بدتمیز

بزرگوں کا قول ہے کہ اگر کوئی ایک تھپڑ مارے تو دوسرا گال آگے کر دو۔ میرا خیال ہے یہ قول کسی بزرگ کا اپنے فرزند کے لئے ہو گا کہ جان عزیز روتا کیوں ہے تجھے تو ایک تھپڑ کھا کر دوسرا گال آگے کر دینا چاہئے۔ میں نے ایسی غلطی کبھی نہیں کی لیکن یہ امریکی اور چیز ہیں آپ چاہے گال پیچھے کر لیں یہ دوسرا تھپڑ ضرور مارتے ہیں۔< ?xml:namespace prefix = o ns = "urn:schemas-microsoft-com:office:office" />

امریکہ میں اس وقت پرائمری الیکشن جاری ہیں۔ پرائمری الیکشن سے پہلے ہر پارٹی کے تمام ایسے امیدواران جو کہ صدر بننے کے متمنی ہوتے ہیں پارٹی کو قائل کرنے کی کوشش کرتے ہیں کہ وہی اس قابل ہیں کہ پارٹی ان کو صدراتی الیکشن لڑنے کے لئے اجازت دے۔ لہذا فنڈ ریزنگ ہوتی ہے۔ تقاریر ہوتی ہیں۔ لیکن نہ تو پارٹی تقسیم ہوتی ہے نہ دھڑے بنتے ہیں۔ جونیجو گروپ ہوتی ہے نہ ق لیگ۔ نہ پیٹریاٹ گروپ، یہ تمام امیدواران اس دوران میڈیا ٹرائل سے گزرتے ہیں۔ بیانات دیتے ہیں اور ان پر بحث ہوتی ہے۔

چونکہ پارٹیاں عوام کے لئے کام کرتی ہیں۔ لہذا پرائمریز میں عوام کو موقع دیا جاتا ہے کہ وہ اپنی پسند کے امیدواران کے بارے میں رائے دیں۔ اب ہو سکتا ہے آپ اپنے کسی فرزند کو وصیت کی رو سے نامزد کر جائیں اور اس پر کچھ لوگوں کو شکوک و شبہات ہوں۔ اس کے بالکل برعکس یہاں تجربہ بہت اہمیت کا حامل ہے اور براک اوبامہ کو ابھی تک کم تجربہ کار ہونے کا طعنہ دے ہی دیا جاتا ہے۔

ان پرائمریز سے پہلے آئیوا کاکس ہوتا ہے۔ امریکہ میں سب سے پہلی پرائمری نیو ہیمپشائر کی ہوتی ہے اور اس کے قانون کے مطابق آئیوا کاکس پرائمری میں شمار نہیں ہوتا لہذا اس کے پہلے منعقد ہونے کی پروا نہیں کی جاتی۔ آئیوا میں ری پبلکن کے امیدواران کے سپورٹر کی طرف سے ان کے بارے میں سننے کے بعد لوگ ایک سادہ کاغذ پر اپنے امیدوار کا نام لکھ کر واپس کر دیتے ہیں۔ جن کو گن کر فاتح کا اعلان کر دیا جاتا ہے۔ ڈیموکریٹک کے امیدواران کے لئے حاظرین کی کل تعداد کا 15 فیصد حاصل کرنا لازم ہے۔ اگر وہ کم از کم 15 فیصد ووٹ حاصل نہ کر سکے تو مقابلہ سے خارج ہو جاتا ہے اور اس کے ووٹرز کو اجازت دی جاتی ہے کہ وہ دوبارہ کسی دوسرے امیدوار کو سپورٹ کر سکیں۔ لہذا آئیوا تھا پہلا تھپڑ۔

دوسرا تھپڑ بنا نیو ہیمپشائر پرائمری۔ ادھر بھی لوگوں نے اپنے پسندیدہ امیدواران کو ووٹ ڈالے۔ اوبامہ یہاں بھاگے آئے۔ ہیلری اور چیلسی گھر گھر جا کر ووٹ مانگیں تو بل کلنٹن شہر کے دوسرے حصہ میں تقریر کر رہے ہوں۔ لوگوں نے ووٹ ڈالے اور ہیلری فاتح نکلی۔ نہ موروثیت کا عمل دخل نہ کسی نے ذات مکس کی۔ سیدھا سادہ قانون جیتیں تو خوشی منائیں۔ ہاریں تو مبارکباد دیں اس عزم کے ساتھ کہ ابھی مقابلہ باقی ہے۔

ہم ہوتے تو مونس الہی اور حمزہ شہباز کھڑے کر دیتے۔ یا بلاول کو بلا بھیجتے۔ امین فہیم ہو یا صالح حیات یا اعتزاز احسن سب موروثیت سے باہر ہیں۔ جیسے میاں اظہر ہے اور چودہری رو رو کر بتاتے ہیں۔ ابھی مزید تھپڑ پڑنے ہیں لہذا ان کا شیڈول ذیل میں دیا جا رہا ہے۔

سورس

Popularity: 11%