o_O بدتمیز

مینتھول سگریٹ خاص طور پر کالی عورتوں کو ذہن میں رکھ کر بنایا گیا تھا۔ یہ افریقن عورت مجھ سے مخاطب تھی۔ ہم نے ریڈیو پر اس بارے میں ایک پروگرام کیا تھا اور ثابت کیا تھا۔ اس وقت کچھ سالوں قبل سے بہت اچھا ratio ہے۔ افریقن امریکن میں سگریٹ کا استعمال مسلسل کم ہو رہا ہے۔ میں نے مسکرا کر اس کے ہاتھ میں دبے سگریٹ کے پیک کو دیکھا۔ سگریٹ پینے والے لوگوں سے مجھے ہمدردی محسوس ہوتی ہے۔ یہ لوگ خود اپنے آپ کو سزا دے رہے ہوتے ہیں۔

 اس نے میری مسکراہٹ بھانپ لی۔ فورا بولی۔ میں quit کرنے کی کوشش کر رہی ہو۔ میں نے اس کو کہا کہ ایسے کام نہیں بنے گا اس کو cold turkey سے ہی شکست دی جا سکتی ہے۔ kool خاص طور پر افریقن مردوں کے لئے بنایا گیا تھا۔ میں نے پوچھا کیا یہ ان کے لئے as a service بنایا گیا تھا یا intentionally ان کے خلاف۔ اس نے کہا کہ جان بوجھ کر ان کو نقصان پہنچانے کے لئے بنائے گئے تھے۔ یہ حلق سے لے کر پھیپھڑوں تک کے حصہ کو عام سگریٹ کی نسبت زیادہ نقصان پہنچاتے ہیں۔ میں نے کہا اگر یہ بات تھی تو افریقن امریکن تو سگریٹ سے زیادہ نقصان دہ چیز پیتے ہیں وہ ہے سگار۔ میرا نہیں خیال کہ سفید فام لوگ افریقن امریکن کو اتنا نقصان پہنچا سکے جتنا افریقن امریکن نے خود اپنے آپ کو پہنچایا۔

 اس نے میری طرف غور سے دیکھا۔ پھر بولی تم کہاں سے تعلق رکھتے ہو؟ میں نے فورا کہاں پاکستان سے۔ کہتی۔ اچھا تم بتاؤ تم لوگوں کی کیا پرابلم ہے۔ ساتھ کھڑے مرد نے کہا میں سچ میں اس بات کا جواب چاہونگا۔ میں نے کہا ہم لوگ کبھی اپنی غلطی نہیں مانتے اور معافی مانگنے سے پرہیز کرتے ہیں۔ وہ ہنسی اور بولی بالکل صیح۔

تم لوگ وحشی ہوتے ہو۔ عورت کو زندہ جلا دیتے ہو۔ میرے ساتھ عرب تھا۔ عرب لوگ خاص طور پر پڑھے لکھے پاکستانیوں سے بہت متاثر ہیں۔ اس نے فورا کہا کہ وہ ہندو ہیں جو اپنی عورت کو جلاتے ہیں۔ اس نے کہا نہیں۔ اگر عورت جہیز کم لائے یا بعد میں مرد کے مانگنے پر گھر سے کچھ نہ لا کر دے سکے تو اس کو زندہ جلا دیتے ہیں۔ عرب دوست چپ تھا۔ اس نے مجھ سے پوچھا یہ سچ ہے؟ عورت بولی بتاؤ یہ سچ ہے کہ نہیں۔ میں سناٹے کی کیفیت سے باہر آیا اس عورت نے سچ میں دنیا کا علم حاصل کر رکھا تھا۔ میں نے کہا ہاں یہ سچ ہے۔ وہ ہنسی اور بولی تم نے پاکستانی ہونے کی ڈیفینیشن کو خود ہی غلط ثابت کر دیا۔ میں نے کہا کہ میں بجائے جھوٹ کہہ کر سرخرو ہونے کے اس کے خلاف کچھ کرنے میں زیادہ دلچسپی رکھتا ہوں۔

کبوتر بلی کو دیکھ کر آنکھیں بند کر لیتا ہے یہ اس کی شرافت ہے۔ نہیں تو آنکھیں کھلی بھی رکھ سکتا ہے۔ کوئی مضائقہ نہیں۔ بلی نے آنکھیں کھلی اور بند کا لحاظ نہیں کرنا۔ کچھ ایسا ہے حال ہمارے میڈیا کا ہے۔ ہم سمجھتے ہیں کہ اگر میڈیا کچھ دیکھا رہا ہے تو یہ غلط ہے۔ ہمیں اس کو دیکھنے سے پرہیز کرنا چاہئے۔ یہ غلط طرز عمل ہے۔

میڈیا عام طور پر ایک شیشہ ہوتا ہے۔ اس میں بہت کچھ دیکھایا جاتا ہے۔ کچھ ہمارے ہمسائے کے چہرے پر پڑے داغ دیکھاتا ہے تو ہم خوش ہوتے ہیں۔ کچھ ہمارے چہرے پر پڑے داغ دیکھاتا ہے تو ہم اس کے خلاف ہو جاتے ہیں۔

مجھ سمیت کچھ لوگ جیو کے خلاف ہیں۔ اس کی وجہ میڈیا کے کردار سے انکار نہیں بلکہ جیو کے اس برگر کلچر کو پاکستان کے کلچر کے طور پر متعارف کرنے کے عمل سے بیزاری ہے۔ زیادہ تر یہ فضول ڈراموں میں دیکھایا جاتا ہے جس کو عورتیں اور چند فیصد مرد بہت شوق سے دیکھتے ہیں۔ اس کی وجہ دلچسپی سے زیادہ کسی نامعلوم حس کی تسکین ہوتی ہے۔ اس کے علاوہ میڈیا کا کردار بہت اہم اور قابل ستائش ہے۔

میڈیا پر جو کچھ دیکھایا جا رہا ہے آپ اس کو نہیں دیکھنا چاہتے تو کیا فرق پڑے گا؟ باقی دنیا دیکھ رہی ہے اور آپ لاعلم ہیں۔ دیکھئے جانئے اور پھر اس کے بارے میں کچھ کیجئے نہ کہ اس کے وجود سے انکار کریں جس سے باقی دنیا inspire ہو گی۔

مرغ کے بارے میں پوسٹ پر اگر غور کریں تو میرے بزرگوں سے لے کر بچوں تک سبھی مولوی کو defend کرتے رہے نا کہ اسلام کو۔ چند ایک نے اچھی بات کی لیکن اس پر ابھی بحث کا موقعہ نہیں مل سکا۔ ایک واقعہ ہے کہ حضور صلی اللہ علیہ وآلہ وسلم ایک یہودی عورت کے گھر کھانے پر مدعو کئے گئے اس نے گوشت میں زہر ملا دیا۔ آپ صلی اللہ علیہ وآلہ وسلم نے لقمہ منہ میں رکھ کر نکال دیا۔ میں جاننا چاہونگا اس بکری یا دنبہ کو کس نے ذبح کیا۔ کیا حضور صلی اللہ علیہ وآلہ وسلم نے کسی کو بھیجا ذبح کے لئے یا گوشت بھجوایا؟

قران کی دو آیات کا حوالہ دیا گیا۔ میری ناقص سمجھ اس میں مشرک دیکھ رہی ہے نا کہ مسلمان کی شرط۔ مجھے کہیں نہیں ملا کہ مسلمان کے ہاتھ کا ذبح درست ہے۔ جبکہ مشرک ہی ہوگا جو کہ اللہ پر نہیں یقین رکھتا لہذا ذبح کے وقت وہ کسی اور کا نام لے گا۔ یہود اور عیسائی بہرحال خدا پر ایمان رکھتے ہیں۔ اسلام نیت کو اہمیت دیتا ہے۔ اس پر کسی نے غور نہیں کیا۔ درد ناک بات یہ ہے کہ کسی چیز کے حلال یا حرام پر ہمارا علم صفر اور ہم خوش ہیں کہ شادی سے لے کر بچے تک اور پھر قبر تک ہمیں مولوی کی ضرورت ہے لہذا مولوی کو ڈیفنڈ کرو۔ اسلام میں کہاں لکھا ہے کہ یہ سارے کام  مولوی پر لاد دو؟

عالم مولوی میں نے دیکھ رکھے ہیں۔ لوگوں نے کیسے عالم دیکھیں ہیں نامعلوم۔ میں فرقوں کا بیان نہیں کرونگا۔ ایک صاحب اپنے فرقے پر کافی سختی سے کاربند تھے۔ یہ کسی فرقے کے تھے اور ایک دوسرے فرقے کے مولانا صاحب کے ہتھے چڑھ گئے۔ اب یہ تبلیغ کریں۔ میرے دوست کا اس نے سر کھا لیا۔ لیکن میرے سامنے کچھ کہنے سے بعض رہتا۔ اس کو وہ تنگ آ کر ہمارے گھر کے نزدیک مسجد کے عالم کے پاس لے گیا۔ اس نے شرط رکھی کہ یہ ایک لفظ نہیں بولے گا اور میرا دوست خود ہی سارے سوال پوچھ لے وہ بیان کریں گے تو یہ سن لے گا۔ ایسا ہی ہوا۔ اس کو عقل نہیں آنی تھی نہیں آئی۔

اگلے دن عصر کے وقت عالم صاحب نے میرے دوست کو کہا فلاں جو تمہارے ساتھ تھا وہ فلاں فرقے کا تھا نا۔ دوست حیران رہ گیا۔ انہوں نے کہا میں نے دیکھتے ہی پہچان لیا تھا۔ اب یہ تھے ایک عالم جن کا صبر اور مہمانداری تھی۔ ان دوسرے صاحب کی سنیں جن کو اختلافی باتون سے فرصت نہیں۔ اپنے ابا جان کو قبر کھود کر نکلوایا کہ ان کے مولانا نے فرمایا تھا کہ اس فرقے والے لوگ جہنم میں جائیں گے اپنے باپ کو نکال کر ہمارے فرقے کے قبرستان میں ڈالو۔ اللہ کے بندے باپ تمہارا اس فرقے کا نہیں جس فرقے کو تم نے قبول کیا تو وہ کیونکر تمہارے مولانا کے عقیدے کے تحت جہنمی یا جنتی ہو گیا؟

اس کے بعد سننے میں آیا یہ سعودی عرب تشریف لے گئے۔ وہاں انٹرنیٹ سے نقل کر کے کوئی اسائنمنٹ جمع کروائی اور فرقے نے جوتیاں مار کر  نکال دیا۔ اب کہاں ہیں مجھے کیا علم۔

اب اگر میں کسی کے مولانا کے خلاف کچھ کہنے پر فورا یہ سمجھوں کے سب مولانا اس مسجد کے عالم جیسے ہوتے ہیں اور پھر ان کو ڈیفنڈ کرنے لگ جاؤ تو کیا ہوگا؟

Popularity: 14% [?]