بدتمیز

8 Responses to “مرغ مُسلم”

1. 1 میرا پاکستان(44) Aug 22nd, 2007 at 7:21 am

   انگریزی کے بارے میں اگر آپ کسرنفسی سے کام لے رہے ہیں تو ٹھیک ہے وگرنہ ہمارا تجربہ یہ کہتا ہے کہ ہر نئے آنے والے پاکستانی کو امریکہ میں انگریزی سننے اور بولنے کا کورس ضرور کرنا چاہیے یہ ساری عمر کام آتا ہے۔
   حلال حرام کے بارے میں دو آرا ہیں جیسا کہ آپ نے کہا، لیکن محتاط لوگ کہتے ہیں کہ تبھی شک والی خوراک کھاؤ جب جان کو خطرہ ہو نہیں تو اس سے پرہیز بہتر ہے۔
   مولویوں کو لتاڑنے کی بجائے ہمیں کوشش کرنی چاہیے کہ ہم خود اسلام کا مطالعہ کریں۔ یہی ہم سب کیلیے بہتر ہے چہ جائیکہ ہم ایک دوسرے کو مورد الزام ٹھرا کہ اپنے آپ کو بری الزمہ قرار دیتے رہیں۔

2. 2 اجمل(64) Aug 22nd, 2007 at 10:50 am

   آپ کی انگریزی کا تو مجھے علم نہیں لیکن اُردو کمزور لگتی ہے ۔ عالِم علم رکھنے والے کو کہتے ہیں اور عُلماء عالِم کی جمع ہے ۔ آپ کے مطابق علم رکھنے والا بے علم ہے ۔ رہی بات ملا کی تو ملا بھی جس زبان کا لفظ ہے اس کے مطابق علم والا ہی ہے ۔ آپ لوگ جب ملا یا مولوی کو جاہل گردانتے ہیں تو ہر وقت ان کی یاد میں کیوں مبتلا رہتے ہیں ؟ اور ان کے بغیر آپ جیتے بھی نہیں ۔ نکاح پڑھانا ہو تو مولوی ۔ بچہ پیدا ہو تو مولوی کان میں اذان دے ۔ بچے نے قرآن شریف پڑھنا ہو تو مولوی ۔ کوئی مر جائے تو مولوی نماز جنازہ پڑھائے ۔ کوئی بیمار ہو تو مولوی دَم کرے ۔ کوئی نذر نیاز کرنی ہو تو مولوی کو ختم دینے کیلئے بلاؤ۔ ویسے مجھے آج تک نہیں معلوم کہ یہ ختم دلانا کیا ہوتا ہے ۔ قرآن شریف ختم کرنا ہے مولوی کو بلاؤ ۔ اللہ جانے اور کتنے کاموں کیلئے مولوی کو بلایا جاتا ہے لیکن جن مولوی کی بات پسند نہ ہو تو مولوی جاہل اور پتہ نہیں کیا کچھ ہو جاتا ہے ۔ کبھی کسی نے سوچا کہ آج اگر ہم مسلمان ہیں تو اسی مولوی کی وجہ سے اور اگر ہم دین کو سمجھنے کی کوشش کرتے ہیں تو اسی مولوی کی جاہلیت کی وجہ سے ۔ ویسے دنیا میں جاہل صرف مولویوں میں نہیں پائے جاتے بلکہ جدید علوم کے ماہرین میں بھی جاہل پائے جاتے ہیں ۔

   حلال کے قواعد موجود ہیں اگر اس کے مطابق نہیں ہے تو حرام ہے ۔ اگر کوئی حرام کھانا چاہتا ہے تو اس کا الزام مولوی پر کیوں رکھتا ہے ؟ مولوی کیا گردن پکڑ کر منہ سے مرغی باہر کھینچ لیتا ہے ؟

3. 3 ابو حلیمہ(15) Aug 22nd, 2007 at 11:58 am

   السلام علیکم، ۔
   موضوع طویل ہے اور اگر بات روبرو ہو تو ہی صحیح طرح سمجھأی جا سکتی ہے۔ اس پر میں نے اجمل صاحب کے بلاگ پر مختصراً لکھا تھا ۔ یہاں آپ نے سوال کیا کہ ذبح کے لیے تکبیر (صحیح لفظ ہے تسمیۃ) کی شرط کیوں رکھی گٔی ہے۔
   اس کا جواب تو قرآن شریف میں ہی موجود ہے۔
   اللہ تعالیٰ سورۃ انعام آیۃ ۱۲۱ میں فرماتا ہے:۔
   وَلاَ تَأْكُلُواْ مِمَّا لَمْ يُذْكَرِ اسْمُ اللّهِ عَلَيْهِ وَإِنَّهُ لَفِسْقٌ وَإِنَّ الشَّيَاطِينَ لَيُوحُونَ إِلَى أَوْلِيَآئِهِمْ لِيُجَادِلُوكُمْ وَإِنْ أَطَعْتُمُوهُمْ إِنَّكُمْ لَمُشْرِكُونَ
   ترجمہ:۔ اور جس چیز پر اللہ کا نام نہ لیا جأے اسے مت کھاو کی اس کا کھانا گناہ ہےاور شیطان لوگ اپنے رفیقوں کے دلوں میں یہ بات ڈالتے ہیں کہ تم سے جھگڑا کریں اور اگر تم لوگ ان کے کہے پر چلے تو بے شک تم بھی مشرک ہوے۔

   سورۃ حج آیۃ ۳۴۔
   وَلِكُلِّ أُمَّةٍ جَعَلْنَا مَنسَكًا لِيَذْكُرُوا اسْمَ اللَّهِ عَلَى مَا رَزَقَهُم مِّن بَهِيمَةِ الْأَنْعَامِ فَإِلَهُكُمْ إِلَهٌ وَاحِدٌ فَلَهُ أَسْلِمُوا وَبَشِّرِ الْمُخْبِتِينَ
   ترجمہ:۔ اور ہم نے ہر امت کے لیے قربانی کا طریق مقرر کر دیا ہے تاکہ جو مویشی چاربأے خدا نے ان کو دیے ہیں ان پر خدا کا نام لیں۔ سو تمہارے معبود ایک ہی ہےتو اسی کے فرمانبردار ہو جاو اور عاجزی کرنے والوں کو خوشخبری سنا دو۔

   سورۃ المأیدہ آیۃ ۳
   حُرِّمَتۡ عَلَيۡكُمُ ٱلۡمَيۡتَةُ وَٱلدَّمُ وَلَحۡمُ ٱلۡخِنزِيرِ وَمَآ أُهِلَّ لِغَيۡرِ ٱللَّهِ بِهِۧ وَٱلۡمُنۡخَنِقَةُ وَٱلۡمَوۡقُوذَةُ وَٱلۡمُتَرَدِّيَةُ وَٱلنَّطِيحَةُ وَمَآ أَكَلَ ٱلسَّبُعُ إِلَّا مَا ذَكَّيۡتُمۡ وَمَا ذُبِحَ عَلَی ٱلنُّصُبِ وَأَن تَسۡتَقۡسِمُواْ بِٱلۡأَزۡلَـٰمِۚ ذَٰلِكُمۡ فِسۡقٌۗ ٱلۡيَوۡمَ يَٮِٕسَ ٱلَّذِينَ كَفَرُواْ مِن دِينِكُمۡ فَلَا تَخۡشَوۡهُمۡ وَٱخۡشَوۡنِۚ ٱلۡيَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡمَتِی وَرَضِيتُ لَكُمُ ٱلۡإِسۡلَـٰمَ دِينََاۚ فَمَنِ ٱضۡطُرَّ فِی مَخۡمَصَةٍ غَيۡرَ مُتَجَانِفِِ لِّإِِِثۡمِِۙ فَإِنَّ ٱللَّهَ غَفُورُُ رَّحِيمُُ﴿٣﴾ يَسۡـَٔلُونَكَ مَاذَآ أُحِلَّ لَهُمۡۖ قُلۡ أُحِلَّ لَكُمُ ٱلطَّيِّبَـٰتُۙ وَمَا عَلَّمۡتُم مِّنَ ٱلۡجَوَارِحِ مُكَلِّبِينَ تُعَلِّمُونَہُنَّ مِمَّا عَلَّمَكُمُ ٱللهُۖ فَكُلُواْ مِمَّآ أَمۡسَكۡنَ عَلَيۡكُمۡ وَٱذۡكُرُواْ ٱسۡمَ ٱللَّهِ عَلَيۡهِۖ وَٱتَّقُواْ ٱللهَۚ إِنَّ ٱللَّهَ سَرِيعُ ٱلۡحِسَاب
   ترجمہ:۔ تم پر مرا ہوا جانور اور (بہتا) لہو اور سور کا گوشت اور جس چیز پر خدا کے سوا کسی اور کا نام پکارا جائے اور جو جانور گلا گھٹ کر مر جائے اور جو چوٹ لگ کر مر جائے اور جو گر کر مر جائے اور جو سینگ لگ کر مر جائے یہ سب حرام ہیں اور وہ جانور بھی جس کو درندے پھاڑ کھائیں۔ مگر جس کو تم (مرنے سے پہلے) ذبح کرلو اور وہ جانور بھی جو تھان پر ذبح کیا جائے اور یہ بھی کہ پاسوں سے قسمت معلوم کرو یہ سب گناہ (کے کام) ہیں آج کافر تمہارے دین سے ناامید ہو گئے ہیں تو ان سے مت ڈرو اور مجھی سے ڈرتے رہو (اور) آج ہم نے تمہارے لئے تمہارا دین کامل کر دیا اور اپنی نعمتیں تم پر پوری کر دیں اور تمہارے لئے اسلام کو دین پسند کیا ہاں جو شخص بھوک میں ناچار ہو جائے (بشرطیکہ) گناہ کی طرف مائل نہ ہو تو خدا بخشنے والا مہربان ہے

   شروع کی دو آیتوں میں تسمیۃ کے فرض ہونے کا حکم دیا گیا ہے اور آخری آیۃ میں ذبح کی شرط۔ تو پھر آپ کیسے کہتے ہیں کہ یہ چیزیں مولویوں نے اپنے طور پر گھڑھ لی ہیں اور جن محترم مولانا شبیر احمد عثمانی کی بات آپ کر رہے ہیں وہ تفسیرِعثمانی کے مصنف ہیں جو عصر حاضر کی ایک بہت جامع تفسیر ہے۔

   دوسری بات جومیں کہنا چاہتا ہوں کہ ‘دین آسان ہے’ کی مد میں لوگ کتنی ہی شرعی حدیں پار کر جاتے ہیں اور ہر چیز کو دین کا حصہ بناتے چلے جاتے ہیں۔ اس طرح کے لوگوں سے محتاط رہیے۔ ان کے چنگل میں پھنس کر کہیں اپنے تقوے سے ہاتھ نہ دھو بیٹھنا۔ جیسا کہ افضل صاحب نے کہا کہ جب شک ہو تو پرہیز کرو۔

   تیسری بات جو میں نے توٹ کی کہ آپ کہتے ہیں کہ ذبح کا مقصد اسلام میں خون کا بہا دینا ہے تاکہ گوشت مضر صحت نہ ہو۔ کیا میں یہ پوچھ سکتا ہوں کہ اسلام میں یہ کہاں لکھا ہے؟ یا کیا یہ تاویل کسی ‘دین آسان ہے’ کی رٹ لگانے والے ‘مولوی’ کی گھڑی ہؤی ہے ؟

4. 4 ماوراء(48) Aug 22nd, 2007 at 2:41 pm

   بدتمیز، دنیا میں تو کئی زبانیں ہیں آپ کن زبانوں کا علم نہ رکھنے والوں کو جاہل کہہ رہے ہیں؟ دنیا میں ہمیشہ سے ہی فہیم اور محقق لوگ کم رہے ہیں۔اکثریت محض خیالی اور لکیر کے فقیر والوں کی ہی ہوتی ہے۔ اور یہ جو عالم ہوتے ہیں نا اس رتبے پر ایسے ہی نہیں پہنچ جاتے۔ عربی زبان پر انھیں پورا عبور حاصل ہوتا ہے اور جب وہ کوئی آیت یا حدیث پڑھ کر سناتے ہیں تو یقیناً اس کا مطلب بھی ساتھ ہی سمجھاتے ہیں۔ مولانا شبیر احمد عثمانی جن کی آپ بات کر رہے ہیں، لگتا ہے آپ نے صرف ایک بار سن کر ان کے بارے میں کوئی رائے قائم کر لی ہے۔ شاید انہوں نے آپ کے مطلب کی بات نہیں کی ہو گی۔ ان کی ہی لکھی ہوئی تفسیر سے ہی میں نے بہت کچھ سیکھا ہے۔ آپ ایسا کریں کہ یہ ٹی وی پروگرامز کم دیکھا کریں اور قرآن مجید تفسیر کے ساتھ زیادہ پڑھا کریں۔
   اور مرغیوں کو ذبح کرتے وقت تکبیر پڑھنے کے لیے بندہ رکھا ہو۔۔۔ شاید کہیں ایسا ہوتا ہو لیکن ہمارے ہاں تو ٹیپ کا ہی استعمال ہوتا ہے۔ حرام و حلال اور ذبح کی معلومات کے لیے ابو حلیمہ نے کچھ آیات کا ذکر کیا ہے۔ قرآن مجید کھول کر ان کی تفسیر بھی ضرور پڑھ لیجیے گا۔ اور جب قرآن مجید کھل ہی جائے گا تو سورۃ البقرۃ کی آیت نمبر ١٧٣ اور سورۃ الانعام کی ١١٧ اور ١١٨ کا بھی مطالعہ کر لیجئے گا۔
   پھر جو آپ نے ذکر کیا کہ آپ نے کسی کو ٹوکا کہ چکن حلال نہیں ہے۔ ایسے لوگ تو مجھے اپنے ہاں بکثرت ملتے ہیں۔ ایک بار میری کسی سے حلال و حرام پر بات ہوئی تو اس کا جواب یہ تھا کہ “چکن یا دوسرا گوشت تو حرام نہیں ہوتے نا وہ تو صرف سور حرام ہے۔“ اور شراب کے بارے میں اس کا خیال تھا کہ اتنی اسلام میں پینا جائز ہے کہ انسان نشے میں نہ چلا جائے۔“ میں نے کئی ایسے ترکی، ایرانی، افغانی لوگ دیکھے ہیں جو صرف سور کے گوشت کو حرام سمجھتے ہیں۔ باقی سب ٹھیک ہے۔ اور افریقی علماء کو شاید آپ نے سنا ہو۔ لیکن میرے مشاہدے کے مطابق ایسا نہیں ہے۔
   جہاں حلال حرام میں شک ہو اس کو نہ کھانا ہی بہتر ہوتا ہے۔

5. 5 ساجداقبال(29) Aug 23rd, 2007 at 4:12 am

   بدتمیز بھائی نے جن صاحب کا بدتمیزی سے ذکر کیا ہے وہ علامہ شبیر عثمانی نہیں،جنہوں نے تفسیر عثمانی لکھی، کیونکہ انکی وفات تو غالباً اسی کی دہائی میں ہو چکی ہے۔
   بدتمیز، عربی آیاتیں سن کر ٹاٹا کہنے کے بجائے اگر انکی معانی اور تفسیر پوچھ لیں یا خود تحقیق کرلیں تو زیادہ بہتر ہوگا۔ ویسے قرآن عربی میں ہی نازل ہوا تھا۔۔۔۔۔۔۔۔۔۔۔۔۔۔۔۔۔۔۔۔۔۔۔اور ۔۔۔۔۔۔۔۔۔۔۔۔۔۔۔۔۔۔۔ آپکی طے کی گئی جاہلیت کے معیار کے مطابق پوری دنیا جاہل ہے، کہ دنیا کی سب زبانیں کسی شخص کو بھی نہیں آتیں۔

6. 6 شگفتہ(21) Aug 23rd, 2007 at 9:29 pm

   السلام علیکم بدتمیز

   آپ کی پوسٹ میں کئی نکات ہیں جو سوچنے اور غور کرنے کی دعوت دیتے ہیں :

   جو شخص جس بھی زبان کا علم نہیں رکھتا وہ اس زبان کو نہ جاننے کے لحاظ سے جاہل تصور ہوگا۔
   اگر وہ اس زبان کو کسی حوالے سے (کسی بیان میں) استعمال کرنا چاہے تو نہ جاننے کی صورت میں یا ادھورا علم رکھنے کی صورت میں کما حقہ حق ادا نہیں کر سکے گا۔

   اسلام دینِ فطرت ہے اور انسان کو آسانی فراہم کرنے کا قائل ۔

   عمل کا دارومدار نیت پر ہے اور عمل کی حقیقت نیت پر منحصر ہے ۔

   اگر دینی حوالے سے کوئی صاحبِ علم اپنے مخاطب کو مطمئن نہ کر سکے (سکیں) ۔۔۔ تو ایسی صورت میں کسی دوسرے ذریعے (ذرایع) سے حصولِ علم کی جستجو کی جائے ۔

   (عصرِ ھٰذا میں بالخصوص ؟ ) دینی حوالے سے بیشتر جو نام سامنے آتے ہیں ان کے رویے ، فکر سوچ اور عمل میں وہ ضروری لچک نہیں دکھائی دیتی جو ان کے علمی حیثیت و مقام کا خاصہ ہونا چاہیے ۔

   مولویت اب معاشرے میں ایک روش یا مزاج کا نام بھی ہے اور بلا وجہ جاری کردہ فتاویٰ نے معاشرے میں اس علمی مقام کی اہمیت کو نقصان کی حد تک کم کر دیا ہے ۔

   (چند نہیں بلکہ تمام) علماء کو حقیقتاً صاحبِ علم ہونا چاہیے اور اس ذیل میں اعلیٰ سطح کی حامل اسناد ضروری تصور کی جائیں ۔

   بدتمیز ، آپ ابھی تک حلال کے بارے میں سوچ رہے ہیں لیکن ایک سوال اگر مولوی صاحب ہوتے تو کیا کرتے ؟

   ایک سوال اور بھی ہے عیدِ قُرباں پر قصائی حضرات کی نیت یہ ہوتی ہے کہ جلدی سے اس جگہ سے فارغ ہوں ذبح کر کے تو دوسری جگہوں پر پہنچیں۔۔۔ اس نیت کے ساتھ وہ جب ذبح کرتے ہیں تو کیا کوئی ایک فتویٰ اس گوشت پر بھی لاگو ہونا چاہیے یا ہوا کبھی ۔۔۔ !!

   اور آخر میں شکریہ بھی میرے علم میں اضافہ کے لئے مجھے اب دو نئے انگریزی الفاظ معلوم ہو گئے

7. 7 بدتمیز(437) Aug 23rd, 2007 at 11:45 pm

   سلام

   میرا پاکستان: نہیں امریکیوں کی انگلش ہم سے کہیں درجے گندی ہے۔ اور افریقن امریکن نے انگلش کا جنازہ نکال دیا ہے۔ کورس کریں یا نہ کریں اس انگلش کو آ کر ہی سیکھا جا سکتا ہے۔
   مولوی کو لتاڑنے میں ایک بات شامل نظر رکھیں کہ یہ ان جاہل مولویوں کی بات ہے جن کو مجھے علم نہیں کہنا نہیں آتا۔ؕ

   انکل اجمل: آپ اگر دو منٹ ٹھنڈے ذہن سے سوچتے تو شائد سمجھ جاتے۔ دیکھیں کوئی عالم نہیں لیکن عالم بنا پھرتا ہے تو؟ ہم لوگ نہیں سمجھتے کے داڑھی بڑھا لینے سے انسان مولوی نہیں ہو جاتا۔ یہ بھیس میں قوم کو مار رہے ہیں۔
   حلال کے قوائد موجود ہیں۔ لیکن مولوی نے بیان کئے ہیں۔ ٓپ اس کی بات کا یقین کر رہے ہیں۔ میں ثبوت چاہتا ہوں۔
   میں کہہ چکا ہوں کہ میں نے عالم دیکھے ہیں۔ لہذا جو اڑیاں لگائے وہ عالم کیسے ہو گیا؟
   شگفتہ نے بہت اچھے طریقے سے کچھ بیان کیا ہے۔ اس کو ٹھنڈے دل سے پڑھیں۔

   ابو حلیمہ: ہمیشہ کی طرح بہت اچھے طریقے سے بات کہی ہے۔ اگر آپ میسینجر استعمال کرتے ہوں تو میں بات کرنا چاہونگا۔
   دیکھیں ایک بہت عام غلط فہمی مسلمانوں مٰں ہے کہ وہ خدا کی نعمتوں اور رحمتوں کو بنی اسرائیل کی طرح مسلمانوں کے لئے مخصوص سمجھتے ہیں۔ حالانکہ یہ محنت کرنے والوں کے لئے ہیں۔
   مومن کا ترجمہ مسلمان کرتے ہیں۔ اور اسی طرح انسان کو بھی صرف مسلمان سے چوڑتے ہیں۔ مشرک وہ ہے جو خدا کا انکار کرے نہ کہ محمد صلی اللہ علیہ وآلہ وسلم کا۔ لہذا اہل کتاب سے کھانا جائز ہے جبکہ مشرف سے منع کیا۔ یعنی اہل کتاب جب ذبح کرتے ہونگے تو خدا کا نام لیتے ہونگے۔
   مٰں بہت بڑے پیمانے پر سوچ رہا ہوں۔ آپ نے کبھی غور کیا ہندو اور مسلمانوں کی ساخت میں فرق کیوں ہے؟ حالانکہ یہ ایک ہی نسل کے ہیں۔ جو ہندو گوشت کھا لیتے ہیں وہ باقی ہندوؤں سے مختلف کیوں نظر آتے ہیں؟ ان کو صدیوں سے سبزی ملی ہے۔
   ویسے ایک فائدہ ہو گا گوشت نہ کھانے والے مسلمان بہت دھیمے مزاج کے ہونگے۔
   کیا یہ وہی مولانا ہیں جو روئیت ہلال کمیٹ میں بھی ہیں۔ انہی علما کی وجہ سے ملک میں بتیس روزے تین عیدیں اور سات دن تک گلے ملنے کا رواج پڑا ہوا ہے؟
   دیکھیں دین آسان ہے۔ لیکن ہم لوگ بنی اسرائیل بن رہے ہیں۔ کچھ تبدیلیاں کر کے اور کچھ مشکل کر کے۔
   اسلام میں خون بہانے کا لکھا۔ آپ چاہیں تو پوچھ کر اس کے بارے میں جو اس نے حدیث یا آیت بتائی تھی پیش کردونگا۔
   صرف ایک سوال کیا خدا کو ہمارے نماز روزے سے کوئی فائدہ ہوتا ہوگا؟ اس سے سونا چاندی بنتا ہو گا۔ مین نے جو جانا ہے کہ بس یہی کہ یہ احکام ایسے ہیں جو بہت فائدہ دیتے ہیں۔ یعنی لگتے حکم ہیں لیکن ان کے پیچھے فائدے ہیں۔ خدا بے نیاز ہے اس کو خون بہانے یا نہ بہانے سے کیا فرق؟

   ماورا: ساجد کا کہنا ہے کہ یہ وہ مولانا نہیں جن کے بارے میں میں نے زبان درازی کی۔ ویسے ایک سوال دین کی تفسیر تو محمد صلی اللہ علیہ وآلہ وسلم اور ان کے صحابہ اور بزرگان کرتے رہے۔ ان کی باتیں نوٹ کی ہوئی ہیں۔
   مسئلہ وہی کہ جب ناقص علم تھا عربی زبان کا تو اس کے ترجمے نے ہمارے معاشرے میں اسلام کے متعلق گمراہی پھیلا دی۔

   ساجد: آیات پر اعتراض نہٰں سمجھانے پر ہے۔ یہ لوگ سمجھا نہیں سکتے لہذا آیات کا سہارا لے لیتے ہیں۔ جاہل آنلائن پر ہی ایک مولانا صاحب جو کراچی کی کسی مسجد سے ہی پکڑے ہونگے پوچھا گیا جھینگا حلال ہے۔ فرمایا نہیں۔ پوچھا اگر سائنسدان ثابت کر دیں کہ یہ مچھلی کی قسم ہے تو؟ تو آہستہ آہستہ موقف تبدیل کر کے کہاں ہاں تب حلال ہے۔
   سوال ہے اس کو ثابت کون کرے گا؟ مغرب۔ اسی مغرب کے گن گائے جاتے ہیں اور اسی کو کام کہنے ہیں۔ ہمارے مولوی صاحبان کیا صرف رٹے لگا کر جنت میں جا سکیں گیں؟ اجتہاد کیا صرف چند بندوں کا بحث کرنے کا نام ہوگا؟ مشاہدہ اب نہر کے پل پر بیٹھ کر نہیں کیا جاتا۔ وقت تبدیل ہو گیا اب یہ لیپز میں ہوتا ہے۔

   شگفتہ: شکر ہے کسی کو کچھ تو سمجھ لگی :p

8. 8 ساجداقبال(29) Aug 24th, 2007 at 1:41 am

   بدتمیز میں آپکو ٹی وی پر آنے والے “علماء” کو نہ سننے کا مشورو دونگا۔

Leave a Reply