o_O بدتمیز

اردو ٹیک پر اردو سیارہ کی طرز پر ایک feed aggregator بنا دیا گیا ہے۔ اس کی تنصیب میں زکریا اجمل کی قدم قدم پر رہنمائی اور صبر و سکون سے نااہلی کو برداشت کرنے پر میں ان کا بہت شکرگزار ہوں۔

اس کا ایڈریس http://www.urdutech.net/venus  ہے۔ ابتدائی کچھ عرصے میں اس میں کسی بڑی تبدیلی کا امکان نہیں۔ اس کے قائم ہونے کے بڑے محرکات میں اردو سیارہ کی پالیسی سے معمولی اختلاف اور اردو کے رنگ کے لوڈ ٹائم کی دقت کا مسئلہ تھا۔ اس کے علاوہ اردو ہوم ڈاٹ کام بھی ختم ہو گیا ہے ورنہ ان کا ایگریگیٹر بھی ایسا ہی کام کرتا تھا۔

اردو سیارہ کی پالیسی کچھ تبدیل محسوس ہوئی لیکن اس پر ابھی کوئی آفیشل ورڈ نہیں ہے۔ تاہم اردو سیارہ کی اہمیت اپنی جگہ مسلم ہے اور اگر وہ نئے بلاگز کو فورا شامل کرنے یا نہ کرنے کی بات پر نظر ثانی کر سکیں تو یقینی طور پر نئے بلاگرز کی حوصلہ افزائی کے لئے اہم قدم ثابت ہو سکتا ہے۔ تام اس دوران وینس اس کمی کو کسی حد تک پورا کر سکتا ہے۔

اردو ٹیک پر ہی قدیر نے یہاں ایک اور فیڈ ایگریگیٹر بنایا تھا۔ اسی طرح اردو ہوم والوں نے شائد ورڈ پریس پلگ ان سے اپنا بلاگستان بنا رکھا تھا۔ میری قدیر، خاور اور پردیسی سے گزارش ہے کہ اگر وہ اپنے اپنے سافٹ وئیر کی انسٹالیشن کا تفصیلی ٹیوٹوریل لکھ کر مہیا کر سکیں۔

اردو ٹیک پر بلاگنگ سروس بھی شروع ہو چکی ہے۔ اس پر قدیر، ساجد اور محب کی محنت کے باعث کافی تھیمز جمع ہیں۔

اردو ٹیک بلاگز کے بارے میں دو باتیں بہت اہم ہیں۔ ایک کونٹینٹ صرف اردو میں ہوں۔ انگلش اور اردو کا ratio 3:1 سے کسی صورت زیادہ نہ ہو۔ یعنی صرف 25 فیصد پوسٹس انگلش میں ہونے کی اجازت ہے۔

دوسرے کسی بھی پوسٹ میں تین سے زیادہ امیجز شامل نہ کریں۔ ocassionally تصاویر پوسٹ کرنے پر کوئی اعتراض نہیں لیکن پوری پوری البمز شائع کرنے پر فائلز ڈیلیٹ کر دی جائیں گی۔

اردو ٹیک پر وکی کا اجرا بھی کر دیا گیا ہے۔ لہذا آپ اردو میں کوئی آرٹیکل یا ٹیوٹوریل چاہیں تو شامل کر سکتے ہیں۔

اردو ٹیک کا آفیشل بلاگ بھی بنایا جا چکا ہے جس کے لئے ورڈ پریس کی جگہ مووایبل ٹائپ استعمال کیا گیا ہے۔ ورڈ پریس کو اردو بلاگرز نے بہت استعمال کر لیا۔ میرے خیال سے اب اردو بلاگرز نئے پلیٹ فارمز کی طرف توجہ کریں۔ میں نے جب 2003 میں بلاگنگ شروع کی تھی تب کچھ ہی عرصے میں کافی پلیٹ فارمز دیکھے تھے۔ مثال کے طور پر pivot. اگر اردو بلاگرز اب صرف ورڈ پریس پر پبلشنگ کرنے کے مزید پلیٹ فارمز کو بھی اردو بلاگنگ کے قابل بنانے پر کام کر سکیں تو بہتر ہو گا۔

یہاں پر یہ چارٹ کافی پرانا ہے لیکن دیکھا جا سکتا ہے کہ کتنے بلاگنگ پلیٹ فارم مہیا ہیں۔ اسی طرح یہاں پر ہوسٹڈ بلاگنگ پلیٹ فارمز کی چھوٹی سی لسٹ ہے۔ اردو بلاگر بیشک ورڈ پریس کو آفیشل ہی اپنا بلاگ بنائے رکھیں لیکن ان دوسرے پلیٹ فارمز کو بھی لوکلائز کرنے پر اگر توجہ دیں تو بلاگنگ کو کافی بوسٹ ملنے کی توقع ہے۔ ساتھ ہی ساتھ اگر جملہ جیسے سافٹ وئیرز کے ذریعے بھی بلاگ بنانے کی کوشش کی جائے تو ڈویلپرز کے لئے زیادہ فائدہ مند ہو گی جہاں ان کو ایک چھوٹا سا فورم بھی میسر ہو گا۔

Popularity: 7% [?]