کچھ لوگ جوہڑ کی طرح ہوتے ہیں۔ بدبو دار۔ ان کی سوچ متعفن اور اعمال گھٹیا ہوتے ہیں۔ ان سے کسی اچھے کی امید فضول ہوتی ہے۔ یہ ساری زندگی اپنی ہنسی اڑاتے ہیں اور تماشہ بنتے ہیں۔ سب سے حیرانی کی بات ہوتی ہے کہ ان کی خوب آؤ بھگت ہوتی ہے۔ ان کی کرتوت نظر انداز کر دئیے جاتے ہیں۔ لیکن جب ان کو ضرورت پڑتی ہے تب کوئی منہ لگانے کو تیار نہیں ہوتا۔
عقل و خرد کے دشمن زک پر زک اٹھاتے ہیں لیکن آفرین ہیں اپنی نالائقی سے باز نہیں آتے۔ ان کی بدبو دار طبعیت ان کو کبھی کچھ اچھا کرنا تو دور کی بات سوچنا یا سمجھنے تک کی توفیق نہیں دیتی۔ یہ لوگ تھوتھنی اٹھا کر چاند کی طرف تھوکتے ہیں جو ان کے اپنے رخ روشن کو مزید چکنا کر دیتا ہے۔
اسکے برعکس کچھ لوگ ہمیشہ اچھا کرنے یا سوچنے کی کوشش میں رہتے ہیں۔ کوئی طاقت کوئی رشتہ ان کو روک نہیں سکتا۔ جہاں دوسرے آہ و بکا پر آمادہ ہوتے ہیں یہ وہاں بھی ہمت نہیں ہارتے۔ ہر ناکامی ان کو کچھ نیا سیکھاتی ہے۔
ایسے لوگ بدبو دار جوہڑ میں تبدیل ہونے سے خود کو روکنے کے لئے حرکت میں رہتے ہیں۔ ان کو قابو کرنا ناممکن ہوتا ہے۔ کسی کے زیر اثر یا قید میں رہنا ان کے لئے موت کے مترادف ہوتا ہے۔ ان کے ارادے بلند اور اپنی زور آوری سے یہ آگے نکلتے رہتے ہیں۔
بدبو دار جوہڑ یا بہتی ندی آپ کیا بننا چاہتے ہیں انتخاب آپکا۔
Popularity: 14% [?]
Popularity: 14% [?]
270 views
Related Posts
- None Found
Random Posts
...
میں عموماً پنجابی میں کہا کرتا هوں
که
کھڑا هوا تو پانی بهی بدبودینے لگتا ہے پانی جو چیزوں کو پاکیزگی دیتا ہے
بندے کو حرکت میں رهنا چاهیے
کوئی چیز پلید هو جائے تو اس کو پانی پاک کردیتا ہے
کیا آپ کو معلوم ہے که آگر پانی پلید هو جائے تو اس کو کیا چیز پاک کرتی ہے؟؟
لیں لکھ تو جانا تھا کہ کیسے کرتے ہیں۔