بدتمیز

Fairy tales کیا ہوتی ہیں؟ یہ بچوں کے لئے لکھی گئی مزے مزے کی کہانیاں ہوتی ہیں جس میں سب کچھ ممکن ہوتا ہے۔ میں ابھی بھی بڑے بڑے نام اور حالات حاظرہ پر الٹی سیدھی پراپیگنڈہ کتابیں پڑھنے کی بجائے ایسی fairy tales ہی پڑھتا ہوں۔ جیسے میں نے ابھی harry potter and the deathly hallows کا آرڈر کر رکھا ہے اس کا بے چینی سے انتظار ہے۔ صرف ایک ماہ رہ گیا ہے اس کے آنے میں۔

چند ماہ قبل ٹی وی پر ایک پروگرام dirty jobs دیکھا۔ نام سنتے ہیں ذہن میں چند شر پسندانہ خیالات امڈے۔ ادھر ادھر نظر دوڑا کر آواز نیچی کر دی کہ کسی کو کانوں کان خبر نہ ہو کہ بچہ کن کاموں میں مصروف ہے۔ لیکن دھت تیرے کی۔ نہ تو یہ چند چیتھڑوں میں مختلف tools پکڑے کسی گاڑی کے ارد گرد ایک منحوس سے مکینک کے گرد جمع خواتین تھیں نہ یہ مکمل طور پر بالغان (جس کو ذہنی نابالغ دیکھتے ہیں) کا پروگرام تھا۔ یہ ایک صاحب mike کا پروگرام تھا جس میں ان کا فرمانا ہے کہ

“My name is Mike Rowe, and this is my job: I explore the country looking for people who aren’t afraid to get dirty—hard-working men and women who earn an honest living doing the kinds of jobs that make civilized life possible for the rest of us.”

میں نے 1994 میں پہلی دفعہ ملتان کا دورہ کیا تھا۔ یاد رہے یہ دورہ چیف جسٹس کے دورے کے بالکل برعکس تھا یہاں ابو کے رشتہ داروں کے گھر رہے۔ وہاں میں نے بہت سارا گوبر دیکھا۔ جس دیوار کو دیکھو گوبر کے تھاپے اور جس چولہے کو دیکھو اس میں یہی تھاپے پڑے جل رہے۔ اور مزید گوبر کے ڈھیر گائے بھینسوں کے پاس پڑے تھے ساتھ ایک تالاب جس میں پچھلے ہفتے ہونے والی بارش اور سیلاب کے پانی میں بھینسیں نہلائی جا رہی تھیں۔ اس کے بعد ہم ماموں کے گھر چلے گئے۔ وہاں بڑے بڑے جناتی سائز کے گملے۔ جن میں لگے پودوں کا سائز درخت جتنا ہو گیا اور گملے میں سوائے جڑوں کے کچھ نہیں بچا اور اب مالی صاحب اکیلے لگے ہوں کہ اس کو گملے سے نکال زمیں میں کیسے لگایا جائے لیکن ماربل کا بڑا گملا ان کے قابو نہیں آتا تھا۔

 تب میں نے سوچا کہ اس گوبر کے گملے بنا کر ان میں پودے لگے ہوں اور جب ان پودوں کا سائز بڑا ہو تو پورا گملا اٹھا کر زمین میں لگا دیا۔ لیکن قباحت یہ تھی کہ یہ گملے بدبو دار بھی تھے اور گوبر کے جھڑنے کا اندیشہ بھی تھا۔ لہذا میں نے سوچا کہ اس کو اس پیلی چیز میں لپیٹ دیا جائے جو کہ آم کی پیٹیوں سے برآمد ہوتی ہے یا پھر گندم کے پودے میں۔ یہ شائد سرکنڈے قسم کی چیز ہوتی ہے۔ لیکن بدبو کا مسئلہ حل کرنے سے میرا ناقص ذہن قاصر رہا۔

اب dirty jobs دیکھ کر بہت افسوس ہوا بدتمیزوں نے میرا آئیڈیا چرا لیا اس میں دیکھایا گیا کہ ایک باقاعدہ پراسیسنگ بلانٹ لگایا گیا۔ پہلے گوبر میں سے پانی الگ کیا گیا۔ پھر اس کو گلایا گیا۔ گلا کر پھر اس کو مزید خشک کیا گیا۔ پھر بدبو دور کر کے اس میں پانی ملا کر نیم خنک حالت میں اس کو مشینوں کے ذریعے گملوں میں تبدیل کر دیا گیا۔

میرے پاس اس طرح کے بہت سے فضول خیالات تھے۔ (اب معلوم ہوا ہم 5 جماعت میں ستمبر ٹیسٹ میں 27 نمبر لے کر فیل کیوں ہوئے تھے ) ان پر میں نے کبھی بات نہیں کی۔ لیکن کمبختوں نے میرے آئیڈیے چرانے شروع کر دئے۔ fairy tales کے حوالے سے میں نے ابھی مزید لکھنا تھا لیکن مشورہ ہے کہ لمبی لمبی نہ چھوڑا کرو لہذا باقی کل سہی۔

Popularity: 30%