بدتمیز

یہ صرف 2003 2004 کی بات ہے۔ میرے ایک عزیز چاہ رہے تھے کہ
ان کو survelliance کمیرے خریدنے نہ پڑیں اور ان کا کام
بھی ہو جائے۔ وہ دراصل چاہتے تھے کہ دفتر کے اندر کیمرہ لگا اچھا نہیں لگے گا لہذا
اس کے بغیر کام ہو۔ میں نے پوچھا وہ کیسے؟ انہوں نے ایک شاندار آئیڈیا دیا کہ ویب
کیم سے کیبل والے کا نیٹورک استعمال کرتے ہوئے۔ میں نے کہا ہو سکتا ہے۔ اس کے بعد
میں نے اسکے سافٹ وئیر ڈھونڈے بھی لیکن پھر دفتر ختم کر دیا گیا اور اس کی نوبت
نہیں آئی۔

کمپیوٹر سے متعلقہ چیزوں میں مجھے سب سے بری چیز ویب کیم
لگتی ہے۔ میں نے اس سے متعلقہ ہر پسندیدہ چیز لے لی لیکن یہ لینے سے گریز کرتا
رہا۔ یہاں جب گھر والوں نے پاکستان بات کرنی ہوتی تھی تو لیا۔ اب ہوتا کچھ یوں ہے
کہ میں بڑے سکون سے بیٹھا ہوتا ہوں۔ کوئی نہ کوئی بچہ میرے ویب کیم کی انویٹیشن
بھیج دیتا ہے۔ مجھے صرف لوگوں کا ویب کیم دیکھنے سے دلچسپی ہے اپنا ویب کیم چالو
کرنے سے سخت بیزاری ہے۔ اب اس کو کینسل کرتے بھی برا لگتا ہے لہذا میں اکثر زیادہ
چالاک بننے کی کوشش کرتے ہوئے سائن آؤٹ ہو کر دوبارہ آتا ہوں یا پھر چیٹ ونڈو کلوز
کر دیتا ہوں

لیکن اگلا بندہ اس قدر معصوم ہوتا ہے کہ وہ ذرا نہیں سمجھتا
اور دوبارہ انویٹیشن بھیج دیتا ہے۔۔ تنگ آ کر مجھے کینسل کرنا پڑتا ہے اور کہنا
پڑتا ہے کہ نہیں یہ نہیں چلا سکتا اور آگے سے طعنہ مل جاتا ہے کہ لڑکیوں کی طرح
شرما رہا ہے۔ اگر کوئی پیچھے پڑ کر چلوا لے تو نت نئی فرمائشیں۔

یہ منہ کیا بنا رکھا ہے؟ چلو بوتھا سیدھا کرو

اوئے تین دن سے یہ سویٹ شرٹ اتاری نہیں؟

پچھلی دفعہ بھی یہی شرٹ دیکھی تھی کوئی چھ ہفتہ پہلے اب تو
بدل لو۔

تم یہاں لیٹے کس خوشی میں ہوئے ہو چلو اوپر ہو کر بیٹھو۔

توبہ بستر سے  نکل
کر سیدھے ادھر آ گئے ہو؟ برش بھی نہیں کیا۔ نیٹ کی جان چھوڑ دو

نیند آ رہی ہے؟ تو جاؤ سو جاؤ کس کا انتظار کر رہے ہو؟

سب سے شاندار تو خاور نے میرا ویب کیم دیکھ کر تبصرہ کیا
تھا اور اس کے بعد میں نے توبہ کر لی تھی کہ اب جو کسی کو ویب کیم دیکھایا۔ انہوں
نے فرمایا

او پائی جی تسی تے سچ مچ موٹے ہو۔ (او بھائی جی آپ تو سچ مچ
موٹے ہیں)

بس اب قریبی دوست زبردستی چلوا لیتے ہیں نہیں تو یہ بیچارہ
بیکار ہی پڑا رہتا ہے۔ کچھ عرصہ سے یوٹیوب پر دیکھا کہ لوگ اپنی ڈیلی مصروفیت ویب
کیم سے ریکارڈ کر کے دیکھاتے ہیں۔ وہیں سہولت ہے کہ آپ ویب کیم سے لائیو اسی وقت
اپنی ویڈیو اپلوڈ کر لیں۔

یاہو نے ایک نئی سروس نکالی ہے جسکو لائیو کا نام دیا ہے۔ کرنا
صرف اتنا ہے کہ آپ اپنا پیج بنائیں اور ایک فلیش کا چھوٹا سا باکس ظاہر ہو گا اس
کو اپروو کریں اب آپ کا ویب کیم یاہو نیٹورک سے کنیکٹ ہے۔ گو لائیو  پر کلک کریں اور آپ کا کیم لائیو دیکھایا جا رہا
ہو گا۔

میں نے سوچا تھا کہ وائرلیس ویب کیم لونگا تا کہ گھر والے
جہاں بھی ہوں اس کو استعمال کر سکیں۔ اب لے کر اس کو کھڑکی میں بھی رکھا جا سکتا
ہے live surroundin and weather condition اسی طرح نہ جانے
کتنے لوگ dsl تک رسائی رکھتے ہونگے وہ سب اس کو
ایک مقررہ دن سیٹ کر سکتے ہیں کہ اس دن آپ کا کیم لائیو ہو گا آف کورس کسی کا میری
طرح خود بیٹھنے کا دل نہ کر رہا ہو تو وہ ویب کیم کو باہر کی طرف سیٹ کر دے۔ پاکستان
سے لوگ اس کو زیادہ ٹرائی نہ کریں ورنہ اگر ان کی ڈی ایس ایل لمٹ ختم ہو گئی تو
کافی پیسے خرچ ہو جائینگے۔ دیکھنے اور اپنا کیم سیٹ کرنے دونوں سے پرہیز کریں۔
باقی باہر والے اس کو ٹرائی کر سکتے ہیں۔

اس جیسی دوسری سائیٹس میں بلاگ ٹی وی، سٹک کیم، موگلس، بلاگ
ٹی وی، اور جسٹ ان ٹی وی شامل ہیں۔

یہ سروس ابھی بہت ابتدائی سٹیج پر ہے اور کافی بہتری کی
متقاضی ہے۔ جیسے اس وقت یہ کام نہیں کر رہی جبکہ دن کو بالکل صحیح تھی صرف 40 چینل
اور 370 کے قریب لوگ ہیں اور اس کا یہ حال ہے۔ پھر بھی کچھ عرصہ تک کافی بہتر ہو
جائے گی۔ اگر میری شکل دیکھ کر دن کا برا آغاز کرنا ہو تو میرے خیال سے اگر میں
کیم آن کروں تو اس ونڈو میں ویڈیو ظاہر ہونی چاہئے۔

Popularity: 14%