بدتمیز

کچھ لوگوں کا خیال ہے کہ مغرب میں عورت کو انسان سمجھا جاتا ہے یا بہرحال وہاں حالات قدرے بہتر ہیں اور عورت کو اتنا نہیں گھورا جاتا ہے۔ اس طرح ایک تھیوری یہ ہے کہ شائد نوعمری کی شادی یا نوعمری میں جنسی جذبات کی تسکین اگر فراہم ہوں تو لوگ ایسا نہ کریں۔ یا یہ کہ ملا کے زیر اثر ایسے گھرانے جو کہ اپنی خواتین کو تعلیم نہیں دیتے کہ بچے زیادہ ایسے کاموں میں ملوث ہیں۔ میرے خیال سے یہ misconceptions ہیں۔< ?xml:namespace prefix = o ns = "urn:schemas-microsoft-com:office:office" />

مجھے آجکل کافی مشورے وصول ہو رہے ہیں۔ بندہ چپ ہو تو یہی ہوا کرتا ہے۔ ایک صاحب کافی عالم فاضل ہیں لیکن افسوس دو تین جگہوں پر کچھ لکھا گیا تھا اور اپنے علم کے باوجود اصلاح نہیں کر سکے اور ان کا فرمان ہے کہ ایک عرصہ باہر گزارو تو میرے ہم پلہ ہو سکو گے۔ خیر لگتا ہے یہ بدوؤں میں رہائش پذیر ہیں اور بس تین پانچ تین پانچ کرنا جانتے ہیں۔

ملا والی تھیوری سے میں قطعا متفق نہیں۔ اگر ملا مرد کو تعلیم حاصل کرنے جانے دیتا ہے لیکن عورت کو روکتا ہے۔ تو مرد صاحب تو تعلیم حاصل کر آئے وہ کس خوشی میں گھور رہے ہیں؟ اور اگر یہ پوائنٹ ہو کہ عورت تعلیم حاصل کر کے بہتر تربیت کرے گی تو تعلیم تو وہی ہے جو مرد کو دی گئی پھر بھی مرد گھور رہا ہے۔ اور اس کا مطلب سبھی دیہات جہاں خواتین ناخواندہ ہیں کے بچے اوباش اور لچے لفنگے نکلنے چاہئے۔ جبکہ ایسا نہیں ہے۔ حالانکہ دیہات میں شہروں کی نسبت ملا کا زور زیادہ ہے۔

اس سے کم از کم یہ تو ثابت ہوتا ہے کہ بہت سے لوگ تعلیم کا مقصد اس فرسودہ اور روایتی نظام کو لے لیتے ہیں جس کے سبھی مخالف ہیں جو کہ 40 سیپارے پڑھانے والے منسٹر صاحب کی زیرنگرانی بخوبی چل رہا ہے۔ جبکہ تعلیم کا مقصد انسان کو انسان بنانا ہے نا کہ جانور۔

اس طرح نو عمری کی شادی یا تعلقات میرے خیال سے ہمارے معاشرے کے لئے قابل عمل نہیں۔ پہلی بات ہمارے معاشرے میں قانون کی علمداری نہیں۔ پولیس کچہری کے چکر چھوڑ کر بھی ہمارے معاشرے میں گھروں میں مرد کسی ضابطہ کے پابند نہیں۔ پھر comparison اس بنیاد پر ہے کہ مغربی ممالک میں جنسی تسکین جلد حاصل کر لی جاتی ہے۔ حالانکہ یہ ٹرینڈ اب ختم ہو رہا ہے بلکہ ٹی وی پر ماضی کی نسبت اب اشتہارات دیکھائے جا رہے ہیں جس میں safer sex کے بجائے اس کو شادی تک موخر کرنے پر زور دیا جا رہا ہے۔

مغرب میں چھوٹی عمر میں سیکس کا ٹرینڈ اب ختم ہو رہا ہے۔ بہت سے لوگ اس کو موخر کر رہے ہیں۔ اور اگر یہ بات کہ چھوٹی عمر میں جنسی تسکین سچ ہو تو امریکہ تو ہے ہی سیکس فری ملک۔ یہاں پر ریپ کی ریشو ہر آٹھ منٹ بنتی ہے۔ (لنک فراہم کرنے کے لئے زکریا کا شکرگزار ہوں۔) امریکی معاشرے میں انصاف ملتا ہے لیکن اس کے لئے پہلے آپ کو مظلوم بننا پڑتا ہے۔ عورت کو اگر انصاف مل بھی گیا تو اس کی عزت تو گئی۔

پاکستان یا ایشیا میں مرد عورت کے تعلق کا مطلب ساری زندگی کا ساتھ نبھانا ہے اور بہت کم لوگ اس کو توڑنے کی کوشش کرتے ہیں۔ عام طور پر کوشش یہی ہوتی ہے کہ اس کو بچایا جائے۔ جبکہ مغرب میں چھوٹی عمر سے ہی سیکس شروع ہوا اور ساری زندگی پارٹنر بدلتے رہے۔ گرل فرینڈ کے لئے sky is the limit کا نعرہ عام ہے۔ ساتھ ختم کرنے کے لئے نہ تو کسی valid reason کی ضرورت ہوتی ہے نہ بچے تک دیوار بن سکتے ہیں۔ بوریا بستر سمیٹیں اور اگلے گھر۔ جبکہ یہ ہمارے معاشرے میں ممکن نہیں۔ اول آپ Move on نہیں ہو سکتے لہذا پہلی خاتون کی شامت آ سکتی ہے کہ آپ کی پہلی شادی ہوئی 18 سال کی عمر میں دس سال بعد آپ 28 کے ہیں اور کردار اس قدر مظبوط نہیں لہذا پہلی خاتون کو فارغ کریں اور نئی کر لیں۔ دنیا کو کیا پتہ چلے گا؟ دوسرے بہت سے لوگ دوسری شادی کو پسند نہیں کرتے لہذا شادی شدگان کے پاس من چاہی خاتون حاصل کرنے کا کوئی ذریعہ نہیں۔ ویسے بھی مرد حضرت دل ہاتھ پر لئے پھرتےہیں اور صبح سے شام تک کتنی خواتین کے لئے یہ دھڑک پڑتا ہے۔

مغرب میں عورت کو انسان سمجھنا۔ عورت کو کچھ لوگ کھلونا سمجھتے ہیں اور کچھ مشین۔ عورت مرد کے شانہ بشانہ جنگ لڑ رہی ہے اور اس کا کیا حال ہو رہا ہے یہ بہت سے لوگ نہیں دیکھ سکتے۔ ہر معاشرے کے طور طریقے اور اس کی اقدار مختلف ہوتی ہیں۔ ہم مغربی معاشرے کو صحیح طور سمجھتے نہیں۔

مغرب میں مرد عورت اکٹھے ہوں تو اس کا مطلب ہے کہ وہ دونوں ساتھ ہیں یعنی عورت available نہیں اس کے پاس مرد ہے۔ اکیلی خاتون کو کوئی بھی مرد کہیں بھی اپروچ کر سکتا ہے اب وہ کسی کام سے ہو تو بتا دیتی ہے کہ  I have a man نہیں تو نمبرز کا تبادلہ ہو جاتا ہے۔ ہمارے معاشرے میں مرد عورت کا ساتھ عام طور پر مرد as a protector to woman کے طور پر دیکھا جاتا ہے کہ بھائی بند ہے لہذا خاتون کو دیکھو۔ یا اگر ہو کہ خاتون ڈیٹ پر ہیں تو اس کا مطلب صحیح نہیں کیونکہ ان کو کسی سے محبت کرنے کا حق حاصل نہیں لہذا شریف نہیں۔ حالانکہ بات صرف اتنی ہے کہ وہ خاتون آپ کے لئے available نہیں اور آپ کو تکلیف بھی نہیں ہونی چاہئے۔

بنیادی طور پر ہم دیسی اس بات کو نہیں سمجھ سکتے کہ مرد عورت کے درمیان سیکس کے علاوہ بھی کوئی تعلق ہو سکتا ہے۔ “زندگی بھر ساتھ نبھانے” کے ہی تعلق سے تان شروع ہو کر اسی پر تان ٹوٹتی ہے۔ لہذا مرد حضرات بخوشی گھورتے اور چار سے ایسا وعدہ کر سکتے ہیں جبکہ خواتین کا اصول ان کا مرد صرف ان کے لئے ہے نتیجتا ابھی ایک بڑی دلچسپ تھیوری تھی کہ مرد ایک endanger species ہیں اور دنیا میں خواتین کی تعداد بڑھ رہی ہے بلکہ ساتھ ساتھ مرد کی مدد کے بغیر ہی حاملہ ہونے کا رجحان بڑھ رہا ہے۔

زکریا کا خیال ہے کہ لباس اتنا اہم فیکٹر نہیں ہے لیکن میں نے دیکھا ہے کہ اگر خاتون اپنے ساتھی کے ساتھ مناسب لباس میں ہے تو اس کو کوئی نہیں گھورتا لیکن اگر خاتون کا لباس عامیانہ ہے تو خاتون کو سبھی گھورتے ہیں اور تب جا کر خاتون شریفانہ کردار کی نہیں سمجھی جاتی جبکہ اقدار کے difference کی وجہ سے ہمارے معاشرے میں اپنے کسی دوست کے ساتھ باہر خاتون شریف نہیں سمجھی جاتی لہذا گھور کر ثواب آخرین کمایا جاتا ہے۔

ویسے سبھی مرد گھورتے ہیں کچھ اپنے لئے اور کچھ اپنے برخودار کے لئے