o_O بدتمیز

امریکہ بہت باخبر ملک ہے۔ یہاں سارے جہاں کی خبر آتی ہے۔ جہاں سے نہیں بھی آتی وہاں کی خبر بھی چلا دی جاتی ہے۔ باخبری کی حد دیکھئے جب کوئی خبر نہیں آتی تو خبر “بنا دی” جاتی ہے۔

اسرائیل کے حوالے سے مسلسل خبر دو تین دن نظر آئی فرمایا جا رہا تھا کہ باوجود اس کے کہ ایک اسکول پر فائرنگ کی گئی امن مذاکرات ختم نہیں کئے جائیں گیں۔ یعنی تاثر دیا جا رہا تھا کہ ہم بڑے نیک اور ہم بڑے شریف۔ لیکن یہ نہیں بتایا جا رہا تھا کہ پہلے ہم نے کچھ گولے پھینکے تھے تو فائرنگ کی گئی خبر چل ہی فقرے کی درمیان سے ہے کہ فائرنگ ہوئی۔ مجھے صرف اسرائیل کی حالت دیکھ کر کچھ تسلی ہوتی ہے کہ کوئی بات نہیں ہماری حکومت اپنی قوم کو نہیں مرواتی اسرائیل بھی ایسا کرتا ہے۔

ہماری حکومت کا ذکر آیا تو ذرا یہ بیان ملاحظہ کریں۔ کیا مماثلت نہیں ہے؟ بالکل ہےفرق صرف اتنا ہے ایک مکاری ہے دوسری بےشرمی۔ ڈوب مرنے کا مقام تو ہے ہی۔

امریکی سینٹ اگر اسرائیل کی امداد منظور کرے تو چھوٹے اخبارات میں خبر ہوتی نہیں۔ بڑے اخبارات میں اندر کہیں چھوٹی سی اور بہت بڑے اخبارات میں دو لائنوں کی۔ لیکن باقی ملکوں کی امداد منظور ہو تو ہیلری کلنٹن تک بیان دے دیتی ہے کہ پاکستان کو دی جانے والی امداد کا حساب کریں گیں جبکہ خود انکے ٹیکس گوشوارے چھپے پڑے ہیں پلس کلنٹن دور کے کچھ بلوں پر سوال اٹھ رہے تھے۔

کسی بھی قوم میں تناسب کے لحاظ سے اعلی پڑھے لکھے لوگ کس قوم میں ہیں؟ یہود میں۔ ہر قسم کے لوگ اعلی تعلیم یافتہ ان میں موجود ہیں ہمارے نوجوانوں کی حالت دیکھنی ہو تو یہ ملاحظہ کریں۔

Popularity: 8% [?]