں اور کریڈٹ کارڈ کو فل لمٹ تک مت استعمال کریں۔

اب میں نے دونوں کا ڈسکور اپلائی کیا اور دونوں کے منظور ہو کر آ بھی گئے۔ بلکہ ابو کا تو آنلائن منظور ہی نہیں ہوا تھا اور کہا تھا کہ مزید دیکھ کر بھیجیں گیں۔ اب کزن کی لمٹ 900 ڈالر بن کر آئی جبکہ اس کا آنلائن منظور ہو گیا تھا جبکہ ابو کی لمٹ اس کارڈ پر بھی 2000 ڈالر بن کر آئی ہے۔ میرا خیال ہے میں نے اپلائی کیا تو جھنڈی ہی دیکھائی جائے گی۔

اب میں پر تول رہا ہوں کہ میں کریڈٹ کارڈ اپلائی کروں۔ یہاں کچھ اسٹور ویزہ اور ماسٹر کارڈ نہیں لیتے جیسے sams club اور تمام ڈالر سٹورز۔ sams club نے تو ابھی چند ماہ قبل ماسٹر کارڈ لینا شروع کیا ہے نہیں تو اس سے پہلے صرف ڈسکور یا کیش۔ لہذا میں ان تمام سٹورز پر آوارہ گردی نہیں کر سکتا اور کیش خرچ کرنا نہیں ہوتا۔ لہذا میں نے ایسے ہی کہا چلو لیتے ہیں لیکن چھان بین کرتے ہیں۔

اب میں نے ڈسکور کا کارڈ دیکھا کہ گیس پر 5 فیصد کیش بیک۔ اس کا مطلب ہوا کہ اگر 100 ڈالر کی گیس ڈلوائی تو 5 ڈالر واپس مل گئے۔ فائن پرنٹ پڑھا تو مزید تفصیلات کہ صرف حصہ لینے والے اسٹور اور ہر ماہ 100 ڈالر پر 5 فیصد کی لمٹ۔ اس کارڈ کا نام اوپن روڈ تھا۔ اور ابھی پچھلے سال ہی اس پر یہ بندش لگائی گئی ہے ورنہ تو یہ فل 5 فیصد تھا۔

اس کے بعد امریکن ایکسپریس کا کارڈ تھا سمپلی کیش۔ اس کارڈ کے لئے بزنس اونر ہونا ضروری ہے۔ اب نامعلوم سوشل سیکورٹی کے ساتھ اس کو اپلائی کیا جا سکتا ہے کہ نہیں یا فیڈرل ٹیکس آئی ڈی لازمی ہے۔

Bp کا گیس کارڈ بھی گیس پر 5 فیصد کیش بیک دیتا ہے لیکن اس کے لئے ضروری ہے کہ آپ نے بی پی سے ہی گیس ڈلوائی ہو۔ ان کے گیس سٹیشن زیادہ تر فرنچائز ہیں اور ان پر عام طور پر 5 سے 10 سینٹ فی گیلن تک قیمت زیادہ ہی ہوتی ہے۔

اس کے بعد chase کا فریڈم گیس کارڈ بھی اچھا ہے لیکن یہ صرف تین فیصد کیش بیک دیتا ہے اس کا فائن پرنٹ میں نے پڑھا نہیں لیکن شائد یہ ہر گیس سٹیشن پر تین فیصد کیش بیک ہے۔

گیس کی قیمت ایک مسئلہ بن رہا ہے۔ کہاں 100 ڈالر فی بیرل تک قیمت نہیں جا رہی تھی ابھی کل پرسوں 107 کچھ تک پہنچ چکی ہے لہذا اگر گیس پر کیش بیک ملتا ہے تو کسے برا لگے گا؟

میں نے ابھی کل اپنی سالانہ کریڈٹ رپورٹ منگوائی۔ فیڈرل قانون کے تحت کریڈٹ ریکارڈ رکھنے والی کمپنیاں یعنی ٹرانس یونین، ایکسپیرین اور ایکویفیکس پر لازم ہے کہ وہ آپ کو آپ کی کریڈٹ رپورٹ سال میں ایک دفعہ بلامعاوضہ فراہم کریں۔ اس کے لئے آنلائن ویبسائیٹ ہے جہاں سے باآسانی اپنی رپورٹ دیکھھی جا سکتی ہے میں نے جوش میں کل ساری دیکھ لیں لیکن اگر آپ اپنی رپورٹ دیکھنا چاہتے ہیں تو بہتر ہو گا کہ تینوں سروسز کو سال پر تقسیم کر لیں اس طرح آپ ہر چار ماہ بعد اپنی کریڈٹ رپورٹ دیکھ سکیں گیں اور وہ بھی بالکل بلامعاوضہ۔

 خیر میں نے کل دیکھی ہے اور سارے گرین اوکے لگے ہوئے ہیں۔ لہذا میں سوچ رہا ہوں کہ مزید کارڈز اپلائی کروں اب نامعلوم اگر دونوں اپلیکیشنز ایک دفعہ سبمٹ کر دوں تا کہ دونوں ساتھ ہی کریڈٹ چیک ہو جائیں یا صرف ایک کروں۔ لہذا میرا غور و فکر جاری ہے۔ ویسے کیا کسی اور کو کسی ایسے کارڈ کا علم ہے جس کی آفر ان سے بھی اچھی ہو؟

credit

Popularity: 25%