o_O بدتمیز

میں نے کچھ دنوں پہلے لکھا تھا کہ سب اپنے بلاگ کا ریویو لکھیں۔ اب لوگ کہتے ہیں پہلے  میں کروں۔ حالانکہ میرا کام دی ممی فلم میں اس بندے کی طرح کا ہے جو ان کو بتاتا ہے کہ جلدی کام کرو اور وہاں سے پتھر اٹھاؤ۔ خیر میں اپنے بلاگ کا ایک ریویو کرتا ہوں جس کو اپڈیٹ میں شائد نیو ائیر کی شام کروں۔

The post I liked the most?

Merry Christmas اس کی تھیم کے ساتھ ڈیزائننگ بہت پسند آئی تھی،

The post I enjoyed the most?

قدیر احمد رانا پر لکھی گئی پوسٹ "قدو"

اپڈیٹ: اور ایک یہ پوسٹ چار شادیاں جو کہ میرا نیو ایئر ریزولوشن بھی بن سکتا ہے۔

اپڈیٹ: سب سے اچھی جو تصویریں مجھے لگیں وہ ایک بہار کی پوسٹ سے تھی اور ایک خزاں کی۔ ویسے اگر دونوں پوسٹس کو دیکھیں تو شائد خزاں بہار سے زیادہ پیاری لگ رہی ہیے۔ یا پھر میرا دماغ خراب ہے۔ اس درخت سے مجھے عشق ہے۔ اس کی بہار کی تصویر اور اس کی ہی خزاں کی تصویر۔ اور سب سے زیادہ پسند یہ تصویر۔

سب سے زیادہ ٹریفک ابھی تک اردو ویب سے آ رہی ہے۔ تقریبا 29 فیصد جس میں سے شائد محفل سے بھی لنک شامل ہونگے۔ اردو ٹیک کے وینس سے حیرت انگیز طور پر تقریبا 22 فیصد ٹریفک ہے۔ جبکہ بلاگرز پی کے 5 نمبر پر سے میرا خیال تھا زیادہ ٹریفک ہو گی۔ گوگل سے بہت سے لوگ سرچ کرتے آئے جو کہ تیسرے نمبر پر ہے۔ سب سے حیرت انگیز طور پر ماورا کے بلاگ سے 6 نمبر پر لوگ آئے جب کہ خاور کے بلاگ سے آنے والی ٹریفک 8 نمبر پر ہے۔ پاکستانی کے بلاگ سے آنے والی ٹریفک 9 نمبر پر ہے۔ ڈائریکٹ آنے والی ٹریفک 4 نمبر پر رہی۔

ڈائریکٹ آنے والے 15 فیصد رہے جبکہ 68 فیصد ٹریفک ریفرنگ سائیٹس کی بدولت تھی جبکہ سرچ انجنز سے آنی والی ٹریفک 17 فیصد رہی۔

سب سے مزے کی بات قدیر کو تلاش کر کے آنے والی ٹریفک 5 نمبر پر ہے جبکہ badtameez کو سرچ کر کے آنے والی ٹریفک 9 نمبر پر ہے۔ کسی نے بھی بدتمیز لکھ کر تلاش نہیں کیا۔

سب سے زیادہ وزٹس امریکہ سے ہوئے حالانکہ میں توقع پاکستان سے کر رہا تھا جہاں سے دوسرے نمبر پر سب سے زیادہ وزٹس ہوئے۔ سب سے کم جاپان سے ہوئے حالانکہ خاور مجھے ٹریفک فراہم کرنے والے 8 نمبر پر ہیں۔

اہورہج وزٹس ایک دن میں تقریبا 40 رہے۔ جبکہ ایوریج پیج ویو 2 فی وزٹس کے حساب سے رہا۔ سارے سال میں تقریبا 28000 پیجز دیکھے گئے۔ جبکہ سائٹ پر وقت بیتانے والوں کا ایوریج وقت 3 منٹ اور 16 سیکنڈ رہا۔

سب سے زیادہ جس پوسٹ کو دیکھا گیا وہ یوٹیوب تھی۔ دوسرے نمبر پر سب سے پہلے پاکستان اور تیسرے نمبر پر حفصہ مسجد کی پوسٹ رہی۔

سب سے زیادہ ہٹس دسمبر 7 کو ہوئیں جن کی تعداد 86 رہی جبکہ گوگل analytics مجھے 91 اور 92 بھی ہٹس دیکھا رہا ہے لیکن ہم لوگوں کی آسانی کے لئے دسمبر 7 رہنے دیتے ہیں جو کہ باآسانی دیکھی جا سکتی ہے۔

اپڈیٹ: سب سے زیادہ ہٹس 31 دسمبر 2007 کو ہوئیں جن کی تعداد 100 تھی۔ وجہ ابھی تک معلوم نہیں ہو سکی میرا خیال ہے ریگولر ٹریفک کے ساتھ سرچ انجن اکٹھا ہو گیا ہو گا۔

سب سے بہترین تبصرہ سعادت نے کیا۔  سب سے زیادہ تبصرے کرنے والے کو بدقسمتی سے میں کاؤنٹ نہیں کر سکتا۔ کیا کسی کے علم میں ایسا پلگ ان ہے جو ہر تبصرہ نگار کے نام کے ساتھ ان کے ٹوٹل کمنٹس کو بھی ظاہر کرے؟ جیسے زکریا کے بلاگ پر ہوتا ہے؟

اپڈیٹ: زکریا کے تبصرے اچھے لگتے ہیں۔ کیونکہ ان کی موجودگی اول یہ ظاہر کرتی ہے کہ بلاگ دلچسپ اور معلوماتی ہے۔ نہیں تو سطحی اور غیر معیاری۔ دوسرے اور زیادہ اہم وہ معلومات کی تصحیح کر دیتے ہیں۔ میرے لئے quick encyclopedia ہیں۔ کسی بھی قسم کا آپ ہنٹ دیں ان کو علم ہوتا ہے۔ میں سچ میں ان کی رہنمائی کا بہت ممنون ہوں۔ ویسے بھی جاننے والے جانتے ہیں میں  معلومات کا بھوکا ہوں۔ ایک اور بڑا مزے کا تبصرہ اس پوسٹ کے بعد ہوا تھا۔ آپ بھی ملاحظہ کریں۔ فیصل کا تبصرے کرنے کا انداز بہت پیارا ہے۔ لیکن شائد ابنٹو انکے اور ہمارے درمیان حائل ہے۔

قدیر نے اس سال بہت مزے مزے کی تحاریر لکھیں۔ متاثرین میں ڈاکٹر افتخار راجہ، شعیب صفدر، محب علوی اور پھر محب علوی رہے۔

شعیب صفدر حسب معمول صدر مشرف سے دست و گریبان رہے۔ نتیجتہ کچھ ایسی پوسٹس کرتے رہے۔ اس جگہ آ کر ان کے بلاگ کی مزید چھان بین نہ ہو سکی۔

جہانزیب نے حسب معمول سخت پوسٹس کی بڑی مشکل سے چند ایک ہلکی پھلکی پوسٹس نکالی ہیں۔ جیسے ایک یہ اور پھرایک یہ جو کہ سوچنے پر مجبور کرتی ہے۔

ماورا کی یہ پوسٹ زبردست تھی۔ اس کے علاوہ بھی ایک تھی کچھ آپ بیتی قسم کی تھی اور بہت مزے کی تھی۔

زکریا نے سال کے اختتام پر قدرے اردو پریزینٹیشن قائم رکھی۔ لیکن ان کے بلاگ پر آگے پیچھے جانے کا اہتمام نہیں ہے۔ لہذا  میں اسی پوسٹ کا ذکر کر دیتا ہوں جس کو میں نے خراب کروایا تھا

شگفتہ بہت سوچ سوچ کر لکھتی ہیں لیکن لکھتی بہت اچھا ہیں۔

اپڈیٹ: نئے بلاگرز میں امن کی اتنی معصوم معصوم پوسٹس بہت اچھی ہوتی تھیں۔ امید جتنا کم لکھتی ہیں اتنا ہی اچھا لکھتی ہیں۔ راہبر اور ماورا اپنی اپنی صنف کے لحاظ سے اچھے بلاگرز ہیں۔ راہبر کی شروع کی چند ایک پوسٹس میں نے کل دیکھیں وہ تو بہت ہی اچھی اور سلجھے ہوئے دماغ کی سوچ ہے۔ یہ دونوں اردو بلاگرز میں بہت اچھا اضافہ ہیں اگر بلاگنگ جاری رکھیں۔ شعیب خالق بلوچ کی معصوم اور بے ساختہ پوسٹس میں بہت شوق سے پڑھتا ہوں۔ امید کرتا ہوں وہ ضرور لکھتے رہیں گیں۔

مجھے ڈیزائن کے لحاظ سے سب سے زیادہ اچھا بلاگ میرا پاکستان کا لگتا تھا لیکن انہوں نے تھیم تبدیل کر لی۔ اس وقت نیویگیشن کے لحاظ سے سب سے بہتر بلاگ راہبر کا ہے جبکہ پاکستانی نے کافی ورسٹائل کام کیا ہے اور میرے خیال سے کچھ عرصہ پہلے تک ان کے بلاگ پر سب سے زیادہ پلگ انز استعمال ہو رہے تھے۔ نعمان نے کافی فیچرز ایڈ کئے ہیں۔ اچھا لگ رہا تھا۔

سب سے پسند مجھے یہ گانا آیا۔ nai nai I m not in love ویسے سب سے زیادہ موٹر ہیڈ کا یہ گانا پسند ہے اور میرا نہیں خیال میں کبھی اس کے سحر سے نکل سکوں گا۔ ہاں اگر عقل آ جائے تو۔ ویسے گرین ڈے کا American idiot شاپ بوائز کا party like a rockstar اور 50 سینٹ کا In da club بھی بہت زبردست ہیں۔

Popularity: 16% [?]