بدتمیز

اب سے دو گھنٹے قبل میں جب 2 بجے کے قریب سب وے سے نکل کر بس اسٹیشن کی طرف جا رہا تھا تو خوب انجوائے کرتا ہوا جا رہا تھا۔ میرا کام نہیں ہو سکا تھا لیکن پھر بھی دل خوش ہی تھا۔ “جمہوریت” کی پروا نہ کرتے ہوئے میں اکیلے ہی اس اتنے بڑے شہر میں وارد ہوا تھا اور کچھ بھی نہیں برا ہوا تھا۔ نہ مجھے سڑکوں پر دھکے کھانے پڑے تھے نہ رات فٹ پاتھ پر گزارنی پڑی تھی۔ میزبانی کو دو ایسے میزبان جن کا احسان ساری زندگی نہیں اتار سکتا۔ لہذا کام نہ ہونے کے باوجود بہت مطمئن تھا۔

ٹکٹ خریدی اور کالی لڑکی کی بداخلاقی کی پرواہ نہ کرتے ہوئے (جس نے ابھی ابھی میرے آگے کھڑی گوری لڑکی پر اپنی ساری خوش اخلاقی انڈیلی تھی) باہر نکل گیا اور ساتھ ہی ایک شاپ میں کچھ کھانے کے لئے گھس گیا۔ کیونکہ میں ابھی تک “روشن خیال” نہیں ہو سکا لہذا ڈبوں کے ingridients پڑھنے کا سوچا پھر تنگ آ گر ایک cookies کے پیکٹ پر جلدی جلدی نظر ماری اور ایک جوس کی بوتل اٹھا کر escalator سے نیچے چلا گیا۔ نیچے جاتے ہی ایک منزل اور نیچے جانا پڑا، اترتے ساتھ ہی ایک عام افریقن امریکن نے مجھے دیکھتے ہی کہا کہ 75, all the way down to your left میں حیران ہوا کہ اس کو کیسے پتہ چلا۔ دیکھا تو ٹکٹ سامنے جیب میں ڈالی ہوئی تھی تو اس نے دیکھ کر کہا۔ اس کو کیا پڑی تھی کہ مجھے بتائے؟ مدد، یہ وہ چھوٹا سا جذبہ جو ہم میں عنقا ہے۔ وہاں تک پہنچا تو مزید ایک escalator کا سامنا پڑا۔ کوئی صاحب منیر نیازی کا دریا والا شعر escalator ٹانک کر کمنٹس میں پوسٹ کر دیں۔

مزید نیچے پہنچا تو 75 ڈھونڈنا شروع کیا۔ وہ سب سے آخر پر تھا۔ وہاں پہنچا تو اتنی لمبی لائن۔ ایک گورا چٹا لڑکا کھڑا تھا۔ بے حد معصوم سا۔ ایسے ہی کہا دیسی ہے تو انڈین ہو گا۔ کیونکہ اس نے ایک انڈین جوڑے سے پوچھا تھا آپ بھی انڈین ہیں؟ اس سے پوچھا is this the line for 75? اس نے کہا ہاں۔ میں مزے سے ساتھ لائے جوس سے انصاف کرنے لگا۔

اتنے میں یہ انڈین انکل آ گئے۔ اب یہ ان دونوں میاں بیوی کے ساتھ ملکر اس لڑکے کے ساتھ بات کرنے لگے۔ لڑکے نے اٹلانٹا جانا تھا۔ انڈین انکل نے شارلٹول اور انڈین جوڑے نے اٹلانٹا۔ یہ لڑکا ڈاکٹر علی تھا۔ پاکستان سے تعلق ہے اور یہاں پریکٹس کرنے کے لئے پیپر دینے آیا ہے۔ انڈین انکل بزنس مین ہے اور دس سال کا ویزہ لگوا کر آئے ہیں۔ دونوں میں بیوی دبئی سے اپنے بیٹے سے مل کر اب اپنی بیٹی کے پاس جا رہے ہیں۔ ان چاروں کو راستوں یا سٹیٹس کا کچھ علم نہیں۔ جب میں نے سنا کہ پہلے اٹلانٹا آئے گا اور پھر رچمنڈ تو میں نے ٹانگ اڑانے یا مدد کرنے کا فیصلہ کر لیا۔

اردو سن کر چونکے یا مجھے محسوس ہوا نامعلوم۔ میں نے کہا نہیں پہلے رچمنڈ آئے گا وہاں سے سب کو بس تبدیل کرنی پڑے گی اور پھر اپنی اپنی جگہ جانا پڑے گا۔ انڈین انکل فوری طور پر میری طرف لپکے۔ ان کی کل رات کی ٹکٹ تھی بس نکل گئی تھی لہذا اب جا رہے تھے۔ پاکستان سے الٹا حساب ہے۔ آپ کے پاس ٹکٹ ہونی چاہئے ایک سال تک ٹکٹ valid ہوتی ہے یعنی آپ نے 21 جولائی کی ٹکٹ لی لیکن نہیں استعمال کی اگلے دن لائن میں لگ جائیں اور بس میں بیٹھ جائیں۔ کوئی مسئلہ نہیں پڑتا۔ یہاں ڈرائیور ہی ٹکٹ چیکر ہوتا ہے۔

بس میں سوار ہوئے لیکن نیو جرسی ٹرن پائیک پر ڈرائیور نے ایک جگہ روک کر کہا کہ بس گرم ہو گئی ہے لہذا نئی بس آ رہی ہے۔ اب ہم اس پر بنے سینٹر میں بیٹھے تھے میرے ساتھ انکل اور علی تھے۔ میرا خیال تھا یہ اور کچھ کہے گیں لیکن نہیں کہا۔ ڈاکڑ علی نے کہا کہ جب وہ میچ دیکھنے گئے تھے تو کافی ترقی دیکھی تھی۔ ڈاکڑ علی کا اصرار تھا کہ پاکستان میں بھی اب بہت ترقیاتی کام ہوا ہے۔ انکل نے صرف کراچی دیکھا تھا وہ ورلڈ کپ 96 کے لئے کراچی گئے تھے۔ میں نے سوچا یہ کسی بری چیز کی طرف اشارہ کریں گیں لیکن نہیں انہوں نے کسی اختلافی موضوع کی طرف بات نہیں کی۔ استفسار پر جب میں نے کہا کہ میں لاہور سے ہوں تو علی نے بھی کہا کہ وہ وہ بھی لاہور سے ہیں۔ میری عادت ہے کہ جو سوال مجھ سے کریں میں وہ ضرور کرتا ہوں میں نے پوچھا آپ کہاں سے ہیں؟ انہوں نے کہا پٹھانکوٹ۔ ڈاکڑ علی نے فورا کہاں ہماری وہاں بڑی مشہور ٹینکوں کی جنگ ہوئی تھی۔ انکل نے کچھ نہ کہا۔ مجھے ڈاکٹر علی کی بات پر تھوڑا افسوس ہوا۔ وجہ وہی کہ مجھے ماضی میں کیا کیا کے بجائے اب کیا کر رہے ہیں سے زیادہ دلچسپی ہے۔

میں یہاں جتنے انڈینز سے ملا ان میں دو باتیں حیرت انگیز حد تک کامن ہیں۔ ایک گندگی سے محبت اور دوسری اختلافی باتوں سے اجتناب۔ ان کی صفائی کچھ عجیب قسم کی ہے۔ گھر یا اسٹورز کا جتنا حصہ امریکن لوگوں نے دیکھنا ہے وہ سب اوسط درجہ کا صاف ستھرا ہوتا ہے۔ اسی سے اندازہ لگائیں کہ میں نے سبھی پاکستانی اسٹورز پر jenetors ملازم دیکھے لیکن ہندو اسٹورز پر یہ ناپید ہیں۔ باقی کاوئنٹرز کے پیچھے اسٹور رومز میں، باتھ رومز، آفس میں اس قدر گندگی کہ دل کرتا ہے بندہ ایک منٹ نہ رکے۔

اختلافی باتوں پر آپ دیکھ لیں یہ بالکل نہیں کرتے بہت میٹھے رہتے ہیں۔ پاکستانی ایسے نہیں۔ کسی نہ کسی اختلافی بات کو چھیڑ ہی بیٹھتے ہیں۔ انڈین اور پاکستانی کی بات چیت میں جو بات نوٹ کریں کہ ہندو ہمیشہ اختلافی مسئلہ پر بحث نہیں کرتا یہ ہمیشہ دوسرے طریقے سے نمٹتے ہیں۔ جبکہ ہم لوگ  باتوں کے شیر ہیں۔ ہندو دل سے لاکھ چاہے پاکستان کو برا سمجھیں لیکن منہ پر کبھی تحقیر آمیز بات نہیں کرتے۔ ایسا نہیں ہے کہ سبھی ہندو ایسے ہیں۔ کچھ ایسے بھی ہیں جنہوں نے مجھ سے متھا لگانے کی کوشش کی۔ لیکن زیادہ تر ایسے کاموں سے گریز کرتے ہیں۔

خرچ کے معاملے میں ہندو بے حد تنگ دل ہیں۔ اس قدر تنگ دل اور بخیل۔ کہیں ہندو اور پاکستانی اکٹھے ہوں تو کوئی پاکستانی جائے گا اپنے لئے کچھ لینے تو باقیوں کے لئے بھی لائے گا۔ لیکن ہندو جائے گا تو اپنے لئے ہی لاتا ہے اور پھر اپنے جھوٹے کو ہی صلح مارنے کے لئے استعمال کرتا ہے۔ پاکستانی کوئی ایک اسٹیٹ سے دوسری میں جائے تو دوسرا پاکستانی وقت نکال کر اس کو receive کرنے کے لئے آگے موجود ہوگا۔ انڈینز کے ساتھ ایسا کچھ نہیں ان کا انڈین مہمان نواز ان کو فون پر بتا دے گا کہ ایسے ایسے کر کے آ جانا۔

میں اس دفعہ نیویارک پہنچا تو دونوں میزبانوں کو بتائے بغیر گیا تھا۔ جا کر فون کیا تو دونوں اپنی اپنی جابز چھوڑ کر لینے آ گئے۔ اور ان دونوں کی جابز بہت کام کی جابز ہیں۔ لیکن جب انڈین انکل میرے ساتھ رچمنڈ اترے تو میں نے ان کو کہا کہ صبح 5 بجے تک یہاں بیٹھنے سے بہتر ہے اپنے عزیز کو فون کر دیں 1.5 گھنٹے کی ڈرائیو ہے وہ لیں جائیں گے۔ انہوں نے  میرے فون سے فون کیا تو ان کے عزیز نے کہا میں تو اس وقت باہر نکلا ہوا ہوں بیوی بچوں کے ساتھ تو آپ صبح ہی آ جانا۔ میں ہمیشہ بالٹی مور پہنچ کر فون کرتا ہوں کہ میں اتنے بجے تک پہنچ جاؤں گا تو وہ رچمنڈ لینے آ جاتے ہیں۔

انڈین جوڑے کو جسنے نیویارک سے روانہ کیا اس نے ان کو بس کی ٹکٹ لے دی۔ حالانکہ وہ جہاز کی ٹکٹ لے کر دے سکتا تھا۔ اب یہ دونوں میاں بیوی کیسے پہنچے ہونگے مجھے علم نہیں کیونکہ جب میں رچمنڈ سے نکلا تو اس وقت تک یہ دونوں لائن میں لگے ہوئے تھے۔ ان سے کہا کہ اگلی دفعہ ڈائڑیکٹ اٹلانٹا کی فلائٹ لیں۔

ایک اور چیز جو ان لوگوں میں بہت عام ہے وہ احسان نہ لینے کی ہے۔ کیونکہ احسان لیں گے نہیں تو کرنا بھی نہیں پڑے گا۔ میرے ایک جاننے والے نے ایک عرب لڑکے کو ملازم رکھا تو اس کو کچھ قرضہ دیا۔ دیتے وقت کوئی شرط نہیں رکھی۔ وہ لڑکا کام چھوڑ کر چلا گیا تو اس کو فون پر خوب گرج چمک کر دھمکیاں دیں اور کہا کہ تمکو 5 فیصد سود دینا پڑے گا۔ عرب لڑکا کہتا سود حرام ہے تم سود کی بات کرتے ہو مجھسے پہلے پچھلے تو لو۔ میں ان کی کردار کشی کرنے کی کوشش نہیں کر رہا لیکن یہ سچ ہے کہ ایسا میں نے دیکھا ہے۔ اسی طرح میں نے ایک ہندو کو دوسرے ہندو کو اسٹور کا کچھ سامان دے کر لکھتے دیکھا ہے کہ فلاں اتنے لے کر گیا۔ حالانکہ جو دیا تھا وہ سگار کا ایک ڈبہ تھا۔ یہ چیزیں میں نے پاکستانی کمیونٹی میں نہیں دیکھیں۔

اگر سارا ہندوستان ایسا ہے تو پھر بلاشبہ میں پاکستان میں رہنا پسند کرونگا۔