بہت سے لوگوں کو میری سالگرہ یاد نہیں ہوتی۔ میں نے اس کی کبھی پرواہ بھی نہیں کی۔ وجہ اس کی صرف اتنی ہے کہ مجھے لوگوں کی سالگرہ یاد نہیں رہتی۔ میرے کچھ دوست تو بہت شدید ناراض ہوئے تھے کہ مجھے یاد نہیں رہا تھا۔ لطیفہ تو ایک دفعہ ایسے ہوا کہ میں نے کسی کو پورے 7 دن بعد وش کیا کیونکہ میں سمجھا کہ اس کی سالگرہ یکم کے بجائے 6 کو ہوتی ہے۔ اتنی سی غلطی تو معافی کے لائق ہے نہ؟ بس تب سے میں کیا کرتا ہوں کہ جیسے ہی مجھے کوئی کہتا ہے کہ میری سالگرہ آنے ہی والی ہے اگر میں فارغ ہوں تو فٹ اسی وقت اس کو کارڈ سیٹ کر دیتا ہوں کہ اس کی سالگرہ والے دن خود ہی اس کو پوسٹ ہو جائے۔ اب ایک نیا لطیفہ ہوتا ہے کہ کوئی کہتا ہے یار کارڈ کا بہت شکریہ 
تو میں پوچھتا ہوں کونسا کارڈ؟ لیکن کسی کو پتہ نہیں چلتا
ہر سال میری سالگرہ کسی کو یاد ہوتی ہے اور کسی کو نہیں۔ گھر میں ابو کو یاد ہی ہوتی ہے۔ دوستوں میں سے بہت کم صرف ایک دو کو۔ خاندان میں میرے ایک دو کزنز کو اور باقی ختم شد۔ مجھے تو سالگرہ منانے کا بالکل شوق نہیں لیکن گفٹ مانگنے کا بہت شوق ہے یہ اور بات ہے کہ کوئی بھی نہیں دیتا لیکن گھر والے ماموں وغیرہ کو بلا کر پارٹی کر لیتے ہیں۔ بس آج بھی یہی ہوا۔ لیکن اس دفعہ چونکہ مجھے بہت مستی چڑھی ہوئی ہے لہذا میں نے سب کو کہہ دیا کہ یا تو گفٹ تیار رکھو نہیں تو بھگتنے کو تیار رہو۔ حد تو یہ کہ میں نے چھوٹے بھائی کو بھی کہہ دیا۔ بیچارے نے پیسے جمع کر کے میری فیوریٹ آئس کریم خریدی ہے۔ یہ اصل کمال نہیں اس نے تو دل پر جبر کر کے آئس کریم کو چھیڑا تک نہیں ورنہ کھانے پینے کی کوئی چیز اس کے ہاتھوں محفوظ نہیں ہوتی۔ باقی پرفیوم اکٹھے ہو گئے ہیں۔
پچھلے سال شائد قدیر نے اعلان کیا تھا۔ لیکن ایک تو اس نے بلاگ کے ساتھ وہ حال کیا ہے جو سوتیلی ماں اولاد کے ساتھ کرتی ہے دوسرے اس کے بلاگ پر ماہ کے حساب سے براؤزنگ کی آپشن نہیں۔ لہذا میں ڈھونڈ نہیں سکا۔ بری بات قدیر اس کو ٹھیک کرو۔ اس سال ماورا نے اعلان کیا۔ دونوں بچوں کا بہت شکریہ۔ ہر سال میں آنلائن لوگوں سے کہتا تھا کیک مت مانگنا لیکن میرا گفٹ پارسل کر دو۔ جس کیک کا وجود کم از کم اس دنیا میں نہیں وہ میرے سر کیا گیا ہے۔ قدیر نے بھی گفٹ ادھار کر رکھا ہے جب کہ اس کو معلوم ہونا چاہئے ادھار محبت کی قینچی ہے۔ نہیں یقین تو کسی بھی کریانہ کی دکان پر جائے۔ شاکر نے بھی دعا دی ہے۔ شاکر آپ بھی جیتے رہیں بہت اچھے بچے ہیں۔ ویسے اس سال تو کافی ساروں نے وش کیا ہے اب حیران ہوں کہ پریشان کہ لوگوں کا حسن ظن (حسن زن) قائم ہے یا کوئی اور وجہ ہے؟
آدھا دن میں نے سو کر گزارا اور آدھا کارٹون دیکھ کر۔ مارٹن لوتھر کنگ کو علم تھا کہ ایک اور بے مثال کالے (میرا) جنم ہونا ہے لہذا آج اس کی عام چھٹی تھی۔ میں نے تھنڈر کیٹس ڈاؤنلوڈ کر رکھے ہیں بس ان کو دیکھ رہا ہوں۔ جانی کوئسٹ بھی پڑی ہوئی ہے۔ ابھی لوگ کہتے ہیں میں کب بڑا ہونگا۔ میری تو ابھی کارٹون دیکھنے کی عمر ختم نہیں ہوئی۔ شام کو میں نے باقی لوگوں کا سر کھاتے گزارا۔ سب سے گفٹ گفٹ کی رٹ لگائی۔ لوگ مجھ پر بہت مہربان ہیں۔ جس کا فون آیا میں نے گفٹ کا کہا اس نے جھٹ حامی بھر لی کہ ابو کے ہاتھ بھجوا دیتے ہیں کیونکہ میں گفٹ کا کہتا رہتا ہوں کبھی بھی ایڈریس نہیں دیتا کہ پارسل کس ایڈریس پر کرنا ہے ویسے لوگوں کا چھ ماہ پہلے ہی لے لیتا ہوں ویسے بھی مانگ کر گفٹ لینا اچھا تھوڑی لگتا ہے لیکن کسی کو سمجھ نہیں آتی اور جن سے گفٹ چاہئے ہوتا ہے ان کو کہو بھی تب بھی نہیں ملتا۔
میری کزن نے فون کیا پوچھا کیا گفٹ چاہئے؟ میں نے کہا باجی میرے پاس سب کچھ ہے آپ اپنے پر لگائیں فرمایا نہیں بتاؤ میں نے کہہ دیا بڑے دنوں سے دانت برش نہیں کئے داڑھ کو ٹھنڈا گرم لگ جاتا ہے کوئی اچھی سی ٹوتھ پیسٹ اور برش بھیج دیں۔ فرمایا بکو مت اور بتاؤ میں نے کہا آج کل عقل جا رہی ہے عقل داڑھ نمودار ہو رہی ہے۔ وہ بچوں کے جب دانت نکلتے ہیں بالکل ویسی حالت ہے ان بچوں کو کیا دیتے ہیں وہ پلاسٹک کا بس وہی بھیج دیں۔ اب پتہ نہیں ان کو اچھی طرح علم ہے کہ میں ایک منٹ کے لئے سیرئیس نہیں ہوتا انہوں نے میرا یقین کر لیا اور اپنی امی کے دوالے کے وہ لا دیں۔ اب اس میں میرا قصور تو نہیں نہ کہ آنٹی نے سب کے سامنے عزت افزائی کر دی میں نے کہا باجی میں تو مذاق کرتا ہوں آپ کو کس نے کہا تو سیرئیس لیں۔ آنٹی بھی اتنا ہنسیں کہ یہ پاگل ہو گئی۔ بچوں نے بھی سب نے مذاق اڑایا۔ ویسے ابھی تو درد نہیں ہو رہی لیکن پھر بھی احتیاطا کسی کے پاس ہو تو وہ بھیج دے۔
میں ان تمام کا مشکور ہوں جنہوں نے میل میسج اور کارڈ بھیج کر وش کیا۔ مجھے جن جن سے امید نہیں تھی ان سب نے بھی وش کیا۔ اس پر حیران بھی ہوں اور پریشان بھی۔ خیر جیتے رہیئے اور بہت شکریہ۔
نوٹ کیک چاہئے ہو تو ابھی بتا دیں فریج میں پڑا ہے کیونکہ مجھے میٹھا بہت کم پسند ہے لیکن کل بھائی اسکول سے آ کر کھا جائے گا اس سے پہلے پہلے بک کروا لیں لیکن اس کے لئے گفٹ بھیجنا لازمی ہے۔ بشکریہ وزارت خوراک۔
Popularity: 11% [?]
Popularity: 11% [?]
504 views
Related Posts
- None Found
Random Posts
بھائی صاحب ۔ سالگرہ بہت بہت مبارک ہو ۔
ویسے آپ دنیا کے واحد بدتمیز ہو جسے لوگ پسند کرتے ہیں ۔ ۔ بدتمیزیوں سمیت ۔ ۔۔
اللہ آپکو عمر خضر دے ۔ ۔۔ ۔ ۔ آمین ۔ ۔ سال گرا مبارک ۔ ۔ (الف جان بھوجھ کہ لکھا ہے )
مارٹن لودر کنگ ڈے (مع اپنی سالگرہ) مبارک ہو جناب بدتمیز صاحب
مبروک یا اخی
الف نظامی’s last blog post..اب کے برس بھی
کیا بات ہے جناب کی۔
ویسے معذرت خواہ ہوں کل آپ کے بلاگ پر مبارک باد نہیںدے سکا۔
وقار: ویلکم اور بہت شکریہ
اظہر الحق: بہت شکریہ، ہمم یہی تو بڑی بات ہے لوگ پسند کیوں کرتے ہیں؟ اس کا مطلب لوگ غلط ہیں :mh:
پاکستان: بہت شکریہ۔
الف نظامی: بہت شکریہ
عبدالقدوس: ویلکم ویسے ابھی بھی کونسی دی ہے :peace/
بدتمیز’s last blog post..سالگرہ
اوہ ہو جناب کیا باتیں کر رہیں۔
خیر ویلکم کہنے کا شکریہ لیکن سالگرہ کا تحفہ بھی تب ہی دوں گا جب آپ کیک کھلانے کا وعدہ کریں گے
جناب آپ کی اس تحریر سے ہی پتا چلا ہے آ پ کی عمر ایک سال بڑھ گئی!!!
اس سال کی نئی گرہ مبارک!! سدا خوش رہو بدتمیز!!!
شعیب سفدر’s last blog post..خود کش حملہ آور معاشرہ
بدتمیز آپکو سالگرہ کی ڈھیر ساری مبارکباد۔ رہی بات تحفے کی تو جب آپکا جگر قدیر دینے پر تیار نہیں تو دوسرے تو معاف ہی ہیں۔
یہ جان کر خوشی ہوئی کہ آپکو کارٹون پسند ہیں۔۔۔۔۔۔۔۔۔مجھے بھی بہت زیادہ۔ زرا جلدی سے کوئی تحریر اپنے پسندیدہ کارٹونز بمعہ تعارف لکھیے۔
ساجداقبال’s last blog post..ونڈوز جینوئن ایڈوانٹیج(WGA) کی سردردی سے نجات
سلام
عبدالقدوس: اب تو کیک ختم ہو گیا۔ آپ نے بہت دیر سے بتایا :aha/
شعیب صفدر: بہت شکریہ۔ ویسے یہ صفدر کو آپ نے سفدر کیوں کر دیا؟ :roolin/
ساجد اقبال: بہت شکریہ۔ آپ کب سے قدیر کو فالو کرنے لگے۔ پٹھان تو بڑے کھلے دل کے تھے آپ کو اسلام ؔباد کی ہوا لگ گٕی ہے۔ خیر اب کیا ہو سکتا ہے۔
کارٹون پر ایک پوسٹ لکھ کر رکھی ہوئی ہے۔ لیکن روزانہ کوئی اور بات یاد آ جائے تو وہ پوسٹ کر دیتا ہوں۔
بدتمیز’s last blog post..کریزی
تحفہ دینے کے لیے تو راضی ہوں لیکن بھیجنے پر جو خرچہ ہوگا وہ آپ کو خود ہی اٹھانا ہوگا۔ منظور ہے؟
کارٹون والی پوسٹ کا مجھے بھی انتظار ہے۔ آج کل میری مصروفیات بھی کچھ یہی ہیں۔
راہبر’s last blog post..کیبل ٹی۔وی اور میں۔۔۔!
واہ۔۔۔یہاں تو سارے کارٹون ہی اکھٹے ہوئے ہیں۔ :party/
(جن جن کو کارٹون پسند ہیں۔ ان کو کہا ہے۔)
ماوراء’s last blog post..سالگرہیں۔
راہبر: آپ ذرا صدقہ پڑھ کر صدقہ دیں وہی گفٹ ہو گیا :aha/
ماورا: ہاہا آپ پھر کیا ہیں؟
بدتمیز، میں پٹھان نہیں بلکہ پشتون ہوں۔ ہوتے ہونگے کھلے دل کے مالک، لیکن مہنگائی نے مت مار دی ہے۔
۔۔۔۔ضرور لکھیے گا کارٹونز کے بارے میں۔ مجھے Pixar کے اینیمیٹڈ کارٹونز بہت پسند ہیں۔
ماوراء۔۔۔۔۔۔۔۔۔۔بزرگوں کیلیے کارٹونز کیطرح کوئی صنف ہے؟؟؟؟
ساجداقبال’s last blog post..ونڈوز جینوئن ایڈوانٹیج(WGA) کی سردردی سے نجات
اسلام علیکم ۔۔۔ سالگرہ مبارک ہو بہت بہت ۔۔۔ ;;)
سالگرہ مبارک ہو جناب والا۔ کیک شیک کاٹا کہ نہیں؟
عمار ابنِ ضیاء’s last blog post..جامعہ نامہ۔ چوتھی قسط
سارہ اور عمار:
سارا دن مارا مارا پھرنا پڑا 
بہت شکریہ۔ کہاں کا کیک
کس کو مارے مارے پھرتے رہے ۔۔ :hehe/ ۔۔۔ سلور جوبلی سالگرہ تو منا لینی چاہیئے تھی ۔۔ :se: ;;)
:thinkin/
:embarrassed: :-s
سب سے پہلے لیٹ آنے کا سوری ۔ :embarrassed: میں بلاگ کبھی کبھی ہی آتی ہوں اور جائزہ لیتی ہوں [-(
میری طرف سے بھی ڈھیروں ڈھیر سالگرہ کی مبارکاد قبول کریں ،۔۔
اللہ صحت و تندرستی دے ، اور زندگی میں کامیابیاں نصیب ہو
ہیپی برتھ ڈے ٹو یو ۔
سارہ: اف کورس کالیوں کو
سلور جوبلی 
میں تو مرنے کے قریب ہوں 
بوچھی: تھینکس، صحت اور تندرستی ہی تو اللہ نے کوٹ کوٹ کر دی ہوئی ہے۔
صرف چار دن ہی کی تو تاخیر ہے اس لیے سالگرہ کی مبارکباد قبول کرو :party/
دعا آپ کو نہیں چاہیے گفٹ ہم نہیں دے سکتے
اس لیے :cup/ :cup/ اسی سے کام چلاؤ اور ہیپی برتھ ڈے
رضوان’s last blog post..یہودیوں کی کامیابی کی وجہ
وہی سال پرانی پوسٹ اسی سال بھی چل رہی ہے؟
اتفاق کی بات ہے کہ انڈیا کے محترم اعجاز اختر صاحب کی سالگرہ بھی 22 جنوری کو ہوتی ہے۔ انہیں ابھی بتاتا ہوں کہ ان میں اور بدتمیز میں کیا قدر مشترک ہے۔۔
:mh:
رصوان: دعا بھی دے دیں دوا بھی دے دیں، طبعیت اور دماغ دونوں خراب ہیں آجکل۔ تھینکس
نبیل: نہ بتائیں میں تو 21 کو ہوا تھا اور وہ 22 کو ان سے ایک دن سینئیر ہوں
دنوں میں، سالوں میں نہیں۔
جیتے رہو بدتمیز اور دیر سویر تو ہوتی رہتی ہے ، ہے نہ
محب علوی’s last blog post..اوبامہ اور حلف کا لطف دوبالا