بدتمیز

میں ایک کنٹریکٹر ہوں۔ دراصل میں بالٹی مور میں رہتا ہوں۔ یہاں ہوٹلوں میں رہنا پڑتا ہے۔ کام ختم ہوتے واپس چلا جاؤں گا۔ میں نے اس سے پوچھا کہ بالٹی مور میں کمپیوٹر سے متعلقہ اداروں میں جابز کی صورتحال کیا ہے۔ کیونکہ جس جگہ میں رہ رہا ہوں یہاں تو بالکل نہیں۔ اس نے کہا کہ نادرن ورجینیا میں بہت ہیں۔ لیکن اس جگہ پر تو بزنس ہی نہیں دفاتر ہی نہیں۔ بلکہ بلڈنگز ہی نہیں۔ اگر تم وہاں چلے جاؤ تو بہت ہیں۔ میں نے وہاں بہت سے انڈین کمپیوٹر انجنئیر اور پروگرامرز دیکھے ہیں۔

میں نے اس سے پوچھا برادر تم مسلمان ہو؟ وہ تھوڑا سا ہچکچایا پھر بولا میں نہ مسلمان ہوں نہ عیسائی نہ ہندو اور نہ یہودی لیکن میں ایک خدا کو مانتا ہو تمام مذاہب کے بندوں کے لئے کہ وہ ایک ہی ہے جسکو مختلف نام دے رکھے ہیں۔ میں نے کہا یہی مین بات ہے۔ اس نے مجھ سے پوچھا تم مسلمان ہو؟ میں نے کہا ہاں۔ اس نے کہا کہ ہاں میری پرورش مسلمان ماحول میں ہوئی تھی۔

پھر اس نے سوال کیا کہاں سے؟ میں نے فٹ فخر سے جواب دیا۔ پاکستان۔ وہ ہنسا اور بولا نواز شریف ڈیپورٹ کر دیا گیا۔ مجھے سمجھ نہیں لگتی کہ کوئی اپنے ہی ملک سے کیسے ڈیپورٹ ہو سکتا ہے۔ بس مجھے بریک لگ گئی۔ اب میں اس کو کیا جواب دیتا اس نے کہا کہ بھٹو بھی جانا چاہ رہی ہے۔ اس کو بھی ڈیپورٹ کر دیں گیں۔ میں نے اکتاہٹ سے جواب دیا کہ نہیں اس کو امریکہ کی حمایت حاصل ہے۔ وہ بولا میں کینیا سے ہوں تم لوگ ہماری بہت سی چائے خریدتے ہو اور بھی نہ جانے کیا کیا۔ لیکن میں ایک ہی بات سوچ رہا تھا کہ کوئی اپنے ہی ملک سے کیسے ڈیپورٹ ہو سکتا ہے؟

جناب صدر پاکستان، میرا بھی اب یہی خیال ہے کہ بس بہت ہو گئی۔ اب بس کریں اور تشریف لے جائیں۔ صدارتی محل سے زیادہ سرحد کو آپ کی ضرورت ہے۔ ایک شخص سے ڈرنا اور اس کو ایسے بھیجنا آپ کے شایان شان نہیں۔ لیکن اب تو شان ہی نہیں۔