o_O بدتمیز

مجھے جمہوریت پسند نہیں۔ اس سے پہلے کہ آپ بھنویں چڑھائیں اور سوچیں کہ اچھا اس لئے یہ صدر مشرف کی تھوڑی بہت حمایت کرتا ہے۔ میں صفائی پیش کردوں کہ مجھے وہ جمہوریت پسند نہیں جو کہ عام طور پر گھروں میں غیر ضروری طور پر پائی جاتی ہے۔ اس غیر ضروری جمہوریت کا شاخسانہ ہے کہ ہمارے گھروں میں غیر ضروری لڑائیاں جنم لیتی ہیں۔ اس غیر ضروری لڑائی میں سب سے ضروری بات کسی نہ کسی غیر ضروری بات کا ہونا ہوتی ہے۔

میرے گھر میں بھی کچھ اسی قسم کی جمہوریت نافذ العمل ہے۔ اس میں سب کچھ جمہوری ہے سوائے جمہوریت کے۔ عام طور پر جمہوریت کا مطلب ہوتا ہے کہ سب کا متفق ہونا جبکہ ہمارے ملک میں اس کا مطلب ہوتا ہے سب کا اپنی ڈیڑھ اینٹ کی مسجد بنانا اور اس کی توجیح fundamental right کی چھابڑی لگا کر دی جاتی ہے۔ یہ ہر جگہ ہے۔ نتیجتا میرے دوستوں کے ننھے سے گروہ کا اصرار ہے کہ میں آمر ہوں۔ اور اپنی مرضی چلانے کے جرم کا مرتکب ہوتا ہوں۔ اس میں مجھ معصوم کے پاس یہی بہانہ ہے کہ چونکہ میں بےوقوفوں کو نہیں سمجھاتا لہذا چپ ہوں۔

میرے گھر میں بھی میری آمریت کے جھنڈے گڑے ہیں۔ یہ میرا نہیں امی کا خیال ہے کہ منڈا جس چیز کے پیچھے پڑ جائے جان توڑ لیتا ہے اور حاصل فرما کر ہی دم لیتا ہے۔ لیکن دوسرا فرمان ہے کہ ایک چیز لیتے ساتھ ہی دوسری کے پیچھے پڑ جاتا ہے۔ اب اس میں میرا ہے کوئی قصور؟

اس جمہوریت کا شاخسانہ ہے کہ میرے اکثر کاموں میں مداخلت کی جاتی ہے اور اس کو اس قدر لٹکا دیا جاتا ہے کہ وہ بیچارہ لٹک ہی جاتا ہے۔ ابھی تازہ ترین جس پر غصہ ہے وہ کل ہوا ہے کل ایک جگہ سے انکار ہوا ہے  کہتے ہیں میاں دفعان ہو جاؤں کم از کم بھی چھ ماہ بعد نومبر میں شکل دیکھانا ہے کوئی کرنے والی بات؟

اس سے قبل اسی جمہوریت کے باعث مجھے nokia n95 کی جگہ samsung  blackjack لینا پڑا۔ اسی جمہوریت کی وجہ سے سخت ناپسندیدہ ipod لینا پڑا میں نے کہا ایک ماہ صبر کر لو zune لے دونگا لیکن نہیں۔ اسی جمہوریت کی وجہ سے مجھے xbox 360 پر صبر کرنا پڑا اور psp لے کر دینا پڑا (ٹین ایجرز میں عقل بالکل نہیں ہوتی)۔ میرا خیال تھا کہ ابھی xbox 360 لے لیں اور کچھ عرصہ بعد PS3 لیکن بھائی کی عقل بھی اس کی صحت جیسی ہے لہذا psp لینا پڑا۔ اسی جمہوریت کی وجہ سے مجھے 200 ڈالر کی ریکوری نہیں کی گئی اور وہ کھوں کھاتے گئے :p

اب جمہوریت دخل اندازی کر رہی ہے گاڑی پر۔ میرے دماغ پر گاڑی خریدنے کا بھوت سوار ہوا۔ اب دل کہے کہ bmw لینا اور جیب کہے “نہ رے نہ نہ رےے ے نہ” عقل نے ساتھ ساتھ گاڑی پر سالانہ ٹیکس پر نظر بھی دوڑانے کی زحمت کی۔ میں نے کہا چلو 525i نہیں کیونکہ یہ 43,500 ڈالر کی تھی تو 328i ہی صحیح لیکن وہ بھی بہت مہنگی 32,000 ڈالر کی۔  اس کے بعد نمبر تھا chrysler 300 کا اس کی بھی قیمت کم از کم 25,000 ڈالر سے 43,000 ڈالر تک تھی۔ جمہوریت اس کو برداشت نہیں کرے گی اب ہم مصر ہیں کہ لوٹ کے بدھو گھر کو آئے کی طرح Toyota Corrola یا پھر Honda Civic لینی ہے۔ لیکن ابھی اس پر بھی خیال ہے کہ نہیں یہ نہیں کوئی اور سستی یعنی کوئی 2500 سے 3500 تک کی۔ جبکہ toyota corrola اور honda civic کی کم و بیش 14000 سے 16000 تک کی قیمت ہے۔ ابھی میں نے اعلان تو نہیں فرمایا کہ ان دونوں میں سے ایک لینی ہے لیکن جیسے مشورے وصول ہو چکے ہیں کوئی بعید نہیں کہ 1992 یا قبل از مسیح کی ford mustang مجھے لے کر دے دی جائے جس کے آگے کھوتا بندھا ہو یا نہ ہو میں ضرور اس کو چلاتا ہو کھوتا لگونگا :p

 اس کے بعد نمبر آتا ہے گاڑی کی انشورنس کا۔ پاکستان میں آدم جی والوں سے واسطہ تھا۔ ان کو صرف ایک دفعہ پیسے دینے پڑتے تھے۔ یہاں ہر ماہ دینے پڑتے ہیں۔ چاہے ایکسیڈینٹ ہو یا نہ ہو۔ اس کے بعد بھی شائد وہ سارا پیسہ نہیں دیتے آپ کو کچھ نہ کچھ دینا پڑتا ہے۔ ہیلتھ انشورنس میں تو ایسا ہی ہوتا ہے کہ کچھ نہ کچھ بل آپ کو پے کرنا پڑتا ہے۔

Car insurance کے لئے ایک کمپنی تو geico ہے۔ اس کا lizzard لوگوں کو اتنا پسند ہے کہ کچھ لوگوں نے صرف اس کی وجہ سے gieco کی انشورنس لے رکھی ہے۔ اس کے علاوہ ایک nationwide کمپنی ہے ایک e-surance ایکprogressive  ایک all state (جو کہ اب few state بن گئی ہے چونکہ اس نے کہا کہ کیلیفورنیا یا پتہ نہیں کس سٹیٹ میں قدرتی تباہیاں بہت ہیں تو ہم وہاں انشورنس نہیں کرتے) ان سب میں سے مجھے کسی کا علم نہیں کہ کونسی اچھی ہے۔ کچھ نے کہا کہ gieco کو try کر کے دیکھ لو ان کی آفرز تو اچھی آ رہی ہیں۔ اب پتہ نہیں جن کے پاس پہلے سے ہی ہو ان کو پتہ ہو گا کہ کونسی انشورنس کمپنی اچھی ہے۔

میرے پر تو strikes بھی بڑی ہونی ہیں ماموں جان نے گنوائی تو چار تھیں اب یاد نہیں ساری۔ پہلے کہ بچہ شادی شدہ نہیں لہذا responsible نہیں۔ یہ ان کی سٹڈی ہے کہ اگر کوئی شادی شدہ ہے تو اس پر بال بچوں اور بیوی کی ذمہ داری ہو گی تو وہ ذیادہ محتاط ہو گا۔ یاد رہے امریکہ میں فیملی کا مطلب آپ بیوی اور بچے ہوتے ہیں ماں باپ بہن بھائی count نہیں ہوتے۔ ایک شائد عمر سے تعلق رکھتی تھی کہ اتنے سال سے کم عمر ہو تا زیادہ پریمیم پے کرے کیونکہ میچور نہیں ہوگا۔ (وہ تو میں کبھی بھی نہیں ہونگا ) اس کے بعد ایک چونکہ میں میدانی علاقے میں ہوں تو یہاں میدانی علاقوں میں پریمیم زیادہ ہے۔ اس کے بعد سٹیٹ کی اسٹڈی کے کس علاقے کے لوگ زیادہ حادثے کرتے ہیں اور ماشااللہ سے یہ علاقہ حادثوں میں خود کفیل ہے۔ پہاڑی علاقوں میں انشورنس کا پریمیم کم ہوتا ہے کیونکہ وہاں لوگ محتاط ڈرائیونگ کرتے ہیں۔ جو لوگ انشورنس نہیں کروا سکتے ان کو dmv کو un-insured motor vehicle fees دینی پڑتی ہے جو کہ ورجینیا میں 500 ڈالر ہے۔ پورے سال کی۔ جبکہ gieco کی انشورنس ہے 700 ڈالر 6 ماہ کی اور ایک اور بندہ کسی کو 70 ڈالر ماہانہ انشورنس پے کر رہا تھا۔ نامعلوم میں کیا کرونگا۔ کام کے مشوروں سے نواز کر شکریہ کا موقعہ دیں :d نہیں تو کھوتا mustang چلا رہا ہوگا۔