o_O بدتمیز

میں بہت کوشش کرتا ہوں کہ لطیفوں کو پڑھ کر نظر انداز کر دیا کروں لیکن کمبخت اتنے مزے کے لطیفے چھوڑتے ہیں کہ بس۔ سب سے پہلے تو کم عقلوں کا ایک چینل ہے نام ہے جیو۔ اس پر جس قدر لطیفے اور جتنی بوگس اور واہیات قسم کی رپورٹنگ ہوتی ہے کہیں اور نہیں میں سچ میں حیران ہوں کہ یہ تکا لگا کیسے۔ اس میں سے نادیہ خان، حامد میر اور ڈاکٹر شاہد مسعود کو نکال دیں تو پیچھے بچے گا کیا؟ کچھ بھی نہیں۔

پچھلے دنوں جیو کو شوق چڑھا جیو والے ہر جگہ پہنچ جاتے ہیں کے اشتہار بنائے اور وہ بھی صدر صاحب کے فرمان سے نکال کر۔ پہلے تو صدر صاحب کا بیان سنیں تو رونا آتا ہے کہ صدر صاحب کو ہوا کیا ہے :p اس کے بعد جیو نے جو اسی قسم کے اشتہار بنائے وہ دیکھ کر جیو پر رونا آیا کہ ان اشتہارات کو چلانے کے لئے approve کس کم عقل نے کیا۔

اس کے بعد ایم کیو ایم کا ایک لطیفہ تھا۔ جس میں کراچی کے عوام کو مشورہ دیا ہوا تھا کہ جون کا بجلی کا بل ادا نہ کریں۔ ذاتی طور پر میرے خیال سے الطاف حسین پارٹی کنٹرول سے ہاتھ دھو بیٹھا ہے اور تاج برطانیہ کی طرح کا فرماروا ہے۔ اس کے ساتھ رہ کر کھانا پینا مفت ہے اور ساتھ میں نام اس کا کل کو جرم اس کے سر اور باقی سب بری الذمہ۔

اکثر سیاست دانوں کو دیکھ کر مجھے لگتا ہے کہ ان کے والدین نے “مذاق” کیا تھا :p اب غلطی تو ان سیاست دانوں کی نہیں نہ تو ماضی میں ہوئی “غلطی” پر قوم کب نظر ثانی کرتی ہے؟ :p ویسے بھی والدین کی غلطیوں پر کوئی کیسے کچھ کہہ سکتا ہے؟ اور پھر سیاست دان تو بالکل ہی کچھ نہیں کہہ سکتے۔ کچھ کے والدین حیات نہیں ہوتے تو ضرور شرمندہ ہوتے کہ ہم نے “کیا کیا تھا” جن کے ہوتے ہیں وہ پہلے ان سے چھٹکارا حاصل کرتے ہیں اس کے بعد کچھ ایسا کرتے ہیں کہ والدین کو ایصال ثواب پہنچا سکیں۔

اکثر کالم نگار بھی بڑے لطیفے چھوڑتے ہیں۔ ان کے نام اتنے بڑے بڑے ہیں کہ کیا کریں۔ میں ان کے خلاف اس لئے کچھ نہیں لکھتا کہ کہیں سے نازل  نہ ہو جائیں۔ میرے کسی جاننے والے کے جاننے والے نکل آئے تو میں کیا کرونگا :p پہلے ایسے ایک دفعہ ہو چکا ہے کہ کسی نے مجھے کہا کہ فلاں ہمارا رشتہ دار ہے ملنے آیا ہوا ہے اندر بیٹھا ہے ملنا ہے تو کہو۔ میں نے کہا نہیں اب میں چلتا ہوں :p اسی طرح کے کالم نگار ہر معاملے میں گفت و شنید پر زور دیتے ہیں لیکن جامعہ حفصہ پر شہہ فراہم کر رہے تھے کہ جی نہیں مذاکرات نہ کریں۔ اب جب ڈنڈا چل پڑا ہے تو کہیں گے کہ نہیں مارنے کو تھوڑا کہا تھا :p

سب سے بڑے لطیفے ہوتے ہیں ہمارے عوام۔ یہ ٹی وی کے آگے بیٹھے ہیں۔ کوئی ذرا زیادہ ہی ہے تو فاکس یا سی این این لگا لیتا ہے۔ انگلش کی ایک لفظ سمجھ نہیں لگتی۔ رپورٹر کہہ رہا ہے مولانا فلاں برقعہ پہن کر نکلے انہوں نے فٹ یقین کر لیا۔ اب کیا پتہ جھوٹ کہا گیا ہو ہمارے تو صدر صاحب اس حد تک گئے کہ شہباز شریف کی برآمدگی “کہیں” ڈال دی نہ جانے جب صدر صاحب چلے جائیں گیں تو ان کو کن الفاظ میں رسوا کیا جائے گا۔ حالیہ مثال عدالت میں جو گند پیش کیا گیا اس کی ہے۔ اب اس پر کون ذمہ دار ہوگا اصل میں کہ اس کے کہنے پر کیا گیا؟

اب رپورٹر خود دو جماعتیں پاس۔ کیمرہ کے سامنے مارے مارے پھر رہے ہیں۔ ان کا فرمانا جو ہے لوگ اس پر سر دھن رہے ہیں۔ اصل بات کیا ہو گی کسی کے علم میں نہیں۔ سنی سنائی باتوں کو دوبارہ بیان کر کے ہم سب بڑے تیر چلاتے ہیں :p اللہ سب کے حال پر رحم کرے۔ اور میرے حال پر تو کچھ زیادہ ہی کرے۔

Popularity: 12% [?]