o_O بدتمیز

ایک ماہ بعد آج تین دن سے بارش ہو رہی ہے۔ کل بھی شائد بارش کا امکان ہے۔ ورجینیا میں اس سال drought رہا۔ یعنی اتنی بارش نہیں ہوئی جتنی ضرورت تھی۔ میں اکثر لکھا ہے کہ یہاں تین چار دن بعد تو بارش ہونا لازمی بات ہے۔ اس سال ذرا موسم تبدیل تھا۔ سائنسدان اس کو گلوبل وارمنگ سے جوڑتے ہیں۔

یہاں مصنوعی جھیلیں بنا کر ان میں پانی اکٹھا کیا جاتا ہے تا کہ آبادی کی ضرورت کے مطابق پانی میسر ہو۔ جیسے ابھی چند ماہ قبل ایک اسی جھیل بنانے کے لئے زمین خریدی اور اس پر مالکان سے گفت و شنید ہو رہی ہے جس کی ضرورت کم از کم بھی 30 سے 40 سال بعد ہو گی۔ میرے گھر سے نارتھ کی طرف چیسٹر کے لئے جو جھیل بنائی گئی تھی وہ اس وقت بنی تھی جب چیسٹر میں اس کی ضرورت تک نہ تھی اور اس کو دوسرے شہروں کے لئے آنے والے پانی سے پانی دیا جاتا تھا۔ آج یہ جھیل چیسٹر کو سرو کر رہی ہے۔

ورجینیا کے دریا یا ندیاں ساری مل ملا کر اٹلانٹک کی طرف نکل جاتی ہیں۔ کوئی ایک آدھ نیچے کیرولینا کے بارڈر کے ساتھ ہو تو ہو۔ لیکن جارجیا میں lake lanier کا پانی جاتا ہے نیچے الباما اور اس کے بعد فلوریڈا سے ہوتا ہوا خلیج آف میکسیکو میں۔

جہاں تک مجھے علم ہے یہاں پانی اور ڈیم سے متعلقہ کام آرمی کارپس کے انجنئیر کرتے ہیں۔ جارجیا نے پچھلے دنوں ان کو sue کر دیا یعنی عدالت میں مقدمہ کر دیا کہ یہ لوگ جارجیا کا پانی نیچے زیادہ بھیج رہے ہیں اس سے ان کو منع کیا جائے ساتھ ہی وائٹ ہاؤس میں بھی اس کے لئے اپیل کر دی کہ علاقے کو فیڈرل diseaster ایریا قرار دے کر آرمی کارپس انجنئیرز کو اس جھیل سے پانی کی فراہمی کم کرنے کا حکم دیا جائے۔ گورنر نے ایک پریس کانفرنس اس جھیل کے کنارے کی جس میں لوگوں کو صورتحال سے آگاہ کیا گیا۔

یہ مسئلہ سب سے پہلے 90 میں پیدا ہوا۔ بعد میں یہ مقدمہ عدالت میں چلتا رہا۔ اب پھر drought کے نتیجے میں زندہ ہو گیا ہے۔ اس قدر شدید صورتحال ہے کہ ماہرین کے مطابق ان کو 18 انچ تک بارش کی ضرورت ہے جو کہ رین سیسٹم (کولڈ فرنٹ کے کینیڈا کی طرف سے آنے اور اس کے نتیجھے میں moisture آنا اور بارش کا ہونا) سے ناممکن ہے اور اس صورتحال سے نبٹنے کے لئے اس سارے علاقے کو tropical سیسٹم کی ضرورت ہے جس میں بے حد بارش ہوتی ہے۔ اور وہ بھی ایک نہیں بلکہ کم از کم بھی دو۔ (ایک سے عام طور پر 8 سے 10 انچ تک بارش ہوتی ہے)

ادھر الباما کے گورنر نے اس لیک سے بہنے والے پانی پر چلنے والے اٹامک انرجی پلانٹ کے باہر پریس کانفرنس کی جس میں ان کا کہنا تھا کہ ایسے جھگڑوں کا فیصلہ وائٹ ہاؤس نہیں عدالت کرے گی۔ اس پانی میں کمی کے بعد اس پلانٹ کا چلنا ناممکن ہے۔

کل یہ سب پڑھ کر مجھے پاکستان کی یاد آ گئی جہاں دریائے سندھ کے کنارے بیٹھ کر فیڈرل کو للکارا جاتا ہے کہ کہاں ہے پانی؟ فرق صرف اتنا ہے کہ امریکہ میں رائے عامہ ہموار کرنا ہوتا ہے اور پاکستان میں اپنا الو سیدھا کرنا۔

ادھر کولوریڈو میں طوفان بہت تباہی مچاہتے ہیں۔ ان طوفانوں میں سب سے تباہ کن اولے یعنی زالہ باری ہے۔ اس سے نمٹنے کے لئے ایک پروگرام وضع کیا جس کو سٹیٹ فنڈنگ بھی ملتی ہے جس کے لئے ایسے طوفانوں جن سے خطرہ ہو کہ یہ زالہ باری میں بدل سکتے ہیں کو بارش میں تبدیل کر دیا جاتا ہے۔ اس کے لئے طیاروں میں بیٹھ کر ان بادلوں میں گھس کر سپرے کیا جاتا ہے۔ ابھی تک یہ متنازعہ ہے اور اس کی گارنٹی نہیں کہ اس کے نتیجے میں کمی یا کم تباہی ہوتی ہے کہ نہیں۔

اس قسم کے سبھی پروگرام دوسری جنگ عظیم کے بعد وضع ہونے شروع ہوئے۔ آج کسی بھی قسم کا سائنسی پراجیکٹ دیکھیں یہ سب کے سب دوسری جنگ عظیم کے بعد شروع ہوئے تھے۔ ہم اتنے سالوں بعد بھی شخصیت پرستی میں دھنسے ہوئے ہیں۔ اور کسی طرف دھیان ہی نہیں جاتا۔ بے حسی کی انتہا ہے۔

اب گلوبل وارمنگ گلوبل وارمنگ ہو رہی ہے۔ ایک عام پاکستانی کی طرح مجھے پکا یقین تھا کہ اگر یہ امریکہ کو تنگ نہیں کر رہی تو یہ اس کے خلاف کچھ نہیں کر گے۔ لسٹ میں موجود ان شہروں جن کو سمندر میں پانی کی سطح بلند ہونے سے خطرہ ہے میں سے ایک نیویارک ہے اور دوسرا لاس اینجلس، رہوڈ آئ لینڈ نے تو ابھی سے سمندر کی سطح بلند ہونے کے خلاف اقدامات شروع کر دئے ہیں۔

گلوبل وارمنگ ایک حقیقی خطرہ ہے جس کے خلاف اقدامات ہو رہے ہیں۔ لیکن اگر بہت دیر ہو چکی ہے (جیسے ہمارے جیسے ممالک کے لئے) تب بھی کچھ نہیں کیا جائے گا۔ اس کی وجہ یہ ہے کہ جب ہمالیہ کے گلیشئیرز پگھلیں گیں تب بہت پانی آئے گا۔ اس سیلاب کے ایک کنارے پر صدر پاکستان اور دوسرے پر بینظیر بیٹھ کر کہیں گے دیکھو کتنا پانی ہے اور کہاں ہے گلوبل وارمنگ؟ اور دوسری کہے گی سیلاب آ گیا حکومت کچھ نہیں کرتی۔ لیکن اس کے بعد جب گلیشئیر نہیں ہو گا تو پانی بھی نہیں ہو گا اور تب کچھ لوگوں کو سمجھ لگے گی کہ ایٹم بم چلانے کے لئے نہیں ہوتا۔

موسم اب تبدیل ہو چکے ہیں۔ 1990 تک ستمبر میں اچھی خاصی ٹھنڈ ہو جاتی تھی۔ اب دسمبر تک نہیں ہوتی۔ سائنسدانوں کا کہنا ہے کہ کم از کم 13 ہزار سال قبل اس قدر گرمی ہوئی تھی جتنی اب ہے۔ الگور نے اس سلسلے میں ایک ڈاکیومینٹری فلم بنائی تھی۔ اس کا نام an inconvenient truth ہے۔ میں ابھی تک یہ دیکھ نہیں سکا لیکن کچھ ٹریلرز دیکھے جو کہ انتہائی شاکنگ ہیں۔ ویڈیو سائیٹس پر سرچ کر کے اس کے ٹریلر دیکھیں۔ خاص طور پر اس کی سائیٹ پر ہوم پیج پر کچھ تصاویر۔ فکشن پسند ہو تو the day after tomorrow دیکھ لیں۔

امریکہ میں پانی کی جنگ عدالتوں میں اور عوام میں بیداری پیدا کر کے لڑی جائے گی۔ پاکستان کے اندر یہ مچھلی منڈی اور باہر شائد میدان جنگ میں لڑی جائے۔ بیجا پانی مت استعمال کریں۔ کل کو اسی کو ترسنا ہے۔

Popularity: 12% [?]