بدتمیز

1997 یا 98 کی بات ہے۔ ہمارے گھر کے باہر شہتوت کے درخت پر خزاں پوری طرح چھائی ہوئی تھی۔ سوکھے پتوں کی عجب خوشبو ہوتی ہے۔ میں نے ایک شاخ پر لگا اکیلا پتہ توڑنا چاہا۔ پھر سوچا اگر اس کو توڑ دوں تو خدا کہے گا یہ میں نے ایسا ہی چاہا تھا۔ اگر اس کو چھوڑ دوں تو خدا کہے گا یہی میری مرضی ہے۔ یعنی قسمت میں ہی ایسا لکھا تھا۔ مجھے یہ ہضم نہیں ہوا۔ ایسے تو خدا کو ظالم بنا دیا۔

اس کو ذرا بڑے سینیریو میں دیکھیں۔ کل کلاں کو ابو جہل بھی دعویٰ کر سکتا ہے کہ اے خدا تو نے ایسا چاہا تھا تو نے ایسی قسمت لکھی تھی ہم سب تیرے سٹیج پر تیرے بتائے ہوئے کردار ادا کر کے فنا ہو گئے تو جزا اور سزا کیسی؟ شیطان بھی بھاگا آئے گا کہ جب تو نے ایسا چاہا تو کیونکر ممکن تھا کہ رو گردانی ہو سکتی؟

بہت سے لوگ قسمت کے لکھے کو اٹل مانتے ہیں۔ مجھے ایسے لوگ کم ہمت اور بزدل لگتے ہیں۔ انہونی ہونا درست ہے۔ لیکن میرا خیال ہے ایسی انہونی آپ نے خود ہی تخلیق ہونے کا سامان کیا ہوتا ہے جس کو بھول چکے ہوتے ہیں۔

انسان بہت الٹی حرکتیں کرتا ہے۔ پھر پھنس جاتا ہے۔ اپنا قصور ماننا نہیں ہوتا لہذا قسمت کو الزام دیتا ہے۔ جیسے کل رات میں نے غلط ٹرن لے لیا۔ پھر اندھیرے میں 195 کو i-95 پڑھ لیا۔ نتیجتا گھر آدھے گھنٹے کے بجائے ڈیڑھ گھنٹے میں پہنچے۔

ہر انسان کے پاس دو راستہ ہوتے ہیں۔ ضروری نہیں کہ ایک دفعہ آپ نے غلط راستہ منتخب کیا تو بس اسی پر چلتے رہیں گے۔ ہر دو راستوں پر آپ کو بار بار غلط اور درست میں انتخاب کرنے کا موقع دیا جاتا ہے۔ بہت سے لوگ کم ہمت ہوتے ہیں جو چاہتے ہیں کہ جو غلطی کی اس کی سزا نہ ملے لہذا وہ بچنے کے چکر میں بار بار غلطی کے مرتکب ہوتے ہیں۔ غلط راستہ پر چلنے کے بعد صرف کوئی نیکی ہی آپ کے آ سکتی ہے ورنہ جلد یا بدیر سزا لازمی ہے۔

جب میں مڈل اسکول میں گیا تو لڑکے ایک دوسرے سے جگتوں میں کافی واہیات گفتگو کرتے تھے۔ اور جب کوئی پوچھتا گھر میں بہنیں نہیں؟ تو بغلیں بجاتے تھے کہ کوئی بہن نہیں۔ یہ لوز اینڈز ہوتے ہیں کسی بھی چین ریکشن کا۔ مجھے ان پر ہنسی آتی تھی کہ کل  کو شادی ہو گی تو کیا پتہ لڑکی ایسی ملے یا ان کی حرکات کے باعث بیٹی بھی ایسی ہی نکلے۔ آپ کسی بھی ایسی چین کو دیکھیں۔ جہاں مرد عورت ایک دوسرے سے غلط طور پر ملوث ہوں ان کے لوز اینڈز ایسے ہی ہوتےہیں۔ جن کی کہانی ختم نہیں ہوتی یا تو انکی بیگم سے جڑی ہوتی ہے یا پھر ان کی بیٹی سے شروع ہوتی ہے۔ اب قسمت کو کیوں برا بھلا کہا جائے؟ آپ ساری عمر جس کام میں ملوث ہوئے اس کی تکمیل کسی نے تو کرنی تھی نہ؟

بعض دفعہ ایسا ہوتا ہے کہ ہمیں لگتا ہے کسی نے بہت زیادتی کی۔ ہو سکتا ہے ہمیں کسی چیز کی سزا ملی ہو۔ کچھ لوگ رو دھو کر صبر کر لیتے ہیں۔ کچھ لوگ بول بال کر۔ کسی کو ایسے ہی معاف کر دینا میرے نزدیک سخت بزدلی ہے۔ سب سے پہلے تو رونا دھونا ختم کریں۔ اس ظلم کے اثرات سمیٹیں۔ یہ آپ کے اندر سرد مہری پیدا کرے گا۔ خاموشی ظالم کو مزید ظلم کرنے کی شہہ دیتی ہے اور کمینہ انسان کو خوفزدہ کر دیتی ہے۔ بہت سے ظالم کمینہ ہوتے ہیں۔ لیکن اس کا مطلب یہ نہیں کہ چپ ہی رہیں۔ اپنی طاقت میں اضافہ کریں اور مناسب موقعہ پر حساب چکتا کر دیں۔ صرف اتنا خیال رہے معاف کرنا تبھی درست ہے اگر قابو پا لیں ورنہ معافی کوئی معنی نہیں رکھتی۔ چاہے اس کے لئے آپ کو سالوں انتظار کرنا پڑے کریں۔ ظالم چاہے بعد میں توبہ کر لے ہوتا ظالم ہی ہے۔ اس کو ظلم کی سزا بھگتنی چاہئے۔

جیسے اس خبر پر ہو سکتا ہے کوئی کہے کہ اس کو معاف کر دینا درست ہو گا۔ نہیں اس کو قتل کریں اور اس کے بعد یہ اپنی معافی کے ثمرات اگلی دنیا میں سمیٹے۔ یہاں سزا ضرور ملنی چاہئے۔ جیسے 1984 میں یہاں ایک شخص نے یونیورسٹی میں ایک لڑکی پر ایسا حملہ کیا۔ اتنے سالوں بعد rehab میں اس نے حصہ لیا اور اس سال اس لڑکی کو ای میل کر کے معافی مانگی۔ لڑکی نے فوری طور پر پولیس کو اطلاع کی۔ ابھی چند دنوں قبل یہ سزا کاٹ کر باہر نکلا ہے۔ سزا ہر حال میں لازم ہے۔ سزا میں تخفیف اس بات پر ہوئی کہ لڑکی نے بیان دیا کہ اس کے خیال میں اس پر حملہ کرنے والے ایک سے زیادہ لوگ تھے۔ کیونکہ اس نے کافی پی رکھی تھی لہذا اس کو صحیح سے یاد نہیں۔

اس طرح آج قدیر نے ایک پوسٹ کی۔ مجھے تو اس کی سیریس ہونے کا اندازہ نہیں تھا یا میں شائد بےحس ہوں لیکن سبھی لوگ میرے سے پوچھ رہے تھے۔ تو مجھے لگا شائد زیادہ ہی کوئی مسئلہ ہے۔ میرا بالکل دل نہیں تھا کہ قدیر کو فون کروں کیونکہ پکی بات ہے کہ نمبر بند ہو گا یا پھر فون نہیں اٹھائے گا یا پھر بات نہیں کرے گا۔ ابھی کوشش کی تھی لیکن اٹھا نہیں رہا۔

قدیر اگر تم پڑھ سکو تو مجھے صرف اتنا کہنا ہے کہ مجھے نہیں علم کہ تمہارے ساتھ کیا ہوا ہے۔ تم میرے انتہائی نان سیریس روئیے کی وجہ سے کچھ نہیں بتاتے۔ لیکن میں جاننا چاہتا ہوں کہ کیا ہوا ہے؟ میں فورس نہیں کرتا۔ جب دل کرے بات کر لینا۔ حسب معمول میں ہی فون کر لونگا۔ لیکن تم میسج چھوڑ دو۔ میں یہ بھی نہیں کہتا کہ تم واپس آ جاؤ کسی کے آنے جانے سے دنیا کو فرق نہیں پڑتا۔ سب کام ایسے ہی چلتے رہتے ہیں۔

اگر تمہارا خیال ہے کہ تم روئے نہیں تو تم اپنے بلاگ پر روئے ہی ہو۔ چاہو تو چوڑیاں پہن کر رو لو چاہو تو انتظار کرو اور انسانوں کی طرح اپنا حساب برابر کرو۔ تمہارے سامنے بھی دو راستے ہیں۔ میں مشورے اچھے نہیں دیتا لیکن بہت اچھا listener ہوں۔

جذباتیت مجھے سخت زہر لگتی ہے۔ ہرقوم میں ایسے لوگ ہوتے ہیں جو مذہب کو اپنے اعمال کی justification کے لئے استعمال کرتے ہیں۔ ہو سکتا ہے۔ اسلام کے پیروکاروں نے کچھ ایسا کیا ہو لیکن تم اگر روٹ کو دیکھو تو اسلام سے زیادہ ٹریڈیشنل ہو گا۔ خیر جب موڈ ہو بتا دینا۔ سب تمہارے لئے پریشان ہیں اور جو پریشان نہیں وہ concerned ضرور ہیں۔ سوائے ایک میرے۔

اگر سادہ اور آسان الفاظ سمجھ نہیں آتے تو فون اٹھا لو بڑی مہربانی تمہاری۔ تمہیں تو پتہ ہے مجھے کتنی گالیاں آتی ہیں۔ نہیں تو میں آخری کارڈ بھی اپنی ساس پر خرچ کر لونگا۔