o_O بدتمیز

مجھے آجکل فلو کے ساتھ ساتھ ایک اور بیماری ہو گئ ہے۔ فلو نے تو بے حال کر مارا ہے۔ لیکن اس دوسری بیماری نے شدید ذہنی ٹینشن دی ہے۔ ذہن تو آگے ہی بڑا کھسکا ہوا ہے۔ اب یہ نئی بیماری۔ اس کا نام ہے “میں فوبیا” قضیہ کچھ یوں ہے کہ ٹی وی یا کسی بھی رسالے میں صدر پاکستان کی تصویر یعنی still picture دیکھ کر بھی ایسے لگتا ہے جیسے یہ ابھی بول پڑے گی کہ میرے لئے سب سے پہلے میں ہوں پاکستان ہے۔ یہ تکرار اس قدر سن چکا ہوں کہ اب تو کبھی کبھی لگتا ہے کہ صدر امریکہ بھی کہہ ڈالیں گے کہ سب سے پہلے پاکستان۔
 کسی صاحب کو علم ہے کہ اس کے لئے کونسی گولی کھانی ہو گی؟ یا پھر گولے سے کام چلے گا؟ سنا ہے صدر پاکستان گولی کھلانے اور کروانے کے بڑے ماہر ہیں۔ ابھی 15  نومبر کی بھی گولی کروا دی۔ ستم تو یہ ہو گا کہ پی سی او کے تحت حلف اٹھانے والے سبھی جسٹس صدر کے خلاف فیصلہ دے کر اسی طرح سرخرو ہو جائیں جیسے باقی سب ہوئے۔ جیو سر اٹھا کر
ایمرجنسی کے نفاذ کے بعد صحافیوں پر جو تشدد ہوا میں چاہ رہا تھا کہ حکومتی کوریج بند کر دی جائے۔ کسی وزیر اور صدر کی تصویر بالکل نہ لائی جائے۔ بہت ناگزیر ہو تو صرف آڈیو سے کام چلایا جائے۔ مکمل بائیکاٹ۔ صدر پاکستان نے خود ہی ساری کوریج بند کروا دی۔ شائد نیگرو پونٹے کے آفٹر شاکس سے بچنا چاہ رہے تھے۔
جیو کے گرافک اینڈ ویب ڈیزائینرز کو اگر ہیری پوٹر فلم دیکھنے یا پڑھنے کا اتفاق ہو تو اس میں اخبار ڈیلی پرافٹ کا خاکہ یاد ہے؟ میں بہت عرصے سے چاہتا تھا کہ ایسا اخبار یہاں بھی موجود ہو جیو ساری ویڈیوز یو ٹیوب پر ہوسٹ کروا کر یا اپنے سرور پر ہوسٹ کروا کر ایسا ملٹی میڈیا اخبار بنا سکتا ہے جس کی ہر خبر کے ساتھ ویڈیو چل سکے۔
آپ یہ سب ائیر نہیں کر سکتے لیکن اپلوڈ تو کر سکتے ہیں نہ جیو کو اب اپنا سیٹ اپ اٹھا کر امریکہ یا یورپ میں لے جانا چاہئے جہاں کم از کم حکومت پاکستان ایسا دباؤ نہیں ڈال سکے گی۔ ویسے تھوڑی تھوڑی خوشی نہیں ہوئی کہ چلو دنیا میں کوئی تو بےوقوف ہے جو حکومت پاکستان کے دباؤ میں آتا ہے۔ نہیں تو حکومت پاکستان ہی اکثر دباؤ میں آئی رہتی ہے۔
صدر پاکستان جناب جنرل پرویز مشرف، ملک کو اندھا بہرا کانا اور destabilize کرنے کا بہت بہت شکریہ۔ سر سول وار شروع ہو چکی ہے۔ استعفیٰ دینے پر غور مت کریں دے دیں۔ براہ کرم ملک پر ایک اور جنرل مت لاد جانا۔ یقین مانئے اگر ملک جہاں ہیں جیسے ہیں کی بنیاد پر سیاستدانوں کے حوالے کر دیں بجائے یہ کہ کسی جرنل کو تحفہ دے جائیں قوم کچھ عرصے بعد آپ کے اس آخری احسان کی شکر گزار ہو گی۔
 
 

Popularity: 20% [?]