o_O بدتمیز

فلو، ساری رات کھانسی کے بعد آپ کا کیا حال ہو سکتا ہے؟ بہت برا۔ بس اسی برے کے ساتھ ساتھ میں سوچ رہا تھا کہ ricky hatton یا floyd mayweather کو اگر کھانسی ہو جائے تو وہ کیا کریں گیں؟ فائیٹ کینسل ہو تو سکتی نہیں تو پھر تو بندہ بہتر ہو کر بھی ہارتا ہی ہو گا؟

اس کے بعد میں اپنا فیورٹ کام یعنی کارٹون لگا کر بیٹھ گیا۔ کھانسی کے بارے میں میرا خیال ہے کہ یہ اس لئے زیادہ آتی ہے کہ آپ کے پاس دھیان بٹانے کو کچھ ہوتا نہیں۔ ٹی وی لگا کر بیٹھ جائیں یہ غائب۔ سونے لیٹیں تو کمبخت پھر حاظر۔ میں نے پچھلے ہفتہ دعویٰ کیا تھا کہ زکام سب سے برا ہوتا ہے۔ کھانسی نے سن لیا بس اس ہفتہ کا دعویٰ ہے کہ کھانسی سے بدتر شے کوئی نہیں۔

کھانس کھانس کر جب بہت برا حال ہو گیا تو مجھے ایک دم یاد آ گیا کہ میں نے ایک meme شروع کرنا تھا جس میں لوگوں سے پوچھا جائے کہ ان کا vision کیا ہو گا اگر وہ صدر بن جائیں؟ ابھی نئے سال کی ریزولیشن کا بھی شور مچ جانا ہے جس میں سبھی نے کامیابی کے اعلان کرنے ہیں اور میں نے پڑھ پڑھ کر اپنی ناکامی پر ماتم کرنا ہے۔

میں نے کسی کو کہا میں نے صدر پاکستان بننا ہے۔ اس نے آگے سے کہا کہ پھر تم بھاڑ میں جاؤ اتنے پاگلوں والے کام کرنے ہیں۔ بس مجھے فورا خیال آیا کہ وہ کونسے ایسے کام ہیں جو مجھے پسند ہیں لیکن آتے پاگل پن کے زمرے میں ہیں۔ لسٹ بناتے ہیں۔ پاگل پن اس لئے کہ یہ سبھی ناممکن ہیں۔

پہلی بات جو میرے دماغ کا بچپن سے خناس ہے وہ ایک بڑے 18 سے 22 پہیوں والے ٹرک کو چلانا ہے۔ طاقت کا ایک مظہر؟ پتہ نہیں لیکن چلانا ہے۔ میں سمجھتا تھا کہ اب نیو سیکیورٹی رسکس کی وجہ سے cdl یعنی بڑے ٹرک چلانے کا لائسنس نہیں ملتا ہو گا لیکن ابھی میرے دو جاننے والوں نے لیا ہے۔ مسئلہ یہ ہے کہ ایک دفعہ چلانے کا شوق پورا کرنے کی خاطر کون $5k خرچ کرے؟

چلانا بھی ایک مخصوص والا ہے۔ وہ نہیں جس کا انجن سیٹ کے نیچے ہوتا ہے وہ والا جس کا آگے ہوتا ہے۔ یعنی sever والا۔

مردوں کو عورتیں، گنز، گیجیٹس کاریں اور تباہی پسند ہوتی ہیں۔ اگر کسی کو شبہ ہو تو میرا خیال ہے یہ اعتراض کسی خاتون کی ہی طرف سے آیا ہو گا۔ آہم آہم۔

اکثر خواتین مجھے سخت زہر لگتی ہیں۔ اکثر سے مراد جنہوں نے میری بدتمیزی کی سند پر مہر ثبت کی ہوئی ہے۔ اکثر اس لئے کہ بہرحال میں gay نہیں ہوں :p پاکستان خواتین میں کیا پسند ہے اس کو چھوڑ دیتے ہیں امریکہ میں میرے خیال سے سرخ بالوں اور بھاری آواز والی خواتین مجمع میں بھی نظر آ جاتی ہیں کہ یہ ہونگی مرد مار قسم کی۔ جیسے the 70s show  کی laura prepon یا پھر wwe کی lita۔ بلونڈ حسینائیں دور سے ہی پیاری لگتی ہیں پاس سے کچھ اور ہی ہوتی ہیں۔ ہاں اگر hillary duff کی طرح کسی نے بال سنہری ڈائی کئے ہوں تو اور بات ہے قسم لیں لیں جو میں دونوں میں سے کسی بھی قسم کے نزدیک گیا ہوں۔ ہمیشہ بیچ میں ٹیلیوژن سکرین آ جاتی ہے۔

گنز۔ بارہ بور کی ڈبل بیرل رائفل بھی کیا کمال شے ہوتی تھی۔ اب تو یہ ہوتی ہی نہیں۔ چھوٹے چھوٹے مہلک ہتھیار ہیں لیکن میرا دل تو اٹکا ہی اس پرانی رائفل پر ہوا ہے جو چلانے کے تو نہیں لیکن دیوار پر ٹانگنے کے ضرور کام آ سکتی ہے۔ اب تو طالبان تک انڈیا سے درآمد اسلحہ استعمال کر رہے ہیں نہیں تو ان میں سے ہی دو چار کو مار کر ان سے چھین لاتے۔ اس رائفل سے گولی آگے اور بندہ پیچھے جا پڑتا تھا۔

گجیٹس میں مجھے صرف وہی پسند ہیں جو فون کے ساتھ ہوں۔ اس کے بغیر نہیں لیکن ٹین ایج میوٹنٹ ننجا ٹرٹلز کی فرمائیشیں ہمیشہ فضول ترین گیجٹس کے لئے ہوتی ہیں۔ کسی کو ipod کسی کو psp اسی لئے یہ مرد نہیں teens ہوتے ہیں جیسے ipod کی جگہ اچھا سا 6 سی ڈی پلئیر ساؤنڈ سسٹم اور psp کی جگہ ps3 لیا جا سکتا ہے۔ لیکن آج کی نینو میٹر دنیا میں میرا پرانا مزاج کچھ زیادہ میچ نہیں کرتا۔

کاریں۔ مجھے بھاری بھرکم کاریں پسند ہیں۔ suv ٹائپ۔ شیورلیٹ کی نئی avalanche ابھی تک کافی اچھی ہے۔ tahoe کیبن کے ساتھ ہے لیکن یہ گاڑیاں تیل بہت کھاتی ہیں۔ مڈ سائز میں مجھے کیمری پسند آئی اور لے لی۔ Toyota Avalon پر نظریں ہیں لیکن اس کا ڈیزائن کچھ خاص پسند نہیں۔ اس سے بہتر تو ہنڈا اکارڈ کا ڈیزائین ہے۔

تباہی۔ ہمم میں صدر پاکستان بن کر ایوان صدر، وزیر اعظم ہاؤس، گورنر ہاؤس، پارلیمنٹ کے باہر کھڑی قیمتی کاریں۔ بیشتر وزرا اور جرنیلوں کے گھر تباہ کرنا چاہونگا۔ لہذا نہ میں صدر بنوں گا نہ اس کی نوبت آئے گی :d ویسے need for speed کھیل کھیل کر دل چاہ رہا ہے کہ ایک v16 انجن والی گاڑی فل سپیڈ پر چلا کر کسی اونچی سی چٹان سے 1000 فٹ نیچے سپاٹ زمین پر گرائی جائے اور دیکھا جائے کیسا محسوس ہوتا ہے یہ اور بات ہے کہ احساس کچھ زیادہ دیر نہیں رہنا بندہ کسی چیز سے ٹکرا کر نہیں دیکھ سکتا نہیں تو آپکا ہی نہیں دوسرے کا بھی نقصان ہوتا ہے۔

ایک اور خناس ہے وہ اس نیلی زمین کو خلا سے دیکھنے کا ہے۔ لیکن اگر اتنا پیسہ ہو تو کوئی بےوقوف ہی خلا میں جائے میں کچھ اور نہ کر لوں :p جیسے ایک اسکول اور ہاسپٹل بنانا میرے شیخ چلی والے منصوبوں میں شامل ہے۔ ایک اور خناس برمودا ٹرائی اینگل پر فلائی فرمانا ہے۔ وہاں ڈائنو سار یا خلائی مخلوق ملے نہ ملے موت ضرور ملے گی لیکن پتہ تو چل ہی جائے گا نہ کہ وہاں ہے کیا؟

اگر کسی ایک سپر ہیرو کی طاقت آپ کو دی جا سکے تو آپ کیا منتخب کریں گیں؟ میں شائد دی ماسک کا ماسک لے لوں۔ نہیں تو انویزیبلٹی بھی اچھی چیز ہے یا پھر manimal سب کے سب ناممکنات میں۔

ایک اور خناس صحرا کے کنارے رہنے کا ہے۔ کنارے پر اس لئے کہ بہر حال بیچ میں جا کر مرنا نہیں صحرا میرے خیال سے سب سے زیادہ attractive ہوتا ہے۔

ایک اور مزے کی فضول حرکت جو میں کرتا ہوں وہ آجکل ٹمپریچر کم سے کم والا سیلسئیس اور زیادہ والے فارن ہائیٹ میں بتاتا ہوں لہذا لوگ کافی پریشان ہو جاتے ہیں۔ فورا پوچھتے ہیں منفی فارن ہائیٹ؟

سب سے بڑا خناس مرنے کا ہے۔ یعنی مر کے دیکھا جائے۔ اب عاشق تو بندہ ہو نہیں سکتا کہ کسی خاتون کے چکر میں پڑے اور ان کے بھائیوں سے مرے۔ مرنے کا بعد کا منظر پڑھ کر بھی تسلی نہیں ہوتی :d اب مر کر دیکھ تو لیا لیکن سنا ہے بندہ پھر وہی پھنس جاتا ہے واپسی نہیں ہوتی لیکن میرا خیال ہے کہ مرنے کے بعد انسان لامحدود سٹیٹ میں داخل ہو جاتا ہے۔ ابھی تو تین چار حواسوں میں انسان قید ہے۔ پھر کچھ زیادہ آزادی مل جاتی ہے اگر میرے جیسے کام نہ کئے ہوں۔

اب میں کسی کو ٹیگ کیا کروں۔ بہت شرارت کروں تو سنجید بندوں کو ٹیگ کر دوں کہ آپ بھی لکھیں۔ لیکن ایک دفعہ میں نے بےوقوفی ماری کافی ڈھیر سارے بندوں کو ٹیگ کر دیا تو پتہ نہیں کس نے لکھا تھا کسے ٹیگ کروں کوئی بچا ہی نہیں؟ بس تب سے میں نے ٹیگ نہ کرنے کا عہد کیا ہوا لہذا پہلی دفعہ اس عہد کو قائم رکھتے ہیں۔ صدر بننے والے پر ٹیگ کرنے کا سوچوں گا۔ اگر کسی کو خود سے تحریک ہو تو لکھ ماریں کہ وہ کونی کریزی چیزیں ہیں جو آپ کو پسند ہیں یا کرنا چاہتے ہین۔

نوٹ: اگر اس پوسٹ کو پڑھنے کے بعد بدمزہ ہو گئے ہوں تو Brittney spears کا crazy سن لیں۔