o_O بدتمیز

آپ ایک گوشت خور قوم میں سے ہوں۔ یعنی مسلمان آپ کا بچہ سکول میں کسی سے پٹ کر آئے آپ کیا نصیحت کریں گیں؟ عام طور پر ہم لوگ گھر میں غم و غصہ کا اظہار کرتے ہیں۔ نتیجتہ بچہ پر ایسا اثر ہوتا ہے کہ وہ مظلوم ہے اور اس کی مدد کو کمک پہنچنے والی ہے۔ اگر آپ کچھ زیادہ گوشت کھاتے ہیں تو بچہ کو ایک خود بھی لگا کر نصیحت کریں گے کہ دیکھو تم نے کیوں نہیں مارا؟ اگر گوشت تھوڑا کم کھاتے ہیں تو بچہ کو ایک لگا کر کہیں گیں اوئے تم اسکول لڑائی بھڑائی کے لئے جاتے ہو؟

امریکہ میں اسکولوں میں بچے پیدائش کے سال یا چھ مہینے بعد ڈال دئے جاتے ہیں۔ اسی لئے امریکہ اتنی ترقی کر رہا ہے۔ :d کچھ لوگ اس کو بے بی سیٹر یا ڈے کئیر سینٹر کہتے ہیں۔ میں اس کو اسکول ہی سمجھتا ہوں۔

امریکی اسکولوں میں بچے جب تک کھلونوں سے کھیل سکیں بہت اچھے رہتے ہیں۔ لیکن جلد ہی ایک دوسرے کو کھلونا سمجھنے لگتے ہیں۔ تب بہت لڑائیاں کرتے ہیں۔ اور یہ وہی عمر ہے جب آپ کا بچہ پٹ کر آتا ہے اور آپ اوپر دی گئی نصیحتیں کرتے ہیں۔ یہاں بچے کو لڑائی بھڑائی کا درس نہیں دیا جاتا بلکہ صورتحال کو خود فیس کرنے کا درس دیا جاتا ہے۔ نتیجتا بچے خود کو مظلوم نہیں سمجھتے۔ اور اپنے مسائل کو گائیڈینس سے حل کرنے کی کوشش کرتے ہیں نہ کہ بروقت کمک منگوا کر۔

دو موویز اس ہفتے بہت اچھی لگیں۔ ایک تھی how to eat fried worms.  اس میں ایک بچہ اپنی فیملی کے ساتھ ایک نئے شہر میں move ہوتا ہے۔ یہاں اس کو نئے اسکول میں اسقدر ویلکم نہیں کیا جاتا جس قدر اس کو توقع تھی۔ الٹا یہاں اس کو بچوں کے ایک bully گروہ سے پالا پڑتا ہے جس کے سرغنہ کو وہ کہہ دیتا ہے کہ میں کینچوے کھاتا رہتا ہوں اور نتیجتہ اس کی شرط لگ جاتی ہے اور سارا دن وہ کینچوے کھاتا رہتا ہے۔

سب سے اچھی بات اس فلم میں بچے کو پورے گروہ سے مقابلہ کرنا پڑتا ہے۔ اس میں کوئی مار دھاڑ نہیں۔ حتی کہ آخر میں جب شرارتی بچہ کا بڑا بھائی اس کے شرط ہارنے پر پہنچتا ہے اور چاہتا ہے کہ اس کو مارے اور آپ کا دل بھی چاہتا ہے کہ اس کے منہ پر کم از کم ایک تھپڑ تو پڑ ہی جائے تب سب بچے اپنے دوست کو بچانے کے لئے اپنے سے کئی گنا بڑے لڑکے کے سامنے جم جاتے ہیں۔ یہ اعلی اقدار سمجھانے کی بہترین مثال تھی۔ فلم کے آخری مناظر جہاں بچہ اعتراف کرتا ہے کہ اس نے بےایمانی کی تھی اور دس کے بجائے صرف نو کینچوے کھائے تھے۔ اس کے بعد جو ہوتا ہے وہ بچوں سے زیادہ ہمارے بڑوں کو سمجھنے کی ضرورت ہے۔

دوسری فلم تھی the princess bride یہ ایک کلاسیکل فیری ٹیل ہے۔ اور اس میں شہزادی سے لے کر دیو تک سبھی شامل ہیں۔ بچوں کے لئے کافی دلچسپ کہانی ہے اس میں بھی تشدد نہ ہونے کے برابر ہے۔ صرف اس قدر جس سے بچوں کے دل میں رحم جاگ اٹھے۔ زیادہ تشدد بچوں کے دل سخت کر دیتا ہے۔ فلم کے آخر میں جہاں آپ کے حساب سے شیطان کے چرخہ شہزادے کو قتل کر دینا چاہئے وہاں اس کو صرف کرسی پر باندھ دیا جاتا ہے۔ اور شہزادی اپنے ہیرو کے ساتھ ہنسی خوشی زندگی گزارتی ہے۔

بچوں کا ادب اور ان کے لئے بنائے جانے والے کھیل، فلمیں۔ ایک پوری سائنس ہیں۔ ہم جب تعلیم کی بات کرتے ہیں تو تعلیم کا مطلب اسکول بھیج کر ڈیوٹی پوری کرنا نہیں ہے۔ اس میں ہر انسان ہر جگہ شامل ہے۔ چھوٹی سی مثال ہے کہ ہم بچے کو کسی کے کچھ دینے یا سروس فراہم کرنے پر کہتے ہیں کہ تھینک یو بولو یا خود کہتےہیں اس سے بچہ کو آرڈر لینے کی عادت پڑ جاتی ہے کہ آرڈر ملے گا تو کرنا ہے۔ یہاں بچہ کو سیکھایا جاتا ہے پھر جب اس کو سمجھ لگ جائے تو ہر دفعہ ایسے کسی موقع پر بجائے آرڈر دینے کہ شکریہ بولو اس سے پوچھا جاتا ہے کہ آپ کو اب کیا کہنا چاہئے اور چھوٹے چھوٹے بچہ فٹ تھینک یو کہنے لگ جاتے ہیں۔ بچے کو آپ اپنے لئے مفید ٹول بھی بنا سکتے ہیں یا اپنے خلاف ایک ہتھیار بھی۔