بدتمیز

پاکستان میں جب واٹر بیڈ آئے تھے تو ان کی لاہور میں ڈیمو ٹیسٹ کا بندوبست آواری ٹاورز میں کیا گیا تھا۔ اب سارا لاہور آواری دیکھنے پہنچ گیا تھا۔ بیڈ پر بیٹھیں ستیاناس کر کے گھر کو جائیں۔ تفریحی مقامات کی کمی کا یہی نتیجہ ہوتا ہے۔ اس کے بعد نہیں میں نے سنا کہ اس طرح کا کوئی کام کیا گیا ہو۔

امریکہ میں اسٹور اور خاص طور پر ایوری ڈے لائف سے متعقلہ سٹور بہت بڑے بڑے ہوتے ہیں۔ میرے جیسے پینڈو تو ایک اسٹور کو دیکھنے میں ہی پورا دن لگا دیتے ہیں۔ ان بڑے اسٹورز پر کچن باتھ بیڈ لاؤنج وغیرہ کے سیٹ لگے ہوتے ہیں۔ یہ دیکھانے کے لئے ہوتا ہے کہ سارا سیٹ لگ کر کیسا لگے گا۔ آپ کو جونسا سیٹ پسند آئے اس کا آرڈر کریں یہ آپ کے گھر پہنچا دیتے ہیں۔

اگر ایڈم سینڈلر کی کلک مووی یاد ہو تو اس میں بھی وہ bed bath & beyond نامی اسٹور میں بیڈ پر سو جاتا ہے۔ اسی طرح یہاں اکثر بیڈ لگے ہوتے ہیں جہاں بچے خوب اچھل کود کرتے ہیں۔ ان اسٹورز پر بچے سب کے سب ایسے ہی کسی سیٹ پر جمع ہوئے ہوتے ہیں۔

نیویارک کے ایک کامیڈین کے گھر جب fumigation ہونا تھی تو اس نے ایک بڑے اسٹور ikea سے رابطہ کیا تاکہ وہ 6 دن تک ان کے اسٹور میں رہ سکے۔ اس سے قبل یہ 171 starbucks نامی فلم بنا چکا تھا۔ سٹار بکس ایک کافی شاپ چین ہے جس کے بارے میں میرے کزن کا قول ہے کہ starbucks made it ok to charge $5 for a cup of coffee مجھے تو کافی پینے کا نہ کبھی اتفاق ہوا نہ موڈ ہے کہ آگے ہی کیفین کے بغیر میں اتنا ہائپر ہوں کافی کے بعد تو پتنگے لگ جائیں گیں۔ اس ویڈیو میں مارک مالکوف مین ہیٹن میں واقع تمام 171 سٹار بکس کافی شاپ کا دورہ ایک دن میں کرتا ہے۔

شائد اسی ویڈیو کو ذہن میں رکھ کر مارک کو ikea نے اپنے اسٹور میں 6 دن قیام کی اجازت دے دی۔ مارک نے اچھی تجویز لڑائی نیویارک میں ہوٹل واقعی بہت مہنگے ہیں۔ اس اسٹور میں مارک کو کھلی چھٹی دی گئی ہے جس کا فائدہ اٹھاتے اس کو بخوبی دیکھا جا سکتا ہے۔ میں نے اس کی تمام ویڈیوز ابھی دیکھ ڈالی اور ابھی چند آنی باقی ہیں۔ کل اس وقت تک مارک ikea سے رخصت ہو جائے گا۔ آپ نے ویڈیوز دیکھنی ہو تو mark live in ikea . com پر جا کر دیکھ سکتے ہیں۔ اگر نیویارک میں رہتے ہوں اور مارک سے ikea میں ملنا چاہتے ہوں تو سائیٹ پر لنک کو فالو کریں۔

Popularity: 38%