o_O بدتمیز

ہمارے ساتھ ہی چیسٹر فیلڈ کاوئنٹی اور سٹی ہیں۔ یعنی ایک شہر ہے دوسرا اس کے گردو نواح۔ 12 مارچ کو یہاں ڈیموکریٹک پرائمری میں بیلٹ ختم ہو گئیں۔ جس کی وجہ سے بہت سے لوگوں کو انتظار کرنا پڑا اور بہت سے لوگ ووٹ ڈالے بغیر ہی لوٹ گئے۔ بالآخر لوگوں کو اجازت دی گئی کہ وہ ایک سادے کاغذ پر اپنا ووٹ کاسٹ کر سکتے ہیں۔ ڈیموکریٹس نے اس کی تحقیقات کا حکم جاری کردیا۔ اب تحقیقات ہونی تھی کہ کس وجہ سے بیلٹس ختم ہوئے۔

کاؤنٹی کا موقف ہے کہ 2004 میں صرف 12 ہزار ووٹرز نے ووٹ ڈالا تھا جبکہ اس دفعہ ٹرن آؤٹ بہت رہا پھر بھی انہوں نے تقریفا 38000 بیلٹس کا اہتمام کیا تھا۔ وہ بھی ختم ہو گئے۔ اب تحقیقات ہوئیں تو پتہ چلا کہ ووٹ تو ووٹرز کی تعداد سے زیادہ کاسٹ ہوئے جس سے محسوس ہوتا ہے کہ multiple appearences ہوئیں ہیں۔ اس غلطی پر جواب طلب کیا گیا ہے جو کہ پیر تک دیا جانا ہے۔

دوسری طرف پاکستان میں دھاندلی کی ویڈیوز منظر عام آنے پر ویڈیو ہوسٹنگ سائیٹ(س) پر پابندی لگا دی جاتی ہے۔

پارٹی عہدیدار کو super delegates کہا جاتا ہے۔ عام طور پر یہ کسی بھی امیدوار کو بوسٹ دینے کے لئے ہوتے ہیں۔ یعنی احمقوں کو مزید احمق کرنے کے لئے۔ کسی حلقہ میں سینٹر یا کانگریس مین کسی صدارتی امیدوار کی حمایت کر دیتا ہے اور پھر ووٹر اس کے پیچھے لگ جاتے ہیں۔ عام طور پر ان کے پاس اختیار ہوتا ہے کہ یہ کسی کی حمایت کریں یا کر کے اپنی  حمایت واپس لے لیں یا تبدیل کر لیں یا undecided رہیں۔ اس وقت عوام کے ڈیلیگیٹس کے ساتھ ساتھ سپر ڈیلیگیٹس بھی براک اوبامہ اور ہیلری کی قسمت کا فیصلہ کریں گیں۔

کچھ سپر ڈیلیگیٹس نے اپنی حمایت ہیلری سے واپس لے لی ہے یا اپنا موقف undecided کر لیا ہے۔ ان کے اس فیصلے کی وجہ اپنی ڈسٹرکٹ یا آبائی حلقوں میں ان کے ووٹ سے مخالف ووٹ پڑنا ہے۔ جیسے جارجیا کے کانگریس میں ڈیوڈ سکاٹ اپنا ووٹ ہیلری سے تبدیل کر کے اوبامہ کو دے رہے ہیں کیونکہ ان کے حلقہ انتخاب میں سے 80 فیصد سے زیادہ ووٹ اوبامہ کو پڑے جس کی وجہ سے ووٹرز کی خواہش کے احترام میں یہ اپنا ووٹ تبدیل کر رہے ہیں۔

اس طرح کی کئی باتیں ہوتی ہیں جس سے آپ کسی سیاستدان کے مخالف یا حق میں ہوتے ہیں۔ جیسے مجھے ہیلری کلنٹن سے کوئی خار نہیں تھی لیکن پارٹی نے فیصلہ کیا کہ فلوریڈا اور شائد مشی گن میں پرائمری نہیں ہونگی لیکن ان ریاستوں نے خود ہی کروا لیں اور ان میں ہیلری تو پہنچ گئیں لیکن اوبامہ پارٹی فیصلہ کی وجہ سے نہیں گئے۔ اب ظاہری بات ہے ہیلری نے کمیبین کی تو جیتی بھی وہی اب وہ کہتی ہیں کہ ان ریاستوں کے نتائج تسلیم کئے جائیں۔ یہ بات اصول اور اخلاقیات کے خلاف ہے چاہے وہ لاکھ بڑی سیاستدان ہو اس پر ایک دھبہ لگ گیا

کسی کی صرف خوبیاں نظر میں رکھنے کے میں مخالف ہوں۔ خاص طور پر سیاستدانوں کے۔ سیاستدانوں کو ان کے کرتوت کی سزا بہر حال ملنی چاہئے اور زیادہ ملنی چاہئے کہ ان کے اوپر عوام کا دارومدار ہوتا ہے۔ لہذا سیاستدانوں کے معاملے  میں ان کی ساری زندگی کا کردار مد نظر رکھنا پڑتا ہے۔ یہ فرق پاکستانی سیاست میں واضح دیکھا جا سکتا ہے۔

Popularity: 11% [?]