بدتمیز

مجھے اپنی یہ تھیم بہت پسند تھی۔ اور میں نے اس کو بہت customize کیا ہے۔ بدقسمتی سے اس کی کچھ limitations ہیں جو مجھے سخت بری لگ رہی ہیں۔ لیکن ابھی تک اس سے کچھ بہتر تھیم نہیں مل سکی۔ بہت سے لوگوں کو 3 کالمی تھیمز نہیں پسند ہوتی اگر کسی کو ایسی کسی تھیم کا علم ہو تو مجھے ضرور بتائے۔ میں مستقلا ایک نئی تھیم لگانا چاہتا ہوں۔

اس تھیم کی سب سے بڑی خرابی کسی ماہ کے آرکائیو یا کیٹگری ویو پر کلک کرنے سے اس ماہ یا کیٹگری کی تمام پوسٹس ظاہر نہ کرنا ہے۔ اگر یہ کسی صفحہ پر ایسا نہیں بھی کر سکتا تب بھی یہ 1٫2٫3 کر کے صفحہ میں دیکھا سکتا ہے لیکن ایسی کوئی سہولت میسر نہیں اور میری php سے واقفیت نہ ہونے کے برابر بھی نہیں۔ in the long term یہ بہت بری خرابی ہے۔ کسی چیز کے ڈھونڈنے میں یہ کافی مشکل پیدا کرتی ہے۔ یہ خرابی بدتر تب ہو جاتی ہے جب آپ اس بلاگ پر کسی چیز کو سرچ کرتے ہیں۔ نتیجتہ سرچ کے بھی صفحات 1٫2٫3 کر کے نہیں آتے اور پہلے صفحہ پر وہ چیز نہیں ہوتی لہذا تلاش بےفائدہ ہے۔

میں نے بہتر نیویگیشن کے لئے چند ایک پلگ انز شامل کئے۔ ان میں سے ایک ٹاپ ٹین پلگ ان تھا۔ یہ میری وہ تحاریر جن کو سب سے زیادہ وزٹس ہوتے ہیں کو سائیڈ بار میں دیکھاتا ہے۔

ایک اور پلگ ان popularity contest ہے۔ یہ پلگ ان بھی وزٹس + ریسپانس کو کیلکولیٹ کر کے ہر پوسٹ پیج پر اس کی رینکنگ ظاہر کرتا ہے۔ وزٹس پر پوائنٹ کی تعداد کچھ ہوتی ہے جبکہ ریسپانس پر کچھ اور ٹریک بیک ہونے پر کچھ۔ یہ سب مل کر کاؤنٹ ہوتا ہے۔

حالیہ تبصرہ جات کی ایک پرانی فائل کافی لوگ استعمال کر رہے ہیں۔ مجھے بھی قدیر اینڈ کمپنی سے ہی اس کا پتہ چلا تھا۔ لیکن ایک نیا پلگ ان میں نے ڈھونڈا ہے۔ ابھی تک اس سے چھیڑ چھاڑ نہیں کر سکا۔ وجہ وہی کہ آتا جاتا کچھ نہیں۔ اس پلگ ان سے حالیہ تبصرہ جات + حالیہ ٹریک بیک بھی سائیڈ بار میں ظاہر کئے جا سکتے ہیں۔ اس سے آپ نہ صرف ایسے لوگوں کو جنہوں نے آپ کے بلاگ پر کمنٹ کیا ظاہر کرتے ہیں بلکہ ٹریک بیک کرنے والوں کو ظاہر کر کے ان کے بلاگ تک ٹریفک کا ایک ذریعہ بھی بنتے ہیں۔ ظاہری بات ہے پہلے وہ آپ کی پوسٹ تک جاتے ہیں اور اس پوسٹ کے آخر سے ٹریک بیک کرنے والے کے بلاگ پر۔

ٹریک بیک کی بات ہے تو بہت سے لوگوں کو ٹریک بیک کرنا نہیں آتا۔ ٹریک بیک یعنی اپنی پوسٹ جو کہ آپ نے کسی پوسٹ سے مطابقت سے لکھی ہو کو ٹریک بیک کروانے کے لئے ضروری ہے کہ آپ اس پوسٹ کا مکمل لنک نہ کہ بلاگ کا لنک اپنی پوسٹ میں دیں۔ جیسے اگر آپ http://www.badtamiz.com/blog کا لنک دیں گے تو یہ میرے بلاگ پر ظاہر نہیں ہو گی۔ لیکن اگر آپ jextr کے حوالے سے کچھ لکھنے لگے ہیں تو پورا لنک دیں http://www.badtamiz.com/blog/2007/12/29/jextr/ تبھی ٹریک بیک ہو سکے گا۔ اور آپ کی پوسٹ میری پوسٹ کے آخر میں ظاہر ہو گی۔ اگر پوسٹ میں لنک نہیں دے سکتے تو ایڈیٹر میں ٹریک بیک کے خانہ میں میری پوسٹ کا مکمل یو آر ایل دے دیں۔

محب نے ایک اچھا پلگ ان ڈھونڈا تھا۔ یہ کمنٹ لو ہے یعنی آپ کے بلاگ پر کمنٹ کرنے والوں کو ان کے کمنٹ کا صلہ۔ یہ پلگ ان کمنٹ کرنے والوں کے بلاگ فیڈ سے ان کی حالئہ پوسٹ کا لنک ان کے کمنٹ کے ساتھ ساتھ پوسٹ کرتا ہے۔ اس سے ان کے بلاگ کو نہ صرف لنک مل جاتا ہے بلکہ نئے لوگ بھی ان کے بلاگ تک جا کر پڑھتے ہیں۔ اس کے لئے ضروری ہے کہ آپ اپنے بلاگ کا لنک دیں نہ کہ سائیٹ کا۔

قدیر مرحوم نے مجھ سے کوئی ایک ہزار دفعہ پوچھا کہ میں نے بلاگ رول میں اس کا لنک کیوں شامل نہیں کیا۔ اپ ڈیٹ کرتے ہوئے کچھ غلط ہوا تو پھر اب تک اس کو درست نہیں کیا۔ شروع میں میں نے سبھی بلاگ شامل کئے ہوئے تھے۔ پھر اس جگہ منتقل ہونے پر صرف ان کو لنک کیا جن کی پوسٹس مجھے پسند تھی اب میرے ذہن میں ایک نیا ہی آئیڈیا آ گیا۔ ایک نئے پلگ ان کی بدولت جس کو میں نے محفل کے لئے استعمال کرنا تھا اور شاکر نے ڈھونڈ کر دیا تھا سے میں اپنی سائیڈ بار میں اردو ٹیک وینس کی آر ایس ایس استعمال کر کے اردو بلاگرز کی تازہ ترین پوسٹس ظاہر کر رہا ہوں۔ یہ ایک طرح سے reward ہے ان اردو بلاگرز کو جو کہ اپنا بلاگ ریگولر اپڈیٹ کرتے ہیں۔ اس کی افادیت کا اندازہ مجھے آؤٹ کلکس سے پتہ چل چکا ہے۔ آپ وینس یا سیارہ کسی کی بھی آر ایس ایس سے اس پلگ ان سے ریگولر اردو بلاگرز کو ریوارڈ کر سکتے ہیں۔

سیارہ کی opml

وینس کی آر ایس ایس

قدیر مرحوم کا ہی خیال تھا کہ میں اس کی بلاگ ہٹس سے بہت جیلس ہوں۔ جس کی وجہ اس کے روزانہ کے سنانے کے آج اتنے ہٹس ہوئے اور آج اتنے۔ اس کو میں نے صرف اتنا کہا تھا کہ تم روزانہ کے اتنے گنواتے ہو سال بعد بھی تم وہیں کے وہیں ہوتے۔ لہذا میں اوپن بلاگ سٹیٹس کی اہمیت پر زور دیتا ہوں۔ بہت سے اردو بلاگر خاص طور پر نئے جو کہ ابھی تک میرے جتنے ڈھیٹ نہیں ہوئے نے اس پر عمل کیا ہے۔ ان تمام کا میں احسان مند ہوں کہ ایک صحت مندانہ طرز بلاگ کو انہوں نے فروغ دیا۔ آپ بھی سائیٹ میٹر کا اوپن سٹیٹ اپنے بلاگ پر شامل کر کے اس طرز عمل کو فروغ دے سکتے ہیں۔

بلاگ سٹیٹس کے کتنی پوسٹس ہوئی اور کتنے کمنٹس کب اپڈیٹ کیا گیا اور لاسٹ کمنٹ کس نے کیا جیسی معلومات اب ڈیش پورڈ سے اٹھ کر سائیڈ بار میں آ گئیں ہیں۔ اس پلگ ان کی بدولت۔

ہر پوسٹ کو دیکھنے کے لئے کہ اس کو کتنی دفعہ دیکھا گیا ہے۔ یہ پلگ ان۔

بلاگ ریویو کی پوسٹ میں نے گوگل اینالیٹکس کے ڈیٹا کی بنیاد پر لکھی تھی۔ اس پلگ ان سے گوگل اینالیٹکس اپنے بلاگ پر استعمال کریں۔

سب بلاگر اگر چاہیں تو اپنا ایویٹر انٹرنیٹ پر استعمال کر سکتے ہیں۔ جیسے میں ایک بچہ کی تصویر استعمال کرتا ہوں۔ جہانزیب دستار پہنے انکل کی اور ماورا کی پاکستانی تتلی ہے۔ قدیر مرحوم و مغفور ، باجی پریٹی کی تصویر لگائے رہتا تھا۔ اس کے لئے مائی بلاگ لاگ پر رجسٹر ہوں۔ اور جب بھی آپ میرے بلاگ پر کمنٹ کریں گیں آپ کا منتخب کردہ ایویٹر آپ کے کمنٹ کے ساتھ ظاہر ہو گا۔ اپنے بلاگ پر یہ سامان کرنے کے لئے یہ پلگ ان استعمال کریں۔

اگر آپ بھی کسی پلگ ان کو جانتے ہوں یا استعمال کرتے ہوں تو اس کے بارے میں یہاں کمنٹ میں لکھئے یا پھر اپنے بلاگ پر تفصیل سے۔ اگر کسی بہتر تین کالمی تھیم کے بارے میں معلومات رکھتے ہوں تو بتائیں۔ شکریہ۔

اپڈیٹ: دو پلگ انز کا ذکر کرنا بھول گیا۔ پہلا ہے نبیل کا ورڈ پریس اردو پیڈ۔ اس سے بہت سہولت سے اردو میں تبصرہ اور بلاگ سرچ ہو سکتی ہے۔ مجھے اس کا بالکل علم نہیں تھا تاقتیکہ امن نے مجھے اس کا لنک بھیجا۔ میں امن کا شکر گزار ہوں کہ قدیر مرحوم مجھے اردو پیڈ مینوئلی شامل کرنے سے انکار کر چکا تھا۔ اس پلگ ان میں ایک خرابی ہے۔ اس میں پلگ ان کے ڈاؤنلوڈ پیج کا لنک نہیں دیا گیا۔ نہ اس کو ورڈ پریس کے ایکسٹینڈ پلگ ان سیکشن پر اپلوڈ کیا گیا ہے۔ جہاں رکھنا شائد بہت اچھا قدم ہو۔

دوسرا پلگ ان میرا فیوریٹ ورڈ پریس کی ایموٹیکن ہیں۔ ان کی بدولت کوئی بھی تبصرہ کرنے والا اپنے موڈ کو ظاہر کر سکتا ہے۔

Popularity: 71%