Photosynth

میں نے کچھ عرصہ پہلے لکھا تھا کہ اگر اب سرچ انجن تصاویر کو روایتی طریقے یعنی ٹیکسٹ کے ذریعے ڈھونڈنے کی بجائے خود تصویر سے معلومات حاصل کر کے اس کو ڈھونڈ سکیں تو کتنا اچھا ہو۔ کیونکہ ہو سکتا ہے آپ ایفل ٹاور کی تصاویر مینار پاکستان لکھ کر پوسٹ کر دیں اور اب اچھا بھلا ایفل ٹاور پھول بن کر کھڑا ہو۔

مجھے تصاویر لینے کی عادت ہے۔ ہر وقت کلک کلک ہوتی رہتی ہے۔ کسی جگہ خاص طور پر گھر کے اندر کبھی کبھی میں ایسے لیتا ہوں کہ پورا گھر کور ہو یعنی اگر آپ نے کسی کو بھیجنی ہو تو اس کو گھر کا مکمل نقشہ سا نظر آئے۔ اس کے لئے میں اول تو چار سائیڈز سے کسی بھی کمرے کی تصویر لازمی لیتا ہوں۔ یا کم از کم تین جگہوں سے۔ اس کے علاوہ بھی اگر گھر کا درمیانی حصہ ہو تو اینگلز چار سے زیادہ ہو جاتے ہیں۔

اب آپ imagine کریں کہ آپ نے گھر کی 100 تصویریں لیں۔ یہ تصویریں دیکھ کر صرف آپ ہی فورا بتا سکتے ہیں کہ کونسی تصویر کہاں کی ہے۔ کسی کو بھیجھیں گیں تو وہ اچھا خاصا وقت لیں گیں سمجھنے میں۔ یا پھر آپ تصاویر پوسٹ کر کے ان کے کیپشن لکھیں۔ پھر اگر آنلائن ہو تو ساتھ ساتھ ان کو بتاتے جائیں یہ ڈائنگ روم ہے سامنے کچن اور الٹے ہاتھ پر لاوئنج ہے۔

اگر آپ کے پاس ایسا طریقہ ہو کہ سبھی تصویریں اس ترتیب سے لگ جائیں کہ آپ اس کا تھری ڈی منظر دیکھ سکیں تو آپ شائد کہیں کہ اس کی کیا ضرورت ہے ویڈیو بناؤ اور پوسٹ کرو۔ یا اگر ڈائل اپ کا خیال کریں تو شائد کہیں کہ گوگل میپس پر موجود سٹریٹ ویو جیسا کام کر لو۔

اب اگر ایسی ٹیکنالوجی ہو کہ اگر نہ صرف تصویروں کو دیکھ کر پہچانا جا سکے بلکہ ان کو جوڑا بھی جا سکے تو کتنا زبردست ہو؟ یعنی آپ 100 کی 100 تصویریں اس سافٹ وئیر کو دیں یہ ان کو خود ہی analyze کر کے ان کو ترتیب دے دے۔ کیا ایسا ممکن ہو گا؟ ایسا ممکن ہو چکا ہے۔ میں ابھی کچھ ڈھونڈتے ہوئے اس تک پہنچا ہوں۔ اور بہت کمال چیز بنی ہے۔ بس ابھی تک پبلک کے استعمال کے لئے نہیں یعنی مجھے تصاویر لے کر ان کو اس کے ذریعے جوڑنے کے لئے انتظار کرنا ہو گا۔

جو کچھ میں نے کہا وہ اگر سر کے اوپر سے گزر گیا ہو تو اس کو visualize یہاں دیکھا جا سکتا ہے۔ اب مجھے یہ علم نہیں کہ یہ سب ان تصاویر کو سافٹ وئیر کے ذریعے جوڑا گیا ہے یا جو کچھ میں نے بیان کیا ایسے ہی ان کے ذہن میں خیال تھا اور لوگوں کو بہتر طریقے سے سمجھانے کے لئے یہ پریزینٹیشنز بنائی گئیں۔

اس کو انسٹال کرنے کے لئے آپ کے پاس ونڈوز ایکس پی یا وسٹا کا انسٹال ہونا ضروری ہے۔ فائل سائز 6+ میگا بائیٹ ہے اور بہتر سپیڈ والا کنکشن چاہئے لیکن اگر صبر کر سکیں تو جب میں پاکستان میں ہوتا تھا تو رات کو فلیش فائلز وغیرہ دیکھتا تھا ایک اس وقت ڈائل پر سپیڈ اچھی مل جاتی تھی دوسرے آپ ٹی وی دیکھتے رہیں جب تک یہ لوڈ ہو۔ بہرحال میں recommend کرونگا کہ جہاں آپ اتنا کچھ دیکھتے ہیں اس کو ضرور دیکھیں۔

Microsoft Photsynth

System Requirements

Collections

Popularity: 14% [?]