o_O بدتمیز

یہ تصاویر ہیٹی کی ہیں۔ پچھلے سال جو چند ایک شدید طوفان گزرے وہ اس کے اوپر یا بہت قریب سے گزرے لہذا سب فصلیں تباہ ہیں۔ نتیجتا عوام اس وقت کیا کھا رہے ہیں؟ مٹی کے بسکٹ۔

یہ بسکٹ پیلی مٹی، سبزیوں کا بچا کھچا، نمک اور مکھن تیل جیسی چیز ملا کر بنایا جاتا ہے۔ یہ مٹی سینٹرل ہیٹی میں ہے لہذا وہاں سے ٹرکوں میں بھر بھر کر لائی جاتی ہے۔ 100 بسکٹ بنانے کے لئے جتنی مٹی درکار ہے وہ $5 ڈالر کی ملتی ہے۔ اس کے بعد اسکو چھان کر اس میں سے پتھر وغیرہ الگ کئے جاتے ہیں۔ پھر سب کچھ ملا کر اس کو کوکیز کی شکل دے کر دھوپ میں خشک ہونے کے لئے چھوڑ دیا جاتا ہے۔

ایک رپورٹر نے اس کو چکھا اور اس کا کہنا ہے کہ ٹیسٹ تو اچھا ہے لیکن یہ منہ سے ساری نمی چوس لیتی ہے۔ اور کئی گھنٹوں تک مٹی کا ذائقہ منہ میں گھلا رہتا ہے۔ صحت کے کس قدر خلاف ہے۔ اس مٹی میں کس قدر خطرناک جراثیم ہو سکتے ہیں۔ اگر مٹی بھی ختم ہو گئی تو پھر کیا کریں گیں؟

یہ ملک امریکہ کی بغل میں ہے۔ کیریبین بھاماس کرتے کتنے امریکن ادھر بھاگے جاتے ہیں۔ لیکن اس کا یہ حال ہے۔ اور پاکستان سے کچھ زیادہ مختلف نہیں۔ ایک سال کی دیر ہے ہم بھی یہی ہونگے۔ جس قوم کے فاقے نہیں ختم ہو رہے اس کا صدر ادھر ادھر بن بلائے پھرتا جاتا ہے۔ صدر ایسے ممالک کو دیکھ کر کہتے ہیں ہم ابھی بہت سوں سے اچھے ہیں۔

نوٹ: تصاویر ایسیوسی ایٹڈ پریس کی ملکیت ہیں۔

Popularity: 6% [?]