بدتمیز

تم نے صدر کا سٹیٹ آف دی یونین خطاب سنا؟

میں نے کہا نہیں مجھے وہ ناپسند ہے۔ وہ ہمارے ملک کے لئے اچھا نہیں۔

اس نے فورا منہ بنا لیا۔ اس عورت کی میں اکثر مدد کرتا رہتا تھا۔ وہیل چئیر پر بیٹھی ہوتی ہے۔ سارا دن اس پر ادھر ادھر گھومتی ہے۔ سفید فام ہے۔ اکیلی رہتی ہے۔ اس کی سب سے اچھی بات بہت صاف ستھری رہتی ہے (ورنہ اکثر وہیل چئیرز پر بدبو کے بھبکے بیٹھے ہوتے ہیں) اور سب سے بری بات اس کو نہ ہیلری پسند تھی نہ اوبامہ۔ یعنی یہ ریپبلیکن تھی۔

اس نے کہا وہ کچھ  ممالک کے لئے اچھا نہیں لیکن اس نے کچھ اچھے کام بھی کئے ہیں۔ میں نے کہا ہاں جیسے اس وقت اکانومی کا جو اس نے حال کیا ہے۔ کہاں کلنٹن نے چھوڑا تھا اور اس نے کہا پہنچا دیا ہے۔

کہتی تم کس کو ووٹ ڈالو گے؟ مجھے وہ اچھا لگتا ہے وہ ۔۔۔ وہ ۔ ۔ ۔ !

جان مکین؟ میں نے لقمہ دیا۔

فورا بولی ہاں وہ۔

میں نے کہا تمکو اوبامہ نہیں پسند

اوہ نو۔ اوبامہ تو بالکل نہیں۔

اور ہیلری؟

صدارتی آفس کو کسی عورت کی ضرورت نہیں اور وہ ایک عورت ہے۔ یہ اس سفید فام عورت کا ایک عورت کے لئے جواب تھا۔

سابق مئیر نیویارک سٹی روڈی جولیانی نے انتخابات میں حصہ لینے سے توبہ کر لی ہے۔ جاتے جاتے وہ جان مکین کو endorse کر گئے ہیں۔ ساتھ ہی جان ایڈورڈ بھی باہر نکل گئے ہیں۔ انہوں نے کسی کی حمایت کرنے سے احتراز کیا ہے۔

مکین جولیانی کو نائب صدر لیتا ہے یا نہیں۔ ہیلری ایڈورڈ کو نائب صدر لیتی ہے یا نہیں معلوم نہیں لیکن میں نہیں چاہتا اوبامہ کو ڈیموکریٹک پارٹی کی طرف سے ٹکٹ ملے۔ کیونکہ اگر اوبامہ اور جان مکین کا مقابلہ ہوا تو یہ کالے اور گورے کا مسئلہ ہو گا اور اس  میں جان مکین کی جیت لازمی ہے۔ کیونکہ افریقن امریکن کی بہت بڑی تعداد ووٹ دیتی نہیں اور باقی بھی نفسیاتی مریض ہے اور ان کا خیال ہے کہ جب تک زمین پر گورا ہے ان کے حالات نہیں بدل سکتے لہذا یہ لوگ کچھ نہیں کرتے۔

جان مکین بلاشبہ صدر بش کی طرح incompetent ہے اور یہ اسی ایجنڈے کو نہ صرف بڑھائے گا بلکہ یہ مسلمانوں کے لئے مزید برا ثابت ہو گا۔ بش کی پالیسیوں کا تسلسل امریکہ کی معیشت پر نہ صرف مزید بوجھ ڈالے گا بلکہ عوام میں بھی بےچینی پھیلے گی۔ لہذا جان مکین کا ویسے تو کوئی چانس نہیں لیکن اگر کالے اور گورے کی جنگ دیکھائی جائے تو اس کا جیتنا ممکن ہے۔

سی این این پرائمری الیکشن نتائج

انفو پلیز کے پرائمری بائی پرائمری تفصیلا نتائج

Popularity: 17%