بدتمیز

اگر ہیلری یا اوبامہ کوئی بھی ڈیموکریٹ امیدوار بن کر الیکشن لڑ کر جیت بھی جاتا ہے تب وہ کس کو نائب صدر بنائے گا؟ کیا ہیلری اوبامہ کو نائب صدر کی آفر کرے گی؟ کیا اوبامہ ہیلری کو ایسی آفر کرے گا؟ یا وہ جان ایڈمنڈ کو ترجیح دے گا۔ نیو ہیمپشائر ڈیبیٹس میں دونوں مل کر ہیلری کے خلاف بولتے  نظر آئے۔ کیا دونوں ایسی صورتحال میں اس آفر کو قبول کر لیں گے اور امریکی عوام اس کا کتنا پرجوش خیر مقدم کریں گیں؟ یہ خیال مجھے افریقن امریکن کی بحث سے آیا۔ میرا ذاتی طور پر ایسا نہیں خیال کہ اول تو کوئی ایسی آفر دوسرے کو نہیں کرے گا۔ اگر کرے بھی تو دوسرا نہیں مانے گا۔ کیونکہ وہ نہ صرف مخالف ہیں بلکہ سوائے “چینج” کے  نعرے کے ایک دوسرے کے اقدامات پر تنقید ہی ہے لہذا بعد میں بھی مسئلہ ہو سکتا ہے۔

ہیلری کے بارے میں ہی ایک کالم پڑھ رہا تھا۔ آجکل ہیلری اوبامہ ہوئی پڑی ہے۔ اس کالم میں یہ لائن مزے کی تھی۔

Benazir Bhutto was ruthlessly, irresponsibly power-hungry.

بینظیر کا ذکر ہے تو چند ایک کالم کے لنکس کہیں لکھے ہوئے تھے۔ ڈھونڈ کر پوسٹ کرونگا تب تک اس پر گزارہ کیا جا سکتا ہے۔

مجھے لگتا ہے میں پاگل ہو جاؤں گا۔ پاکستان سے سب لوگ فون کریں تو لائیٹ کا رونا روتے ہیں۔ یہ سب پنجاب میں ہیں۔ Literally ایسے ہوا ہے کہ کسی کا کام تین بچے دوپہر ختم ہونا تھا لائیٹ کی وجہ سے وہ رات 10 بجے ختم کر کے گھر گیا۔ کل کی خبر تھی لاہور میں 10 دن کا آٹا رہا گیا۔ میراثیوں نے حل نکالا ہے کہ جی سر شام دکانیں بند کر کے گھروں کو جاؤں۔ ویسے یہ مہنگی بجلی کا وقتی حل بھی بینظیر کا نکالا ہوا تھا جو اتنے برسوں سے  میراثیوں کی ہنسی مذاق کے باعث حل نہ ہو سکا۔ اسی پر کیا موقوف گیس بھی بند ہے۔ رات کو دس بجے شکل دیکھاتی ہے یا پھر ایک بجے۔ باقی سارا دن غائب۔ ایسے میں پرویز الہی کا بلاناغہ روزانہ ایک بیان نواز شریف، بلاول زرداری کے خلاف آتا ہے جس میں دعویٰ کیا گیا ہوتا ہے کہ پنجاب میں ریکارڈ ترقیاتی کام کئے۔ کلین سویپ کریں گیں۔ میں نے eyeside چیک کروانی ہے۔ سوچ رہا ہوں اپنے ساتھ ساتھ چودہری صاحب کی بھی اپائنٹمنٹ لے لوں وہ بھی اپنے خرچہ پر۔

Popularity: 18%