بدتمیز

آپ نے کبھی آئینہ گر کے ٹوٹتے دیکھا ہے۔ اگر نہیں تو آپ میری بات نہیں سمجھ سکیں گیں۔ لیکن اب ایسی بھی کوئی خاص ضرورت نہیں کہ جا کر آئینہ توڑ کر دیکھیں۔ ویسے ہی تصور کریں۔ ٹوٹے ہوئے آئینہ میں دیکھیں تو آپ کو ہر ٹکڑے میں اپنی شکل نظر آتی ہے۔ میں بھی کچھ ایسا ہی انسان ہوں۔ کچھ مجھے زیادہ جانتے ہیں اور کچھ کم۔ مجھے جاننا اگلے انسان پر ہوتا ہے کہ وہ کس حد تک سمجھ سکتا ہے۔ اور اس پر ہے کہ وہ میری کس بات کو کیسے دیکھتا ہے۔

بنیادی طور پر میں شکل و صورت کو بالکل اہمیت نہیں دیتا لیکن ذہانت اور معصومیت کی طرف attracted ہوں۔ اگر لاجکل بھی ہوں تو میری اور آپ کی گاڑھی چھنے گی لیکن اس کے باوجود میں اپنے دل کی باتیں اپنے تک محدود رکھتا ہوں۔ میرے بہت کم دوست ہیں۔ لیکن ان تک سے میں کچھ بھی ڈسکس نہیں کرتا۔ صرف اسقدر جتنا آپ بتائیں۔ ویسے میری زبان مشکل سے ہی کھلتی ہے۔ اور اس پر میں بےبس ہوں میں کسی کو اپنے دل کی بات نہیں بتا سکتا۔

میں نے بہت سے لوگ صرف اسی وجہ سے ناراض کئے ہیں کہ ان کو لگتا ہے کہ میں ان سے کچھ چھپا رہا ہوں۔ مجھے کسی نے کہا کہ اگر تم نے میری باتیں جاننا ہے تو تم جلدی سے زبان کھولو۔ میرا خیال تھا آپ اپنے دل کا بوجھ ہلکا کرنے کو بتا رہے ہیں۔ لیکن اگر اس طرح ٹریڈ کرنی ہے تو یہ ذرا مشکل کام ہے آپ مجھے نہ سنائیں کسی اور کو سنا لیں جو آپ کو بھی کچھ بدلے میں بتا سکے۔ آپ نے مجھے کچھ ذاتی باتیں بتائیں میں شکر گزار ہوں آپ نے اس قابل جانا لیکن ساتھ توقع رکھنا کہ میں بھی ہر صورت بتاؤ پر میں معذرت خواہ ہوں کہ یہ میرے بس میں نہیں میں بہت دیر سے زبان کھولتا ہوں۔

اس طرح بہت سے لوگوں کو لگتا ہے کہ میں بتانا نہیں چاہتا۔ اگر کچھ ہو اور میں بتا نہ سکوں تو میں صاف کہہ دیتا ہوں کہ میں بتا نہیں سکتا۔ اگر کچھ نہ ہو تو میں کہہ دیتا ہوں کہ مجھے نہیں پتا یا کچھ بھی نہیں ہے۔ لیکن اس پر آگے سے وہی خیال کہ میں شائد چھپا رہا ہوں۔ اگر کوئی بات نہیں بتانی ہو گی تو میں کبھی اس کا ذکر نہیں کرونگا۔ ایسی درجنوں باتیں ہیں جو میرے اندر ہی ہیں کبھی باہر نہیں نکلیں۔ لیکن جس کا مجھے علم ہی نہیں وہ میں کیسے بتا سکتا ہوں؟ اگر پتہ ہو گی تو بتاؤں گا نہ؟

میں بہت سوں کا دوست ہوں لیکن میرے بہت کم دوست ہیں۔ میرا بہترین دوست میں خود ہوں۔ میرے خیال سے لڑکیاں ڈسکس کرتی ہیں اور سبھی لڑکے زیادہ تر معاملات اپنے تک محدود رکھتے ہیں۔ ویسے بھی لڑکے expressive نہیں ہوتے یا کم از کم میں نہیں ہوں۔ مجھے علم ہے میرے اس روئیے سے قدیر ناراض ناراض رہتا ہے لیکن اس کے علاوہ بھی کسی کو ایسا محسوس ہوا ہو تو معذرت لیکن یہ میرے بس میں نہیں۔

Popularity: 29%