بدتمیز

کرسمس کو لے کر کافی لوگ پریشان ہو جاتے ہیں۔ پاکستان میں چونکہ یہ "چوڑوں" سے منسوب ہے لہذا اس کو ان کا "وڈا دن" کہا جاتا ہے۔ مجھے بھی کافی لوگ "چوڑا" ہی سمجھتے ہیں۔ لہذا فون اور ایس ایم ایس کر کر کے وڈا دن مبارک کہتے رہے ہیں اب یہ تو کوئی بات نہ ہوئی۔

ہمارے نبی صلی اللہ علیہ وآلہ وسلم کا فرمان ہے کہ تحائف سے محبت بڑھتی ہے۔ آپ میں سے کتنے لوگ ایسے ہونگے جو ہر سال اپنے تمام جاننے والوں کو تحائف دیتے ہونگے؟ کوئی ایک بھی نہیں۔ سالگرہ کو ذہن میں مت لائیں۔ سالگرہ یہاں بھی منائی جاتی ہے۔

کرسمس کی تیاریاں تھینکس گیونگ کے فورا بعد سے شروع ہو جاتی ہیں۔ سیلز لگ جاتی ہیں۔ اخبارات اور شاپنگ سینٹرز میں باقاعدہ کاؤنٹ ڈاؤن شروع ہو جاتا ہے کہ شاپنگ کے لئے کتنے دن باقی رہ گئے ہیں۔ براند نیم سٹورز کو چھوڑ کر باقی جگہوں پر سچ مچ سیل لگی ہوتی ہے۔ برانڈ نیم سٹورز پر سیل 50 فیصد کمی کے ساتھ لگی تو ہوتی ہے لیکن وہ سویٹر یا کپڑا پہلے ہی 60 ڈالر کی قیمت سے لگا ہوا ہے 50 فیصد کے بعد وہ 30 ڈالر بن جاتا ہے۔ اب یہ تو سیل نہ ہوئی نہ؟

کرسمس سپرٹ نام ہے خوش اخلاقی کا۔ لوگ میٹھے ہیں اور مزید میٹھے ہو جاتے ہیں۔ کرسمس پر خوش اخلاقی دیکھنے سے تعلق رکھتی ہے۔ ہمارے ہاں اس کا تصور عنقا ہے۔ سب لوگ کرسمس کی ٹوپی پہنے پھرتے ہیں۔ کچھ لوگ تو باقاعدہ کاسٹیوم پہنتے ہیں۔ تحائف کی خریداری ہو رہی ہوتی ہے۔ رشتہ داروں سے لے کر ساتھ کام کرنے والوں تک سب کے لئے گفٹ خریدیے جاتے ہیں۔ کچھ لوگ تو لسٹ بنا لیتے ہیں کہ اس میں سے جو دینا چاہوں دے دو۔ کرسمس کی اصل روح تحفہ ہے نہ کہ قیمت۔ آپ کی لسٹ میں کچن میں اوون سے چھیڑ چھاڑ کرنے والے گلوز سے لے کر چائے کے مگ تک شامل ہوتے ہیں۔ یا پھر کوئی پرس یا کسی ریسٹورنٹ کا گفٹ کارڈ۔ کبھی بھی قیمت کو لے کر رونا نہیں رویا جاتا۔ میں ایک دو ایسی لڑکیوں کو جانتا ہوں جو کہ ابھی بچہ کی جھنجھٹ سے آزاد ہیں لیکن ان کے بہن بھائی اس میں پھنسے ہوئے ہیں لہذا وہ سب کو گفٹ دیتی ہیں لیکن ان کو بہن بھائوں کی طرف سے کبھی نہیں ملے۔ انہوں نے کبھی اس بات کو ایشو نہیں بنایا کیونکہ ان کو علم ہے کہ وہ افورڈ نہیں کر سکتے۔

عام طور پر لاسٹ منٹ تک شاپنگ ہوتی رہتی ہے۔ کرسمس کی شام یعنی 24 دسمبر کو تقریبا سبھی لوگ اکٹھے کھانا کھاتے ہیں۔ اس کے بعد سونے چلے جاتے ہیں۔ تمام رات چراغاں کیا جاتا ہے۔ کرسمس ٹری سجایا جاتا ہے۔ جس کے نیچے گفٹس کا ڈھیر اکٹھا ہوتا ہے۔ صبح اٹھیں اور تحائف کھولیں۔ اور بس۔ کرسمس اس قدر بڑی چیز ہے جس کے پیچھے اس کی تمام تر اچھائیاں مسلمانوں کو نظر نہیں آتیں۔ آپ اپنے کسی بھی تہوار کو ایسے منا لیں کوئی اعتراض نہیں۔ لیکن آپ کے تقریبا سبھی تہوار غیر اسلامی ہوتے جا رہے ہیں اور لوگوں کی تکلیف کا باعث بنتے ہیں۔ لیکن چونکہ عقیدت انتہا کو پہنچی ہوئی ہے لہذا کچھ سننا گوارہ نہیں۔

لہذا چاہے آپ مسلمان ہیں یا عیسائی۔ چاہے تنگ نظر ہیں یا کھلے دماغ کے۔

merry Christmas every one

image taken from here

special thanks to sajid iqbal for pointing out the icons page here

Popularity: 62%