o_O بدتمیز

میں امریکہ کے east coast  پر رہتا ہوں۔ یعنی مشرقی ساحل پر۔ اگر آپ سیدھا چلتے جائیں تو دوسری طرف مغربی ساحل ہے۔ پچھلے دنوں امریکہ کے دونوں ساحلوں پر ایسے واقعے ہوئے جو کہ پاکستان میں چیف جسٹس والے واقعے پر ذمہ داران کے منہ پر پرزور طمانچہ ہے۔

پہلا واقعہ تھا کہ کہ atlanta georgia  کی فٹبال ٹیم کے کوارٹر بیک micheall vick کی owned پراپرٹی سے کتوں کی باقیات نکلیں۔ ان کو کسی نے ہنٹ فراہم کیا تھا کہ وہ کتوں کی لڑائی میں ملوث ہیں۔ micheall vick کتوں کے licensced breeder ہیں۔ ان کی پراپرٹی سے اور بہت سا سامان ملا جس میں زنجیریں بھی تھیں جن سے کتوں کو باندھا جاتا تھا۔

پاکستانی نظام پر طمانچہ تب ہوا کہ فیڈرل ادارے نے اجازت لی کہ وہ پراپرٹی کی تلاشی لے سکیں۔ تلاشی کے لئے مقررہ وقت ہوتا ہے  یعنی سرچ وارنٹ پر لکھا ہوتا ہے کہ اس دن تک تلاشی لے لو یہ نہیں کہ ایک دفعہ حاصل کیا تو جب چاہے مرضی تنگ کرو۔ لوکل اتھارٹی کے ایک صاحب اڑ گئے۔ ان کا موقف تھا کہ کہیں فیڈرل ادارہ اس لئے تو پھرتی نہیں دکھا رہا کہ کوارٹر بیک ایک سلبریٹی ہے۔ کیا ایک عام آدمی کے لئے بھی ایسا ہی آپریشن کیا جاتا؟ نتیجتا سرچ وارنٹ ایکسپائر ہو گیا۔ اب تقریبا ایک ماہ کے بعد جا کر فیڈرل تفتیشی ادارے پراپرٹی میں گھس سکیں ہیں۔ آپ اگر یہ بھی سمجھیں کہ ان صاحب نے مائیکل کو وقت فراہم کروا دیا کہ وہ نشانات غائب کر سکیں تب بھی ادارے باہر سے تو نگرانی کر سکتے ہیں نہ۔ یہ ایک لوکل اتھارٹی کی طاقت تھی کہ وفاقی ادارے کی چلنے نہ دی۔ ہمارے ملک میں دیکھ لیں لوکل اتھارٹی نے وفاقی طاقت کی چلنے نہ دی تو ٹینک چڑھا دئے۔ اور جہاں لوکل اتھارٹی نے وفاقی طاقت کے لئے بندے مارے وہاں کالا وزیر کہتا ہے بابا کیا ہوا؟ چند بندے ہی تو تھے نہ۔

مغربی ساحل پر ہے کیلیفورنیا۔ یہاں ہے ہالی ووڈ۔ جہاں بگڑے لوگ بکثرت پائے جاتے ہیں۔ لہذا یہاں انتظامات بھی سخت ہیں۔ پیرس ہلٹن کو کون نہیں جانتا؟ اس امیر زادی نے بہت شہرت حاصل کی ہے۔ ان کی بوائے فرینڈ کے ساتھ مناظر والی فلم نے انکو کتنے ہفتہ top searched پوزیشن پر رکھا۔ اس کے بعد جو شہرت ان کو حاصل ہوئی وہ کم نہیں تھی۔

یہاں امریکہ میں شراب کے زیر اثر گاڑی چلانے پر بہت سخت سزائیں ہیں۔ کیونکہ آپ اپنی جان کو ہی نہیں دوسروں کی جان کو بھی خطرہ میں ڈالتے ہیں۔ لہذا یا تو کرائے کی گاڑی کا بندوبست کریں یا پھر کسی ایسے بندے کو ساتھ لے جانے پر آمادہ کریں جو پارٹی میں جا کر پئے گا نہیں۔ اب امیرزادے قانوں کی کہاں پرواہ کرتے ہیں لہذا یہ لوگ اکثر قانون کے زیر حراست ہوتے ہیں۔ ویسے بھی اس سے ان کو شہرت ملتی ہے۔ بعد میں کتاب لکھی اور لاکھوں کمائے۔

مس ہلٹن بھی اس طرح کی بہت سی voilations کر چکی تھیں۔ نتیجتا اس دفعہ کورٹ نے ان کو جیل بھیج دیا۔ ساتھ میں حکم دیا کہ وہ گھر پر نظر بند رہ کر اپنی ٹرم نہیں پوری کر سکتیں۔ جیل میں پہلے تو ان کو الگ سیل فراہم کرنے کی خاطر ان کی cell-mate خاتون کو جو کہ Mtv کے پروگرام میں کچھ کام دیکھا آئیں تھیں کو گھر بھیج دیا گیا تا کہ سیل میں وہ اپنی مرضی سے رہ سکیں۔ اس کے بعد تیسرے ہی دن مس ہلٹن کو ایک unspecified وجہ کے تحت گھر پر جا کر اپنی ٹرم پوری کرنے کی اجازت دے دی گئی۔ اور یہ سب کرنے والے تھے lee baca جیل سپرٹنڈنٹ۔ ان پر الزام ہے کہ وہ سب سے زیادہ تحائف وصول کرتے ہیں۔ بلکہ پوری کیلیفورنیا اسٹیٹ میں سب sherifs کے کل تحائف سے زیادہ تحائف وصول کرتے ہیں۔ انہوں نے مس ہلٹن کو گھر جانے کی اجازت دے کر عدالتی حکم کی خلاف ورزی کی کیونکہ عدالت نے انکو گھر جانے سے منع کیا تھا۔

عدالت نے فوری طور پر نوٹس لیتے ہوئے مس ہلٹن کو عدالت بلا بھیجا۔ تین وکیل عدالت میں کچھ نہ کر سکے اور جج نے مس ہلٹن کو دوبارہ جیل بھیج دیا۔ قانون کے تحت اگر چار دن تک اچھا برتاؤ کیا جائے تو ایک دن کی سزا ختم ہوتی جاتی ہے۔ لہذا اگر مس ہلٹن نہ بھی اچھی رہیں تب بھی شیرف کی بدولت جلد واپس آ جائیں گیں۔

اس سے پہلے امریکی عدالت کے دو فیصلے میری نظر میں بہت برے تھے۔ ایک میں ایک ایسی خاتون جو کہ مشینوں کے سہارے 12 سال سے زندہ تھیں کو اس کے شوہر کی درخواست پر اس عورت کے ماں باپ کی نہ سنتے ہوئے مشینوں سے الگ کر کے مرنے دیا گیا۔ دوسرا تھا جب ایک رپورٹر نے عدالتی حکم کی تعمیل نہ کی اور اپنے نیوز سورس کا پتہ نہ بتایا۔ اس پر عدالت نے اس کو جیل بھیج دیا۔ کسی کو زندگی سے محروم کرنا میرے نزدیک درست عمل نہیں۔ میں تو مکڑیوں کو بھی کوشش کرتا ہوں کہ اگر زیادہ بھاگ دوڑ نہ کریں تو کسی اخبار سے اٹھا کر گھر سے باہر پھینک دوں یہاں تو ایک انسان تھی۔ زندگی جیسی بھی ہو انسان کو پیاری ہوتی ہے۔ اس کو مشینوں سے الگ کر کے قتل کیا گیا۔ رپورٹر پر جو حکم تھا کہ اپنے نیوز سورس کا پتہ بتائے وہ میرے خیال سے درست نہیں۔ کیونکہ اگر رپورٹر اپنے نیوز سورس کا بتانے لگ جائیں تو لوگ خبر دینا بند کردیں کیونکہ نام آنے پر ان کو قتل کر دیا جائے گا۔ لہذا دباؤ درست نہیں تھا۔

اب تک شیرف سے نفرت یا بیزاری اور رپورٹر سے ہمدردی محسوس ہوئی؟ اگر ہاں تو کل اسی بارے میں مزید کچھ لکھونگا۔

Popularity: 16% [?]