بدتمیز

میری امی کا خیال ہے کہ میں ہمیشہ سے انتہائی ضدی رہا ہوں۔ جس چیز کے پیچھے پڑ جاؤ لے کر ہی چھوڑتا ہوں۔ میرا خیال ہے کہ ضد صرف جائز چیزوں کے لئے کی۔ کبھی الٹی سیدھی فرمائش نہیں کی۔ اب ایسے میں کسی رسالے یا کتاب کے پیچھے بری طرح پڑ جانے کا قصہ نکل آتا ہے۔

امریکہ آ کر میں نے کچھ عرصہ کے لئے ضد چھوڑ دی۔ اس وجہ سے اہم حماقتیں ظہور پذیر ہوئیں۔ بجائے یہ کہ میں کسی کو الزام دوں کہ اس کی وجہ سے یہ ہوا یا اس کو شرمندگی کے مارے چھپا لوں۔ میں اس کو بیان کر رہا ہوں۔ تا کہ کسی اور نئے آنے والے کا بھلا ہو سکے تو ہو جائے۔

میں نے toyota camry پسند کی تھی۔ میں یہ خرید نہیں سکتا۔ وجہ؟ فائنانس کروانے پر مجھے 20 فیصد انٹرسٹ دینا پڑے گا۔ اس کے پیچھے وہ اہم حماقت ہے۔

میں نے کریڈٹ کارڈ آتے ساتھ ہی اپلائی کرنا چاہا لیکن نہیں کیا۔ سارا خرچہ کیش پر کرتا رہا۔ اگر وہ سارا میرے کریڈٹ کارڈ پر ہوتا تو کریڈٹ کمپنیوں کے پاس اس قدر ڈیٹا ہوتا کہ وہ مجھے سکور کر سکتے۔ اب ان کے پاس صرف پانچ ماہ کا ڈیٹا ہے جس کی بنیاد پر مجھے سکور نہیں کر سکتے۔ مجھے سکور کرنے کے لئے ان کو دو سال چاہیئے۔

اب یا تو میں انتہائی ہائی ریٹ پر گاڑی لوں یا میں کسی ایسے بندے کو پکڑو جس کا کریڈٹ ریکارڈ اچھا ہو یا پھر کوئی سستی سی گاڑی کیش پر لے لوں۔ آخرالذکر پر زور و شور سے ہولے ہولے کام جاری ہے۔ زور و شور میری طرف سے تھا اور ہولے ہولے ماموں کی طرف سے :p

Popularity: 49%