میری مسکراہٹ فورا غائب ہو گئی۔ چہرے پر ازلی بیزاری کے آثار نمودار ہو گئے۔ کافی معصومانہ سوال تھا۔ بینظیر ہیلی کاپٹر میں کیوں نہیں گئ؟ سوال پوچھنے والے تھے ایک انڈین۔ جواب کے منتظر لوگوں میں ایک ہجوم تھا۔ میں نے خود کو ایک لمحے کے لئے صدر پاکستان محسوس کیا۔ بالآخر کہا وہ اتنے سالوں بعد آئی تھی طاقت کا مظاہرہ کرنا چاہتی تھی۔ ساتھ میں سوچ رہا تھا کہ یہ سوال اگر یہ لوگ میرے ملک میں کریں تو وہاں ایک ہی جواب ملے گا۔ چیف جسٹس ایسا کر سکتا ہے تو بینظیر کیوں نہیں اور حیرت انگیز طور پر شام کو جب نعمان کا بلاگ دیکھا تو اس نے یہی لکھا ہوا تھا۔
یہ بات مجھے ہمیشہ بچگانہ لگی ہے۔ اسکول میں بچے کہتے ہوتے تھے مس اس نے کیا تو میں نے بھی کر دیا۔ کالج میں لڑکے کہتے ہوتے تھے فلاں کرتا ہے تو میں کیوں نہ کروں؟ اب بینظیر کہتی ہے چیف جسٹس کر سکتا ہے تو میں کیوں نہیں؟
کسی اور نے غور کیا کہ نہیں لیکن چیف جسٹس اور بینظیر میں زمین آسمان کا فرق ہے۔ چیف جسٹس کی گاڑی پر دو دو درجن بندے چڑھے ہوئے ہیں۔ بینظیر کے لئے (شائد بم پروف تھا جس کو یار لوگ راکٹ پروف کہتے رہے) مینارہ تھا۔ چیف جسٹس کے لئے ایسی سیکیورٹی کبھی مہیا نہیں کی گئی تھی۔ میں تبھی حیران ہوا تھا کہ بینظیر کے لئے جیالوں سے ٹکا ٹکا مانگ کر استقبال کی تیاری کی گئی تھی۔ اتنا بڑا بجٹ۔ چیف جسٹس نے کسی قسم کی بیان بازی سے گریز کیا تھا۔ بینظیر موچی سے لے کر نائی تک کے خلاف بیان دے چکی تھی۔
اخباری رپورٹ کے مطابق بینظیر کچھ ہی دیر پہلے نیچے گئی تھی نامعلوم صحیح یا غلط۔ اس بم دھماکے سے سب سے زیادہ کس کو فائدہ ہوا؟ بینظیر کی ساکھ اس کے بیانات کی وجہ سے بری طرح مجروح ہوئی تھی۔ بھٹو کو کیش کرانے کے لئے اس کی تقاریر کی ریکارڈنگ مسلسل “بج” رہی تھیں۔
مجھے ایسے واقعات پر کبھی سمجھ نہیں لگتی کہ “لاکھوں” کی “اسلامی فوج” میں سے “جنت” حاصل کرنے کے لئے ایک یا دو ہی بندے ہر واقعے پر کیوں ملتے ہیں؟ یہ کوئی دس بارہ کیوں نہیں بھیجتے؟ اور یہ لوگ ہمیشہ دھماکہ ہی کیوں فرماتے ہیں؟ شارپ شوٹر نام کی کوئی چیز ان میں پیدا نہیں ہوتی؟ اس کا مطلب تو یہ سب جھوٹ ہے۔ مرنے والا تو مر گیا اب کیا معلوم اس سے جنت کا وعدہ تھا یا “اہل و عیال” کی خیریت کا؟
جب معلوم ہے کہ جان کو خطرہ ہے تو بینظیر کو اس سارے ڈرامے سے کیا مطلب تھا؟ اگر وہ لوگوں کی جان و مال کی اتنی حامی ہے تو اس کو اس سب ڈرامے کو روک دینا چاہئے تھے۔ خود محفوظ جگہ چڑھی بیٹھی ہے اور معصوم لوگ مر رہے ہیں۔
جذباتیت اتار کر اگر سارے واقعے کا جائزہ لیں اور صرف یہ دیکھیں کہ اس دھماکے کا فائدہ کس کو ہے تو زیادہ مناسب ہے۔ اس کو تقویت اس بات سے بھی ملے گی کہ اگر یہ دعویٰ سچ ہے کہ نواز شریف کو بھی اگلے ایک دو ماہ میں وطن واپسی کی اجازت مل جائے گی۔ جو کہ اگر بیرونی دباؤ پر نہیں ہے تو بینظیر کو کاؤنٹر کرنے کے لئے بلاشبہ بہت زبردست چال ہو گی۔
ان لوگوں کی جن کی جان گئی۔ ان کا لہو ان کے اپنے لیڈر نے چوسا یا کسی اور نے۔ جذباتی لوگ تھے اور ان کا یہی انجام ہوا کرتا ہے۔ مجھے افسوس صرف ان لوگوں کے لئے ہے جو ڈیوٹی کر رہے تھے۔ جن لوگوں کا ماٹو ہی قائد کی آن پر قربان وہ اگر قربان ہو گئے تو جس کی انہوں نے تمنا کی پا لیا اس پر افسوس کیسا؟
بینظیر ایک عام سی عورت ہے جس کو بھٹو کی بیٹی ہونے کا اعزاز ہے اور جس کو کیش کروا کروا کر وہ اقتدار کے خواب دیکھ رہی ہے۔ بینظیر ملکی پریس کو کیا کہتی رہی نامعلوم میں بہت بزی تھا۔ لیکن یہاں کے اخبارات نے جو اس کے بیانات چھاپے یقین رکھئے بینظیر ہی اگلی وزیراعظم ہے۔ شارٹ کٹ عزیز اور میں جلد ایک ہی آسمان تلے ہونگے۔
مندرجہ بالا پوسٹ میں نے کسی بھی قسم کی جذباتیت سے بالاتر ہو کر بے لاگ رائے کے طور پر رکھی ہے بچگانہ یا بہت عقلمندانہ سے بالاتر اور صرف سمجھنے والی کی سمجھ پر منحصر کرتی ہے۔
Popularity: 9% [?]
Popularity: 9% [?]
284 views
Related Posts
- None Found
بہت خوب بدتمیز تم نے بالکل درست تجزیہ کیا ہے۔
ہم بھی آپ کے خیالات سے متفق ہیں
میں آپ کی پوسٹ کے چند نکات کا جواب دینا چاہوں گا۔ آپ نے درست فرمایا کہ میں نے اپنے بلاگ پر یہ بچکانہ بات کہی تھی کہ جب چیف جسٹس نے ہیلی کاپٹر استعمال نہ کیا تو بے نظیر کیوں کرتیں۔ غلطی یہ ہے کہ اس کی وضاحت نہ کی۔
بے نظیر کے استقبال کے لئے دس لاکھ لوگ جمع تھے۔ چیف جسٹس کے استقبال کو صرف وکلاء موجود تھے اور اگر انہیں فری ہینڈ بھی ملتا تب بھی دس ہزار سے زیادہ لوگ ان کے استقبال کو باہر موجود نہ ہوتے۔ کیوں کہ کراچی میں اور پنجاب کے سیاسی اور سماجی اینوائرنمنٹ میں کافی فرق ہے۔ یوں چیف جسٹس اگر ہیلی کاپٹر استعمال کرلیتے تو کوئی ہرج نہ تھا۔ ان جلسہ بقول ان کے حامیوں کے سیاسی نہیں تھا۔
جمہوری معاشروں میں سیاسی جلسے، ریلیاں، لیڈران کے عوام الناس سے خطابات رائے عامہ بنانے کا کام کرتے ہیں۔ اس لئے ان کا انعقاد بہت ضروری ہوتا ہے۔ اس لئے بے نظیر کا ہیلی کاپٹر نہ استعمال کرنا درست تھا کیونکہ آپ دہشت گردی سے ڈر کر اس سے کبھی نہیں لڑ سکتے۔
حکومت پاکستان نے، سندھ ہائیکورٹ نے، سندھ حکومت نے پیپلز پارٹی کو فول پروف سیکیوریٹی کی یقین دہانی کرائی تھی۔ بلٹ پروف آرمر خود کش حملوں سے بچاؤ کی یقین دہانی نہیں تھا۔ اگر تیسرا دھماکہ ہوجاتا تو شاید ہم بے نظیر کا سوگ منارہے ہوتے۔ بے نظیر نے آرمر کی چھت پر نصب بلٹ پروف شیلڈ کے پیچھے ایک لمحہ نہیں گذارا۔ جس طرح بے نظیر کو علم تھا کہ حملے کا امکان ہے اسی طرح میڈیا اور ان کے استقبال کے لئے آنے والے لوگوں کو بھی معلوم تھا کہ حملے کا امکان بہت زیادہ ہے۔ اس کے باوجود وہ سب لوگ وہاں موجود تھے۔ یا تو وہ سب لوگ بہت زیادہ بے وقوف تھے یا شاید وہ لوگ بہت زیادہ دلیر تھے۔ آپ چاہیں تو انہیں بے وقوف کہہ لیں۔ یا چاہیں تو جانثار، فرض شناس، جمہوریت پسند۔
بینظیر کے بیانات کی وجہ سے جو لوگ اس کے سخت خلاف تھے اب ان کی آواز کہیں سنائی نہیں دے رہی ۔ ہر طرف اس عورت کی مظلومیت کا چرچا ہو رہا ہے ۔ کیا خیال ہے یہ دھماکے بے نظیر نے خود تو نہیں کروائے؟
اپنی تو پھر وہی ایک ہی ڈفلی ہے بابو کہ اس بات پر غور کیوں نہیں کرتے کہ ہر شخص کو یہ خطرہ تھا کہ کچھ نہ کچھ ہوگا پھر بھی لوگ دیوانہ وار گئے۔ آخر وہ کونسا جادو ہے جو لوگوں کو کھینچ لاتا ہے؟؟؟
سلام
نعمان: اعداد وشمار کو ہم رہنے ہی دیتے ہیں۔ ہاں اتنا ضرور کہوں گا کہ ٓپ نے دونوں طرف کے اعداد بہت غلط بتائے ہیں۔
اچھا اسی لئے ایم کیو ایم کو ڈر کے مارے کنٹینر رکھ رکھ کر راستے بندے کرنے پڑے تھے اور اس پر ہی بس نہیں فائرنگ کر کر کے لوگوں کو قتل اور خوفزدہ کرنا پڑا تھا؟ صرف دس ہزار لوگوں کے لءے؟ یہ تو مذاق ہی ہوا۔
جمہوری معاشروں والی بات پر بھی دنیا کے کئی ممالک آپ سے متفق نہ ہونگے۔ امریکی یا چین یا روسی صدر ایسی ریلیوں کی لیڈ کرتے کیسے لگیں گیں؟ ویسے ایسی مثال تو تھڑڈ ورلڈ میں بھی نہ ہوگی۔
سندھ ہاءیکورٹ صرف احکامات جاری کر سکتی ہے۔ اس کی یقین دہانی؟ اگر وفاقی اور صوبائی حکومت فول پروف انتظامات اپنے اینڈ پر کر بیٹھی ہے تو پھر خلا کس طرف ہے؟ خود ہی کروا دیا کیا؟
اگر سوگ منانے والی کوءی بات ہوتی تو محترمہ آتی ہی نہ۔ میڈیا والے کورنگ کرنے پر کیوں مجبور تھے یہ تو سبھی جانتے ہیں۔
لوگ کیوں آئے تو کچھ قائد کی آن پر قربان ہونے آئے تھے اور کچھ کو گھیر گھار کر لایا گیا ہو گا۔ اور یہ وہاں ایک عام سی بات ہے۔
قدیر احمد رانا ملتانی: لگتا تو کچھ یونہی ہے اور بہت سےبڑے نام اس کی طرف اشارہ کر رہے ہیں۔
رضوان: دیوانہ وار۔، قاف لیگ کی پہلی جلسی ہوی تو برا شور مچا۔ بعد مین انکل نے بتایا کہ ٹارگٹ ملا تھا کہ اتنے بندے لاؤ نہیں تو جاؤ۔
کچھ لوگ اس وجہ سے بھی آجاتے ہیں کہ ان کا خیال ہوتا ہے کہ ہمیں کچھ نہیں ہوگا۔، یعنی کچھ نہ کچھ ہوگا ضرور لیکن ہم بج چائیں گیں تو بس بچ تو جاتے ہیں لیکن کچھ نہیں بچتے۔
ویسے میں تو ووٹ نہیں ڈالا کبھی۔ ٓپ کس کو ووٹ دالٹے تھے؟
دیکھا میرے تُکے کیسے فِٹ بیٹھتے ہیں ۔ سستی غالب ہے ورنہ میں بھی اس موضوع پر لکھتا ۔
ویسے وہ کون سے بڑے نام ہیں جو “میرے موقف” کی حمایت کر رہے ہیں
قدیر ان بڑے ناموں میں گجرات کے چوہدریوں کا نام بھی ہے۔ اور بے نظیر نے آپ کے لیے میرا مطلب ہے ان کے لیے کیا کہا ہے وہ بھی یہاں دیکھ لیں۔
سلام
ساجد اقبال اور میرا پاکستان: بہت شکریہ
قدیر احمر رانا ملتانی اور ماورا: بڑے ناموں کا کہا تھا ماورا نے چھوٹے نام گنوانے شروع کر دئے۔
بڑے ناموں میں دانشور اور کالم نگار ہوتے ہیں چودہری یا بی بی نہیں۔