o_O بدتمیز

ناسا ایک ایسا نام ہے جس کی خبر شائد بہت سے لوگ ضرور پڑھتے ہوں۔ اس کی شٹل اٹلانٹس ابھی چند دنوں پہلے انٹرنیشنل سپیس سینٹر سے ہو کر واپس لوٹی ہے۔ اس سینٹر کی تعمیر میں ترقی یافتہ قومیں حصہ لے رہی ہیں اور اس دفعہ یورپ کی لیب لے جائی گئی ہے۔ انٹرنیشل سپیس سینٹر ترقی یافتہ قوموں کی ذہانت کا عجوبہ ہے۔ ہم جیسی قومیں عام طور پر ویب سائیٹس بلاک اور ایسے اقدامات کی حمایت میں بحث کرتے ہیں۔

اب مارچ میں endeavour سپیس شٹل تیار ہے جانے کو اور پھر مئی میں ڈسکوری اور پھر اگست میں اٹلانٹس۔ مارچ اور مئی میں جاپان کا حصہ یعنی Kibo laboratory لے جائی جائے گی۔ خاور جاپانی میڈیا کے حوالے سے بہتر طور پر اس لیب کے بارے میں لکھ سکتے ہیں۔

انہی دنوں چاند گرہن بھی تھا۔ اور مکمل چاند گرہن ہونا تھا۔ ہمارے یہاں بادل چھائے رہے لہذا چاند نظر نہیں آ سکا۔ مکمل چاند گرہن میں چاند سرخ ہو جاتا ہے۔ اور دوربین سے دیکھا جا سکتا ہے۔ اس کی وجہ یہ ہے کہ زمین کے پاس سے گزرنے والی روشنی میں سے نیلا رنگ زمین جذب کر لیتی ہے اور جو باقی بچی روشنی چاند تک پہنچتی ہے وہ اس کو سرخ دیکھاتی ہے۔

اٹلانٹس نے پینٹاگان کو ایک جاسوسی سیارے کو تباہ کرنے سے روکا ہوا تھا۔ کیونکہ ناسا نہیں چاہتا تھا کہ اس سیارے کے تباہ ہونے کے بعد کے اس ٹکڑے خلا میں موجود رہیں اور سپیس شٹل سے ٹکرائیں۔ لہذا اٹلانٹس کے واپس آنے کا انتظار کیا گیا۔

یہ جاسوسی سیارہ بھی مزے کی کہانی تھی۔ امریکہ کا موقف تھا کہ جاسوسی سیارے میں 1000 پونڈ ایسا ایندھن ہے جو انسانوں کے لئے بہت خطرناک ہے۔ جہاں بھی گرے گا انسان مریں گیں۔ میں حیران کہ امریکہ کو انسانوں کی کب سے پرواہ ہونے لگی۔ جاسوسی سیارہ اگر کسی اور ملک میں گرے تو وہ پہلے ہی اس کا تیا پانچہ کر کے ٹیکنالوجی سے متعلقہ معلومات حاصل کر لیں۔

روس نے الزام لگایا کہ یہ دراصل امریکہ کی شرارت ہے کہ جاسوسی سیارے تباہ کرنے کے ہتھیار کو ٹیسٹ کرنا ہے۔ جبکہ چین نے تباہ کرنے پر اس سے متعلقہ ڈیٹا فراہم کرنے کی درخواست کی۔ میں چین کی سفارتی زبان اور اس کے طریقہ کار کا معترف ہوں لہذا ان سے متعلقہ خبریں بھی ضرور پڑھتا ہوں۔

اب ادھر ایسٹ کوسٹ پر اٹلانٹس اترا ادھر ویسٹ کوسٹ پر نیوی کے جہاز سے میزائل فائر کر کے اس سیارے کو تباہ کر دیا گیا۔ آپ اس کی complexity دیکھیں کہ سمندر سے جو میزائل چھوڑا گیا اس نے خلا میں تیرتی ایک شے کو جا کر ہٹ کرنا ہے۔

ان سارے سینیریو بیان کرنے کی ایسی کوئی خاص وجہ تو نہیں سوائے اس تھریڈ کے۔

Popularity: 11% [?]